ນ້ຳຂອງຫລວງພະບາງ ຫລຸດລົງແລ້ວ

ອົງການແມ່ນ້ຳຂອງສາກົນ MRC ລາຍງາານລະດັບນ້ຳຂອງໃນເລາ 9:30 ໂມງຂອງ ວັນທີ 14 ກັນຍາ 2024 ນີ້ ລະດັບນ້ຳຢູ່ສະຖານີວັດແທກລະດັບນ້ຳທີ່ ແຂວງ ຫລວງພະບາງ ຢູ່ໃນລະດັບ 18 ແມັດ 58 ຊັງຕີແມັດ ຫລຸດລົງ 44 ຊັງຕີແມັດ ຍັງສູງກວ່າລະດັບນ້ຳຖ້ວມ 58 ຊັງຕີແມັດ.
ຄາດຄະເນລະດັບນ້ຳຂອງໃນ 5 ມື້ຕໍ່ໜ້າ ແຕ່ວັນທິ 15 ຫາ 19 ກັນຍາ 2024:

ແຂວງຫລວງພະບາງ ຄາດຄະເນວ່າລະດັບນ້ຳຈະລົດລົງຕ່ຳກວ່າລະດັບນ້ຳຖ້ວມ ເລີ່ມວັນທີ 15 ກັນຍາ.
ສ່ວນວຽງຈັນ ຄາດຄະເນວ່າຈະຢູ່ໃນລະດັບນ້ຳຖ້ວມ ໄປຈົນເຖິງວັນທີ 18 ກັນຍາ, ຫລັງຈາກນັ້ນ ລະດັບນ້ຳຈະຫລຸດລົງເຖິງເຂດເຕືອນໄພ ໃນວັນທີ 19 ກັນຍາ.

ປາກຊັນ ຄາດຄະແນວ່າ ລະດັບນ້ຳຈະຮອດເຂດເຕືອນໄພໃນວັນທີ 15, 16 ແລະ 17 ກັນຍາ 2024 ຕາມລຳດັບ, ສ່ວນລະດັບນ້ຳຢູ່ສະຖານີວັດແທກນ້ຳທີ່ປາກເຊແມ່ນ 0.16 ແມັດ ຄວນເອົາໃຈໃສ່ຕິດຕາມຕື່ມສຳລັບລະດັບນ້ຳຢູ່ສະຖານີວັດແທກນ້ຳທີ່ເມືອງປາກເຊ,

ຄາດຄະເນວ່າໃນໄລຍະ 24 ຊົ່ວໂມງຕໍ່ໜ້າ ຈະມີຝົນຕົກໜັກຢູ່ ແຂວງໄຊຍະບູລີ, ຫລວງນ້ຳທາ, ຫລວງພະບາງ, ອຸດົມໄຊ, ວຽງຈັນ, ຄຳມ່ວນ, ສະຫວັນນະເຂດ, ຈຳປາສັກ, ເຊກອງ ແລະ ອັດຕະປື.