ລັດຖະມົນຕີອາເປກຫາທາງບັນລຸ ຂໍ້ຕົກລົງຕະຫລາດເສລີ

- advert banner 728 90 728x90 - ລັດຖະມົນຕີອາເປກຫາທາງບັນລຸ ຂໍ້ຕົກລົງຕະຫລາດເສລີ

ລັດຖະມົນຕີ​ຕ່າງປະ​ເທດ ​ແລະ ລັດຖະມົນຕີ​ການ​ຄ້າ​ຂອງ 21 ປະ​ເທດ ຮ່ວມ​ປະຊຸມ​ກັນ​ຢູ່​ເມືອງ​ດາ​ນັງ ສສ ຫວຽດນາມ ​ໃນ​ວັນ​ທີ 8 ພະຈິກ ​ເພື່ອ​ຫາ​ທາງ​ບັນລຸ​ຂໍ້​ຕົກລົງ​ຕະຫລາດ​ເສລີ ​ແລະ ບັນຫາ​ທາງ​ຍຸດ​ທະ​ສາດ​ອື່ນໆ ກ່ອນ​ກອງ​ປະຊຸມ​ລະດັບ​ຜູ້ນຳ​ປະ​ເທດ​ຈະ​ມີ​ຂຶ້ນ​ໃນ​ວັນ​ທີ 10 ພະຈິກ​ນີ້.

- new3 - ລັດຖະມົນຕີອາເປກຫາທາງບັນລຸ ຂໍ້ຕົກລົງຕະຫລາດເສລີ

ສຳນັກ​ຂ່າວ​ເອພີລາ​ຍງານ​ຈາກ​ເມ​ືອງດາ​ນັງ ສສ ຫວຽດນາມ ​ໃນ​ວັນ​ທີ 8 ພະຈິກ​ວ່າ: ທ່ານ ຟາ​ມ ບິນ ມິນ ລັດຖະມົນຕີ​ຕ່າງປະ​ເທດ​ຫວຽດນາມ ກ່າວ​ຕໍ່​ກອງ​ປະຊຸມ​ລະດັບ​ລັດຖະມົນຕີ​ຂອງ​ກຸ່ມ​ການ​ຮ່ວມ​ມື​ທາງ​ເສດຖະກິດ​ອາຊີ-ປາຊີ​ຟິກ (​ອາ​ເປ​ກ) ຄັ້ງທີ 29 ຢູ່​ເມືອງ​ດາ​ນັງ ​ໃນ​ວັນ​ທີ 8 ພະຈິກ​ວ່າ: ​ໂລກ ​ແລະ ພາກພື້ນກຳລັງ​ຜະ​ເຊີນ​ກັບ​ການ​ປ່ຽນ​ແປງ​ຢ່າງ​ຕໍ່​ເນື່ອງ ຈາກ​ໂອກາດ ​ແລະ ຄວາມ​ທ້າ​ທາຍ​ທີ່​ປະສົມ​ປະສານ​ກັນ, ການ​ຟື້ນຕົວ​ຂອງ​ເສດຖະກິດ​ກຳລັງ​ແຂງ​ແຮງ, ​ແຕ່​ອັດຕາ​ເຕີບ​ໃຫຍ່​ຕາມ​ເປົ້າໝາຍ​ຍັງ​ຕໍ່າ​ກວ່າ​ຄ່າ​ສະ​ເລ່ຍກ່ອນວິ​ກິດ ​ແລະ ຫລາຍ​ປະ​ເທດ​ຂອງ​ອາ​ເປ​ກກັງວົນ​ວ່າ: ຄວາມ​ພະຍາຍາມ​ເພີ່ມ​ຜົນ​ຜະລິດ ​ໂດຍ​ຜ່ານ​ການ​ໃຊ້​ເຄື່ອງ​ຈັກ​ແທນ​ມະນຸດ ອາດ​ສົ່ງ​ຜົນ​ກະທົບ​ຕໍ່​ຊີວິດ​ຂອງ​ປະຊາຊົນ.

ທ່ານ ຈາງ ຕວນ ອັນ ລັດຖະມົນຕີ​ກະຊວງ​ອຸດສາຫະກຳ ​ແລະ ການ​ຄ້າ​ຫວຽດນາມ ກ່າວ​ຕໍ່​ກອງ​ປະຊຸມ​ວ່າ: ການ​ທີ່​ເສດຖະກິດ​ໂລກ​ກຳລັງ​ຜະ​ເຊີນ​ກັບ​ການ​ປ່ຽນ​ແປງ​ຢ່າງ​ວ່ອງ​ໄວ ​ແລະ ບໍ່​ແນ່ນອນ ກຸ່ມ​ອາ​ເປ​ກຈຳ​ເປັນ​ຕ້ອງ​ສືບ​ຕໍ່​ການ​ເປັນ​ພາກພື້ນ​ເສລີ ​ແລະ ​ເປີດ ສຳລັບ​ການ​ຄ້າ ​ແລະ ການ​ລົງທຶນ.

error: Content is protected !!