ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19

ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 - Time fo an Adventure 2020 08 21T153319 - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19
ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 - AGL banner - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19

ເພື່ອເປັນການເພີ່ມທະວີການປ້ອງກັນ, ຄວບຄຸມ, ຕ້ານ ແລະ ສະກັດກັ້ນ ການລະບາດຂອງເຊື້ອພະຍາດໂຄວິດ-19 ຮອບສອງ, ໃນລະຫວ່າງວັນທີ 14-19 ສິງຫາ 2020 ນີ້, ເຈົ້າໜ້າທີ່ສະ ເພາະກິດ ປກສ ແຂວງບໍລິຄຳໄຊ ໄດ້ສົມທົບກັບພະແນກຖະແຫລງຂ່າວ, ວັດທະນາທຳ ແລະ ທ່ອງທ່ຽວແຂວງ ແລະ ຂະແໜງການທີ່ກ່ຽວຂ້ອງ ລົງເຜີຍແຜ່ແຈ້ງການເພີ່ມເຕີມຂອງຄະນະສະເພາະກິດຂັ້ນແຂວງ ປ້ອງກັນໂຄວິດ-19 ສະບັບເລກທີ່ 34/ສພກ.ຂບຊ ລົງວັນທີ18 ສີງຫາ 2020 ວ່າດ້ວຍທິດຊີ້ນໍາເພີ່ມເຕີມກ່ຽວກັບການເພີ່ມທະວີປະຕິບັດ ບັນດາມາດຕະການຜ່ອນຜັນ, ປ້ອງກັນຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຮອບສອງ ໃຫ້ບັນດາເຈົ້າຂອງກິດຈະການ, ຮ້ານອາຫານ ແລະ ຮ້ານບັນເທີງຕ່າງໆ ພາຍໃນເທດສະບານແຂວງ, ເຊິ່ງນຳໂດຍທ່ານ ພັນໂທ ສຸກສະຫວັນ ບຸບຜາພັນ ຄະ ນະພັກກອງບັນຊາການ ຫົວໜ້າຫ້ອງສັນຕິບານ ປກສ ແຂວງ, ທ່ານ ສົນທອງ ວີບຸນກວ້າງ ຮອງຫົວໜ້າພະແນກ ຖວທ ແຂວງ.

ຈຸດປະສົງການລົງເຄື່ອນໄຫວວຽກງານຂອງຄະນະສະເພາະກິດ ໃນຄັ້ງນີ້ ກໍເພື່ອເປັນການຈັດຕັ້ງຜັນຂະຫຍາຍບັນດາຄໍາສັ່ງຂອງທ່ານນາຍົກລັດຖະມົນຕີ, ແຈ້ງການຂອງຫົວໜ້າຫ້ອງວ່າການສໍານັກງານນາຍົກ ແລະ  ແຈ້ງການເພີ່ມເຕີມ ສະບັບເລກທີ່ 34/ສພກ.ຂບຊ ວ່າດ້ວຍທິດຊີ້ນໍາເພີ່ມເຕີມກ່ຽວກັບການເພີ່ມທະວີປະຕິບັດ ບັນດາມາດຕະການຜ່ອນຜັນ, ປ້ອງກັນຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຮອບສອງ ເຊິ່ງໄດ້ແຈ້ງເຖິງພະນັກງານ, ທະຫານ, ຕໍາຫລວດ, ພໍ່ແມ່ປະຊາຊົນ, ຄົນຕ່າງປະເທດ, ຄົນຕ່າງດ້າວ, ທີ່ດໍາລົງຊີວິດ ແລະ ດໍາເນີນທຸລະກິດຢູ່ພາຍໃນແຂວງບໍລິຄຳໄຊ ໃຫ້ຢຸດກິດຈະການຊົ່ວຄາວ ເປັນຕົ້ນ ແມ່ນກິດຈະການທີ່ມີຄວາມສ່ຽງເຊັ່ນ: ງານລ້ຽງ, ງານດອງ, ງານຊຸມນຸມຊົນ ທີ່ມີຈຳນວນຄົນຫລາຍ (ສໍາລັບຮ້ານອາຫານແມ່ນບໍ່ໃຫ້ຈໍາໜ່າຍເຫລົ້າ, ເບຍ ແລະ ສິ່ງທີ່ມຶນເມົາຕ່າງໆ) ທີ່ເຫັນວ່າມີຄວາມສ່ຽງທີ່ຈະກໍ່ໃຫ້ເກີດການແຜ່ລະບາດຂອງພະຍາດ ໂຄວິດ-19. ພ້ອມນີ້ ຍັງໄດ້ສ້າງບັດບົນທຶກກັບບັນດາເຈົ້າຂອງກິດຈະການດັ່ງກ່າວຈໍານວນ 32 ຮ້ານ.

ດັ່ງນັ້ນ ຈຶ່ງໄດ້ນໍາເອົາແຈ້ງການສະບັບດັ່ງກ່າວມາເຜີຍແຜ່ ໃຫ້ບັນດາເຈົ້າຂອງກິດຈະການ, ຮ້ານອາຫານ ແລະ ຮ້ານບັນເທີງ ຢູ່ໃນທົ່ວເທດສະບານແຂວງ ໄດ້ຮັບຮູ້, ເຂົ້າໃຈ ແລະ ຈັດຕັ້ງປະຕິບັດຢ່າງເຂັ້ມງວດ.

ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 - Wave100S AD to Website 2020 0 - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19
ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 - lattana banner - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19
ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 - lattana banner 1 - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19
ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19 -    AD conten website - ແຂວງບໍລິຄຳໄຊ ເຂັ້ມງວດຮ້ານອາຫານ-ບັນເທີງ ປ້ອງກັນໂຄວິດ-19
error: Alert: ເນື້ອຫາຂ່າວມີລິຂະສິດ !!