ຖ້ຽວບິນສິງກະໂປ-ໂຕກຽວລົງຈອດສຸກເສີນຢູ່ສະໜາມບິນໄຕ້ຫວັນ ແວ່ນລ້າວໃນຄວາມສູງ 36,000 ຟຸດ
ສາຍການບິນສິງກະໂປແອຣລາຍ ຖ້ຽວບິນ SQ636 ຈາກສະໜາມບິນຊາງງີ-ສະໜາມບິນຮາເນດະ ໂຕກຽວ ຂອງຍີ່ປຸ່ນ ແວ່ນຫ້ອງນັກບິນລ້າວ ລະດັບຄວາມສູງ 36,000 ຢຸດ ຕ້ອງລົງຈອດສຸກເສີນ ຢູ່ສະໜາມບິນສາກົນ ເຖົາຢວນ ຂອງໄຕ້ຫວັນ.
ວັນທີ 28 ຕຸລາ, ນັກຂ່າວລາຍງານວ່າ: ເພຈ World Forum ຂ່າວສານຕ່າງປະເທດ ໂພສຮູບພ້ອມຂໍ້ຄວາມລະບຸວ່າ: ສິງກະໂປແອຣລາຍ ຖ້ຽວບິນ SQ636 ລົງຈອດສຸກເສີນ.
ຖ້ຽວບິນ SQ636 ມີຜູ້ໂດຍສານ 249 ຄົນ ແລະ ຈຸບິນ 17 ຄົນ ອອກເດີນທາງຈາກສະໜາມບິນຊາງງີເມື່ອເວລາ 23:07 ໂມງ ຂອງວັນທີ 27 ຕຸລາ ມີກໍານົດເຖິງສະໜາມບິນຮາເນດະ ໂຕກຽວ ຂອງຍີ່ປຸ່ນ ເວລາ 06:20 ໂມງ ຂອງວັນທີ 28 ຕຸລາ. ເວລາ 04:00 ໂມງ ປ່ຽນເສັ້ນທາງຂໍລົງຈອດສຸກເສີນຢູ່ສະໜາມບິນສາກົນເຖົາຢວນ ຂອງໄຕ້ຫວັນ.
ພົບຮອຍລ້າວເກີດຂຶ້ນຢູ່ແວ່ນຫ້ອງນັກບິນ ໃນລະດັບຄວາມສູງ 36,000 ຟຸດ ເຮືອບິນແບບໂບອິ້ງ 777-300ER ທະບຽນ 9V-SWI ຜູ້ໂດຍສານທີ່ໄດ້ຮັບຜົນກະທົບທາງສາຍການບິນຈັດທີ່ພັກໃຫ້ ແລະ ຈັດຖ້ຽວບິນພິເສດ SQ9876 ຮັບຜູ້ໂດຍສານຈາກເຖົາຢວນ ບິນຕໍ່ໄປ ໂຕກຽວຮາເນດະ ເວລາ 20:30 ໂມງ ຂອງວັນທີ 28 ຕຸລາ.
