ສະຫາຍ ຫວາງອີ້ ສົ່ງສານຊົມເຊີຍ ເຖິງ ສະຫາຍ ທອງສະຫວັນ ພົມວິຫານ

ສານຊົມເຊີຍ

ສະຫາຍ ຫວາງອີ້ ກຳມະການກົມການເມືອງສູນກາງພັກກອມມູນິດຈີນ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາຊົນຈີນ ໄດ້ສົ່ງສານຊົມເຊີຍ ເຖິງ ສະຫາຍ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຊຶ່ງມີເນື້ອໃນວ່າ: ສະຫາຍ ທອງສະຫວັນ ພົມວິຫານ; ຂ້າພະເຈົ້າດີໃຈຫຼາຍທີ່ໄດ້ຮັບຂ່າວວ່າ ສະຫາຍໄດ້ຮັບຕຳແໜ່ງໃໝ່ທີ່ເປັນລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ຂໍສະແດງຄວາມຊົມເຊີຍຢ່າງອົບອຸ່ນມາຍັງສະຫາຍ.

ປະເທດຈີນ ແລະ ປະເທດລາວ ເປັນປະເທດເພື່ອນບ້ານສັງຄົມນິຍົມທີ່ມີສາຍພູສາຍນໍ້າຕິດຈອດກັນ ແລະ ມີໂຊກຊະຕາຮ່ວມກັນ. ໃນຊຸມປີທີ່ຜ່ານມານີ້, ພາຍໃຕ້ການນໍາພາທີ່ເປັນຍຸດທະສາດຂອງການນໍາສູງສຸດສອງພັກສອງລັດ, ການຮ່ວມມືຍຸດທະສາດຢ່າງຮອບດ້ານລະຫວ່າງຈີນ ແລະ ລາວ ສືບຕໍ່ມີຄວາມຄືບໜ້າໃໝ່ ກະຊວງການຕ່າງປະເທດສອງຝ່າຍຮັກສາການຮ່ວມມືຢ່າງແໜ້ນແຟ້ນ ຊຶ່ງປະກອບສ່ວນຢ່າງຕັ້ງໜ້າໃນການຊຸກຍູ້ການສ້າງຄູ່ຮ່ວມຊາຕາກໍາຈີນ-ລາວ.

ເດືອນທັນວາ ປີ 2023, ພວກເຮົາເຄີຍຮ່ວມກັນເຂົ້າຮ່ວມກອງປະຊຸມ ລັດຖະມົນຕີກະຊວງການຕ່າງປະເທດ ໃນຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ ແລະ ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການລົງເລິກສາຍພົວພັນຈີນ-ລາວ ແລະ ຊຸກຍູ້ການຮ່ວມມືໃນພາກພື້ນ ຊຶ່ງໄດ້ຕົກລົງຄວາມເຫັນ ເອກະພາບອັນສໍາຄັນ. ຂ້າພະເຈົ້າຫວັງຈະສ້າງສາຍພົວພັນທີ່ດີກັບສະຫາຍ ເພື່ອຈັດຕັ້ງປະຕິບັດຄວາມເຫັນເອກະພາບອັນສໍາຄັນຂອງການນໍາສູງສຸດສອງພັກສອງລັດຢ່າງຮອບດ້ານ, ສົ່ງເສີມການແລກປ່ຽນ ແລະການຮ່ວມມືໃນຂອບສອງຝ່າຍ ແລະ ຫຼາຍຝ່າຍ, ຊຸກຍູ້ການສ້າງຄູ່ຮ່ວມຊາຕາກຳຈີນ-ລາວກ້າວເຂົ້າສູ່ລວງເລິກຢ່າງຕໍ່ເນື່ອງ; ຂໍອວຍພອນສະຫາຍຈົ່ງມີສຸຂະພາບເຂັ້ມແຂງ ແລະ ມີຄວາມສຸກຕະຫຼອດໄປ.