6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ

- 020711 2017 2 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
- AGL banner - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
  1. ໃຊ້ຊີວິດເກີນຄ່າຄອງຊີບ : ຫລາຍຄົນໃຊ້ຊີວິດຢ່າງຟຸມເຟືອຍ ທັງໃຊ້ຈ່າຍຕາມໃຈມັກ, ຊື້ເຄື່ອງຂອງທີ່ຢາກໄດ້ ຫລື ແມ່ນແຕ່ຍອມເປັນໜີ້ເປັນສິນພຽງເພື່ອຢາກຊື້ສິ່ງຂອງທີ່ບໍ່ຈຳເປັນມາປະດັບຊີວິດຂອງທ່ານໃຫ້ເບິ່ງດີ ແລະ ເບິ່ງມີຄືຄົນອື່ນ ເຊິ່ງຄົນອື່ນທີ່ວ່ານີ້ອາດເຮັດໄດ້ ເພາະສະຖານະທາງການເງິນຂອງເຂົາອາດໝັ້ນຄົງ ຫລື ມີພ້ອມກ່ວາ, ແຕ່ການໃຊ້ເງິນເກີນຄ່າຄອງຊີບທີ່ຈຳເປັນນັ້ນ ກໍແມ່ນສັນຍານອັນຕະລາຍທາງການເງິນທີ່ທ່ານກຳລັງໃຊ້ເກີນໂຕຢູ່.
  2. ໜັກບໍ່ເອົາ ເບົາບໍ່ສູ້ : ຄວາມທຸກ ໜ້າຢ້ານກ່ວາທີ່ທ່ານຄິດ ຖ້າຫາກທ່ານລອງຖາມມະຫາເສດຖີທຸກຄົນທີ່ເລີ່ມຕົ້ນຈາກສູນ,​ ແຕ່ດຸໝັ່ນທຳມາຫາກິນ, ພັດທະນາຕົນເອງ ແລະ ກ້າກ້າວຂ້າມຄວາມອິດເມື່ອຍ ຈົນກະທັ້ງສ້າງໂຕຈົນຮັ່ງມີ ພວກເຂົາເຫລົ່ານັ້ນຈະຕອບເປັນສ່ຽງດຽວກັນວ່າ : ບໍ່ຢາກກັບໄປທຸກອີກ, ແຕ່ສຳລັບຫລາຍຄົນທີ່ຍັງເປັນພະນັກງານກິນເງິນເດືອນ ຫລື ຫາກໍເລີ່ມເຮັດທຸລະກິດສ່ວນໂຕ, ແຕ່ຍັງບໍ່ສູ້ວຽກໜັກ, ບໍ່ພ້ອມກັບບ້ານເດິກ ຫລື ຍ່າງໜີບັນຫາທີ່ຢູ່ຕໍ່ໜ້າທີ່ຄວນຮັບຜິດຊອບ ກໍຄົງຍາກທີ່ຈະພັດທະນາໄປສູ່ຄວາມຮັ່ງມີທາງການເງິນ ເພາະໂອກາດດີຈະມາພ້ອມກັບເຫື່ອແຮງສະເໝີ.
  3. ເລື່ອນໄປມື້ນັ້ນມື້ນີ້ : ສຳລັບຄົນທີ່ຍັງເປັນໜີ້ ທ່ານຍັງບໍ່ມີການເງິນທີ່ໝັ້ນຄົງ, ທ່ານຍັງບໍ່ມີຄວາມສະດວກໃນການໃຊ້ຈ່າຍ ເພາະທ່ານຍັງບໍ່ມີວິໄນທາງການເງິນທີ່ດີ ແລະ ຮັດກຸມ ສິ່ງສຳຄັນຍັງເຮັດວຽກ ແລະ ທ້ອນເງິນແບບເລື່ອນໄປມື້ນັ້ນມື້ນີ້ນຳອີກ. ການຈັດລຽນຊີວິດໃໝ່ ຈັດລຳດັບຂອງຄວາມສຳຄັນ 1 2 3 ວ່າເປົ້າໝາຍທີ່ທ່ານຕ້ອງການໃນຊີວິດແມ່ນຫຍັງ ຈະເຮັດໃຫ້ທ່ານວາງແຜນບໍ່ຢຸດພັດທະນາຕົນເອງ ແລະ ສ້າງວິໄນໃຫ້ກັບຊີວິດທີ່ຕ້ອງການໄດ້ໄວຂຶ້ນເປັນທົບເທົ່າ.
  4. ບໍ່ສາມາດເຮັດວຽກຮ່ວມກັບຜູ້ອື່ນ : ບໍ່ມີໃຜສາມາດເຮັດວຽກຄົນດຽວໄດ້ ເມື່ອທ່ານຕ້ອງເຮັດວຽກຮ່ວມກັບຜູ້ອື່ນໆໃນທີມ ສິ່ງສຳຄັນບໍ່ແມ່ນຜົນງານທີ່ປະສົບຄວາມສຳເລັດຕາມເປົ້າໝາຍ, ແຕ່ແມ່ນປະສິດທິພາບໃນການປະສານງານໃຫ້ເກີດຜົນສູງສຸດຕາມທີ່ຕັ້ງເປົ້າໄວ້ ຫລາຍຄົນພາດໂອກາດສຳຄັນໃນການກ້າວໜ້າ ຫລື ເລື່ອນຕຳແໜ່ງວຽກ ເພາະບໍ່ສາມາດສ້າງມະນຸດສຳພັນທີ່ດີກັບຜູ້ຮ່ວມງານຄົນອື່ນໄດ້ ຈຶ່ງເຮັດໃຫ້ຜູ້ບໍລິຫານເຫັນວ່າທ່ານຍັງບໍ່ເໝາະສົມຈະເລື່ອນຕຳແໜ່ງ ຫລື ຫາກທ່ານເຮັດທຸລະກິດຢູ່ກໍຄົງຈະຕິດຂັດແນ່ນອນ ຫາກຕ້ອງຮ່ວມທຶນກັບຄູ່ຮ່ວມເພື່ອຂະຫຍາຍທຸລະກິດ, ແຕ່ທ່ານຊຳ້ພັດເຮັດໂຕເປັນພະເອກຢູ່ຄົນດຽວ ແລະ ທ່ຽວບອກໃຜໆວ່າທ່ານເຮັດວຽກນີ້ສຳເລັດທັງໆທີ່ເປັນຜົນຈາກການເຮັດວຽກຮ່ວມກັນຂອງທີມງານ.
  5. ຢ້ານການຕັ້ງເປົ້າໝາຍໃນຊີວິດ : ການແລ່ນຕຳເປົ້າໝາຍອາດເປັນເລື່ອງໜ້າຢ້ານສຳລັບບາງຄົນ ເຊັ່ນ : ຄົນທີ່ຕັ້ງເປົ້າວ່າ ຈະປົດໜີ້ ແຕ່ຢ້ານການເຫັນເງິນໃນບັນຊີຫລຸດລົງຈາກການຊຳລະໜີ້ກົງຕາມເວລາ ຫລື ບໍ່ມີວິໄນໃນການປົດໜີ້ ຈຶ່ງເຮັດໃຫ້ຫລີກການຊຳລະໜີ້ ຈົນເປັນສາເຫດໃຫ້ຕ້ອງແບກຮັບພາລະດອກເບ້ຍທ່ີເພີ່ມຂຶ້ນ ຫລື ບາງຄົນຕັ້ງເປົ້າໝາຍວ່າຈະທ້ອນເງິນ 10 – 20% ຈາກເງິນເດືອນເປັນປະຈຳ, ແຕ່ຊຳ້ພັດຖອດໃຈຍ້ອນເຫັນສິນຄ້າທີ່ມັກກຳລັງຫລຸດລາຄາ ເຮັດໃຫ້ຕ້ອງຈົກເງິນຊື້ຈົນໄດ້ ແລະ ເປົ້າໝາຍທີ່ຢາກຈະທ້ອນເງິນຈຶ່ງລົ້ມເຫລວ ຄວາມລົ້ມເຫລວທີ່ຄົນເຫລົ່ານີ້ປະສົບຄືຄວາມຢ້ານເປົ້າໝາຍທີ່ຕົນຢາກເຮັດ ຫລື ບໍ່ກ້າມີເປົ້າໝາຍຍ້ອນຢ້ານເຮັດບໍ່ໄດ້ ຈຶ່ງເປັນອຸປະສັກສຳຄັນທີ່ຈະເຮັດໃຫ້ຊີວິດຂອງທ່ານພັງ ແລະ ບໍ່ສາມາດຫລຸດພົ້ນຈາກຄວາມທຸກຍາກໄດ້ຈັກເທື່ອ.

