ກຽມເປີດແລ່ນລົດເມ ອຸດອນ-ວັງວຽງ ເລີ່ມວັນທີ 1 ພະຈິກ 2024
October 17, 2024 - 5:08 PM
ວັນທີ 17 ຕຸລາ 2024, ບໍລິສັດ ຂົ່ນສົ່ງ ຈຳກັດ ຂອງໄທ ແຈ້ງວ່າ: ນັບແຕ່ວັນທີ 1 ພະຈິກ 2024 ເປັນຕົ້ນໄປ ຈະເປີດບໍລິການຂົ່ນສົ່ງລະຫວ່າງປະເທດ ໄທ-ລາວ ເສັ້ນທາງ ອຸດອນ-ໜອງຄາຍ-ວັງວຽງ ເພື່ອອຳນວຍຄວາມສະດວກໃຫ້ນັກທ່ອງທ່ຽວ ໃນການເດີນທາງໃນຍາມໜາວ ເຊິ່ງຈະໃຊ້ລົດເມ ຊັ້ນ2 ຈຳນວນ 40 ບ່ອນນັ່ງ, ສອງຖ້ຽວຕໍ່ມື້ (ໄປ-ກັບ) ຄືໄປ 1 ຖ້ຽວ ຕົ້ນທາງອອກຈາກສະຖານີອຸດອນແຫ່ງທີ 1 ລົດອອກເວລາ 08:30 ນາທີ, ສ່ວນຖ້ຽວກັບ ລົດອອກຈາກວັງວຽງ ເວລາ 09:00 ນາທີ ຄ່າປີ້ໂດຍສານ 500 ບາດ ຫລື ປະມານ 300,000 ກວ່າກີບ ( ອີງຕາມອັດຕາແລກປ່ຽນແຕ່ລະວັນ).
