ອົງການອະນາໄມໂລກອະນຸມັດຊຸດກວດພະຍາດໝາກສຸກລີງຊຸດທໍາອິດຂອງໂລກສໍາລັບສະຖານະການສຸກເສີນ

     ອົງການອະນາໄມໂລກ (WHO) ອະນຸມັດຊຸດທົດລອງບົ່ງມະຕິພະຍາດໝາກສຸກລີງ ເຊິ່ງເປັນເຄື່ອງມືສໍາຄັນຕໍ່ປະເທດທີ່ກໍາລັງຕໍ່ສູ້ກັບການລະບາດຄັ້ງຮຸນແຮງ.

     ຖະແຫລງການຂອງ WHO ການອະນຸມັດໃຫ້ໃຊ້ຊຸດທົດລອງສຸກເສີນນີ້ມີຄວາມສໍາຄັນຫລາຍຕໍ່ການຂະຫຍາຍຂີດຄວາມສາມາດດ້ານການບົ່ງມະຕິພະຍາດໃນປະເທດຕ່າງໆ ເຊິ່ງຕ້ອງການການທົດລອງທີ່ວ່ອງໄວ ແລະ ແນ່ນອນວ່ອງໄວ.

     ຊຸດທົດລອງ Alinity m MPXV ເຊິ່ງຜະລິດໂດຍບໍລິສັດແອບບອດ ໂມເລກູລາ ສາມາດກວດຈັບເຊື້ອພະຍາດໝາກສຸກລີງໄດ້ຈາກສໍາລີເກັບຮອຍພະຍາດຢູ່ຜິວໜັງມະນຸດ.

     ການກວດຈັບ DNA ຈາກຕົວຢ່າງຜື່ນທີ່ເປັນຕຸ່ມໜອງ ຫລື ຕຸ່ມນໍ້າ ໂດຍເຈົ້າໜ້າທີ່ໃນຫ້ອງປະຕິບັດການ ແລະ ເຈົ້າໜ້າທີ່ສາທາລະນະສຸກ ເພື່ອຢືນຢັນການຕິດເຊື້ອຢ່າງມີປະສິດທິພາບ, ຍັງມີຂໍ້ຈໍາກັດ ແລະ ຢືນຢັນຜູ້ຕິດເຊື້ອຊັກຊ້າ ສົ່ງຜົນເຮັດໃຫ້ໄວຣັສຍັງແຜ່ກະຈາຍ.

      ການອະນຸມັດຊຸດທົດລອງດັ່ງກ່າວຈຶ່ງຖືເປັນບາດກ້າວສໍາຄັນຂອງການຂະຫຍາຍການທົດລອງໃນພື້ນທີ່ເຊິ່ງໄດ້ຮັບຜົນກະທົບ ການເພີ່ມການເຂົ້າເຖິງທາງການແພດຖືເປັນຫົວໃຈສໍາຄັນຂອງຄວາມພະຍາຍາມຂອງ WHO ໃນການຄວບຄຸມການແຜ່ກະຈາຍຂອງໄວຣັສ ແລະ ປົກປ້ອງປະຊາຊົນໃນພື້ນທີ່ທີ່ຂາດການເຂົ້າເຖິງລະບົບສາທາລະນະສຸກ.