6. ຄິດຫລາຍຈົນກ້າວສູ່ຄວາມຂີ້ຢ້ານ : ຄົນຄິດຫລາຍກັບຄົນຮອບຄອບນັ້ນຕ່າງກັນ ຄົນຄິດຫລາຍຈະບໍ່ຈັດລຽງລຳດັບຂໍ້ມູນທີ່ ຄວນເອົາມາພິຈາລະນາ ແຕ່ຈະເອົາບັນຫາມາໂຮມກັນຈົນເຮັດໃຫ້ບໍ່ເຫັນທາງອອກ, ແຕ່ຄົນທີ່ຮອບຄອບຈະຄິດເປັນເລື່ອງໆ ແລະ ຈັດລຽງລຳດັບຂອງຄວາມສຳຄັນວ່າເລື່ອງໃດຄວນມາກ່ອນມາລຸນ ຈະເຮັດໃຫ້ຄິດເປັນຂະບວນການ ແລະ ໄດ້ຄຳຕອບໃນແຕ່ລະບັນຫາໄວ ເຊິ່ງຄົນປະເພດທີ່ຄິດຫລາຍເມື່ອເຮັດທຸລະກິດຈະບໍ່ກ້າວາງແຜນໃນການຕໍ່ຍອດທຸລະກິດເພື່ອສ້າງກຳໄລ ຍ້ອນຢ້ານຄວາມລົ້ມເຫລວ ເຮັດໃຫ້ເສຍໂອກາດສຳຄັນທີ່ຈະເຮັດວຽກຍາກໆເພື່ອພັດທະນາຕົນເອງ ເຊິ່ງເປັນຍ້ອນການພິຈາລະນາໂດຍໃຊ້ທຸກຄວາມຄິດມາໂຮມກັນ ຈົນກາຍເປັນຄວາມກັງວົນ ຫລື ຈົນເປັນຄົນຂີ້ຢ້ານທີ່ຈະຮັບຜິດຊອບວຽກທີ່ໃຫຍ່ຂຶ້ນ ທັງໆທີ່ໂອກາດມາຢູ່ຕໍ່ໜ້າແລ້ວ.

- WhatsApp Image 2020 05 27 at 5 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
- WhatsApp Image 2020 05 27 at 5 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
- WhatsApp Image 2020 05 27 at 5 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
- WhatsApp Image 2020 05 27 at 5 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
- Wave100S AD to Website 2020 0 - 6 ຂໍໍ້ທີ່ຈະເຮັດໃຫ້ທ່ານທຸກຕະຫລອດຊີວິດຫາກບໍ່ແກ້ໄຂ
  • 1089 Posts
  • 0 Comments
iLike/LPN/20
error: Alert: Content is protected !!