ຍີ່ປຸ່ນມອບທຶນຊ່ວຍເຫລືອລ້າສ້າງໂຮງໝໍນ້ອຍຢູ່ແຂວງສາລະວັນ ມູນຄ່າ 87 ພັນກວ່າໂດລາສະຫະລັດ

ວັນທີ 9 ມີນາ 2023 ຜ່ານມານີ້ ທ່ານ ໂຄບະຢະຊິ ເຄນອິຈິ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ຕາງໜ້າລັດຖະບານຢີ່ປຸ່ນ ເຊັນມອບທຶນຊ່ວຍເຫຼືອລ້າຈາກລັດຖະບານຍີ່ປຸ່ນ  ໃນໂຄງການເສີມສ້າງຄວາມໝັ້ນຄົງຂອງມະນຸດ ໃນຂັ້ນຮາກຖານປີ 2022  ຮັບໂດຍ ທ່ານ ດຣ ອາຄົມ ລ່ຳວິຈິດ ຫົວໜ້າພະແນກສາທາລະນະສຸກແຂວງສາລະວັນ ຕາງໜ້າເຈົ້າຂອງໂຄງການ (ຝ່າຍ ສປປ ລາວ)  ໂດຍການເຂົ້າຮ່ວມຂອງ ທ່ານ ດາວວົງ ພອນແກ້ວ ເຈົ້າແຂວງສາລະວັນ.

ໂຄງການກໍ່ສ້າງໂຮງໝໍນ້ອຍ ຢູ່ບ້ານຄຳທອງ ເມືອງເລົ່າງາມ ແຂວງສາລະວັນ ໃນມູນຄ່າ 87 ພັນໂດລາສະຫະລັດ, ໂດຍໄດ້ຮັບ, ໂຄງການກໍ່ສ້າງໂຮງໝໍນ້ອຍດັ່ງກ່າວ ເປັນອາຄານຊັ້ນດຽວ ຂະໜາດ: 11 X 17 ແມັດ, ລວມມີ 7 ຫ້ອງ, ໂຄງສ້າງເຮັດດ້ວຍເບຕົງເສີມເຫຼັກ, ເຊິ່ງງຈະໄດ້ລົງມືຈັດຕັ້ງປະຕິບັດກໍ່ສ້າງໃນທ້າຍເດືອນ ມີນາ 2023 ແລະ ຈະໄດ້ສໍາເລັດໃນທ້າຍເດືອນ ກັນຍາ 2023;