ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ

ໃນທ້າຍອາທິດຜ່ານມານີ້, ຢູ່ຫ້ອງວ່າການປົກຄອງແຂວງ ເຊກອງ ໄດ້ມີພິທີຖະແຫລງຂ່າວ ກ່ຽວກັບການກະກຽມຈັດກິຈະ ກຳໃນປີທ່ອງທ່ຽວລາວ 2018 ໂດຍການຖະແຫລງຂອງ ທ່ານ ຖາວອນ ພົມມະໄລລຸນ ຮອງເຈົ້າ ແຂວງເຊກອງວ່າ: ເພື່ອເປັນການ ໂຄສະນາເຜີຍແຜ່ວັດທະນະທໍາ, ຮີດຄອງປະເພນີທີ່ເປັນເອກະລັກ ຂອງ ບັນດາເຜົ່າຊາວ ແຂວງ ເຊ ກອງກໍຄືທິວທັດທໍາມະຊາດທີ່ ສວຍສົດງົດງາມ, ສົ່ງເສີມການ ອະນຸລັກແຫຼ່ງທ່ອງທ່ຽວທາງປະຫວັດສາດໃຫ້ມີຄວາມຄົງເດີມ ແລະ ໂດດເດັ່ນ ສາມາດດຶງດູດ ນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາທ່ອງ ທ່ຽວແຂວງເຊກອງໃຫ້ນັບມື້ ຫລາຍຂຶ້ນ, ທັງເປັນການສະແດງ ເຖິງຄວາມພ້ອມໃນການຮອງ ຮັບໃຫ້ແກ່ນັກທ່ອງທ່ຽວທີ່ຈະ ເຂົ້າມາທ່ຽວຊົມ ແຂວງເຊກອງ, ໃຫ້ມີຄວາມເພິ່ງພໍໃຈ ປີທ່ອງ ທ່ຽວລາວ 2018, ແຂວງເຊ ກອງ, ໄດ້ຕົກລົງເຫັນດີເປັນເອ ກະພາບກໍານົດເອົາວັນທີ 31 ທັນວາ ທີ່ຈະເຖິງນີ້ ເປີດປີທ່ອງ ທ່ຽວຂອງແຂວງຢ່າງເປັນທາງການ ໂດຍຈະມີ ກິດຈະກໍາຕ່າງໆ ທີ່ຫນ້າສົນໃຈ ແລະ ຫນ້າທ່ຽວ ຊົມຫຼາຍສີສັນ ເປັນຕົ້ນການປະ ກວດສິລະປະວັນນະຄະດີຕ່າງໆ, ໃນທົ່ວແຂວງ, ຈັດເທດສະການ ອາຫານຜົນຜະລິດກະສິກໍາ- ຫັດຖະກໍາຂອງບັນດາເຜົ່າ, ຈັດ ລາຍການຢ້ຽມຢາມແຫລ່ງທ່ອງ ທ່ຽວສໍາລັບສື່ມວນຊົນ ແລະ ຫົວ ໜ່ວຍທຸລະກິດຜູ້ປະກອບການ ບໍລິການການທ່ອງທ່ຽວທັງ ພາຍໃນ, ຕ່າງແຂວງ ແລະ ຕ່າງ ປະເທດ.

+ ແຂວງບໍລິຄຳໄຊກຽມຈັດຫລາຍກິດຈະກຳເພື່ອຮອງຮັບປີທ່ອງທ່ຽວລາວ 2018

+ ບຸນທາດຫລວງມົນສະເໜ່ແຫ່ງເມືອງລາວ

ພິເສດ, ການເປີດປີທ່ອງ ທ່ຽວລາວປີ 2018 ຂອງແຂວງ ເຊກອງແມ່ນຈະໄດ້ເປີດພ້ອມກັບ ງານບຸນປະເພນີປະຈໍາປີສວນ ເສົາຫລັກເມືອງ 10 ເຜົ່າຂອງ ແຂວງ, ໃນນີ້ຈະມີຂະບວນແຫ່ ຂັນໝາກເບັງ 100 ໜ່ວຍ, ຄ້ອງ 100 ໜ່ວຍ, ແຄນ 100 ດວງ, ກອງຫາງ 100 ອັນ ແລະ ກະບັ້ງ ຫຼືຂຸ່ຍ 100 ອັນ ດັ່ງນັ້ນຂໍຮຽກ ຮ້ອງມາຍັງພາກລັດ, ເອກະຊົນ, ຜູ້ປະກອບການທຸລະກິດ, ພະນັກ ງານ-ລັດຖະກອນ, ພ້ອມດ້ວຍ ປະຊາຊົນບັນດາເຜົ່າທຸກທົ່ວໜ້າ ຈົ່ງໃຫ້ການຮ່ວມມື, ຮ່ວມແຮງ ຮ່ວມໃຈ ປະກອບສ່ວນເປັນເຈົ້າ ພາບທີ່ດີໃນການຈັດງານປີທ່ອງທ່ຽວລາວ 2018 ບັນລຸຕາມຈຸດ ປະສົງເປົ້າໝາຍທີ່ວາງໄວ້.