ຢູ່ນະຄອນຫລວງ​ວຽງຈັນສະ​ເລ່ຍມື້ໜຶ່ງ​ມີ​ລົດ​ເສຍ​ຫາຍ 2-3 ຄັນ

- advert banner 728 90 728x90 - ຢູ່ນະຄອນຫລວງ​ວຽງຈັນສະ​ເລ່ຍມື້ໜຶ່ງ​ມີ​ລົດ​ເສຍ​ຫາຍ 2-3 ຄັນ

​ເຈົ້າໜ້າ​ທີ່ນະຄອນຫລວງ​ວຽງຈັນ ​​ເປີດ​ເຜີຍ​ວ່າ: ​ໃນ​ປີ 2017 ນີ້ ຢູ່ນະຄອນຫລວງ​ວຽງຈັນມີ​ປາກົດ​ການ​ຫຍໍ້​ທໍ້​ເກີດ​ຂຶ້ນ 5 ພັນ​ກວ່າ​ເລື່ອງ, ທຽບ​ໃສ່​ປີຜ່ານມາເພີ່ມ​ຂຶ້ນ 1 ພັນ​ກວ່າ​ເລື່ອງ, ພົ້ນ​ເດັ່ນ​ແມ່ນ​ສະພາບ​ລັກ​ຊັບ​ພົນລະ​ເມືອງ​ເກີດ​ຂຶ້ນ 1.183 ​ເລື່ອ​ງ ສະ​ເລ່ຍມື້ໜຶ່ງມີ​ລົດ​ເສຍ ປະມານ 2-3 ຄັນ ​ເຊິ່ງ​ເປັນ​ບັນຫາໜຶ່ງ​ກົດໜ່ວງ​ການຈັດ​ຕັ້ງປະຕິບັດ​ວຽກ ງານ 6 ສ ທີ່​ນະຄອນຫລວງ​ວຽງຈັນວາງ​ອອກ​ ໂດຍ​ສະ​ເພາະ​ແມ່ນ ສ.ສະຫງົບ.

- new3 - ຢູ່ນະຄອນຫລວງ​ວຽງຈັນສະ​ເລ່ຍມື້ໜຶ່ງ​ມີ​ລົດ​ເສຍ​ຫາຍ 2-3 ຄັນ

ກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ສິ່ງ​ຫຍໍ້​ທໍ້​ດັ່ງກ່າວສາ​ເຫດຕົ້ນຕໍ​ແມ່ນ​ມາ​ຈາກ​ໄພ​ຫວ່າງ​ງານ, ບັນຫາມົ້ວ​ສຸມ​ຢາ​ເສບ​ຕິດ ແລະ ອື່ນໆ ທີ່​ສົ່ງ​ຜົນສະທ້ອນ​ໃຫ້​ແກ່​ສັງຄົມ ​ແລະ​ ຄຽງ​ຄູ່​ກັນນັ້ນ ກໍ​ຍ້ອນ​ກຳລັງ​ວິຊາ​ສະ​ເພາະ​ຈຳນວນໜຶ່ງບໍ່ມີ​ຄວາມ​ຫ້າວຫັນ​ຕໍ່ໜ້າທີ່​ວຽກ​ງານ​ໃນການ​ຄຸ້ມ​ຄອງ​ກວດກາ ​ແລະ ​ເກັບ​ກຳ​ເປົ້າໝາຍ​ບໍ່​ລະອຽດ ​ແລະ ການ​ແກ້​ໄຂ​ຍັງ​ບໍ່ມີ​ປະສິດທິພາບ ​ເຮັດ​ໃຫ້​ມີ​ກຸ່ມ​ຄົນ​ບໍ່ດີ​ສວຍ​ໂອກາດ​ເຄື່ອນ​ໄຫວ​ກໍ່ຄວາມ​ບໍ່ສະຫງົບ ​ແລະ ພ້ອມ​ນີ້ ສັງຄົມ​ກໍ​ຍັງ​ບໍ່ທັນ​ເອົາ​ໃຈ​ໃສ່​ໃນ​ການ​ປະກອບສ່ວນ​ປ້ອງ​ກັນ​ຄວາມ​ສະຫງົບ​ພາຍ​ໃນ​ບ້ານ ​ແລະ ການ​ນັບຖື​ລະບຽບກົດໝາຍດີ​ເທົ່າ​ທີ່​ຄວນ.

​ກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນຕໍ່ໜ້າ ​ເພື່ອ​ສະກັດ​ກັ້ນ ​ແລະ ​ແກ້​ໄຂ​ສະພາບ​​ຫຍໍ້​ທໍ້​ໃຫ້​ຫລຸດ​ລົງຈະ​ໄດ້​ສຸມ​ໃສ່ 5 ວຽກ​ໃຫຍ່​ຄື: ການ​ສະກັດ​ກັ້ນ ​ແລະ ປາບ​ປາມ​ການ​ຄ້າຂາຍ​ຢາ​ເສບ​ຕິດ​ໃຫ້​ມີ​ປະສິດທິ​ຜົນ, ການ​ປ້ອງ​ກັນ​ສະກັດ​ກັ້ນ ​ແລະ ​ແກ້​ໄຂ​ອຸປະຕິ​ເຫດ​ຕາມ​ທ້ອງ​ຖະໜົນ, ​ການ​ສະກັດ​ກັ້ນ ​ແລະ ​ແກ້​ໄຂ​ອັກຄີ​ໄພ, ​ການ​ກໍ່ສ້າງ​ພະນັກງານ ປກສ ກຸ່ມ​ບ້ານ ​ແລະ ປກສ ບ້ານ​​ໃຫ້​ເຂັ້ມ​ແຂງ ​ແລະ ​ການ​ຕິດ​ຕັ້ງ ​ແລະ ສ້າງ​ສູນ​ຄວບ​ຄຸມ​ກ້ອງ​ວົງ​ຈອນ​ປິ​ດ ​ເພື່ອ​​ຮັບ​ປະກັນ​ຄວາມ​ສະຫງົບປອດ​ໄພ​ຮອບດ້ານ.

error: Content is protected !!