ການຮ້ອງເພງເຮັດໃຫ້ຮ່າງກາຍທ່ານແຂງແຮງຂຶ້ນໄດ້
ການຮ້ອງເພງນັ້ນເຮັດໃຫ້ເຮົາຕ້ອງໃຊ້ອະໄວຍະວະທຸກພາກສ່ວນໃນຮ່າງກາຍ ກໍຄືກັນກັບເວລາທີ່ເຮົາໄດ້ຝຶກຮ້ອງເພງ ກໍຄື ການບໍລິຫານອະໄວຍະວະເຫລົ່ານັ້ນໄປໃນໂຕ ເຮັດໃຫ້ຮ່າງກາຍແຂງແຮງ ແລະ ມີສຸຂະພາບທີ່ດີແລ້ວຍັງໄດ້ອາລົມດີໆຈາກພາຍ ໃນອີກທາງໜຶ່ງ.
ສຳລັບອະໄວຍະວະທີ່ໄດ້ອອກກຳລັງກາຍຂະນະທີ່ເຮົາຮ້ອງເພງນັ້ນໄດ້ແກ່ :
– ສະໝອງ : ເນື່ອງຈາກສະໝອງເຮົາຕ້ອງເຮັດໜ້າທີ່ໃນການຈື່ຈຳເນື້ອເພງຕ່າງໆ.
– ຫູ : ກໍຈະຊ່ວຍເລື່ອງການຟັງ.
– ກະໂຫລກຫົວ : ຫາກໃຜມີກະໂຫລກຫົວທີ່ງາມກໍຄືຄົນມີຕູ້ລຳໂພງທີ່ດີ ສຽງທີ່ເປັ່ງອອກມາກໍຈະມ່ວນ.
– ຜົ້ງອາກາດໃນດັງ : ຊ່ວຍໃນການຫາຍໃຈທີ່ຖືກຕ້ອງລະຫ່ວາງການຮ້ອງເພງ.
– ລີ້ນ : ຊ່ວຍໃນການຄວບຄຸມການເປັ່ງສຽງ.
– ຫລອດລົມ : ເຮັດໜ້າທີ່ນຳສົ່ງອາກາດເຂົ້າສູ່ປອດ.
– ກ່ອງສຽງ : ຊ່ວຍເຮັດໃຫ້ເກີດສຽງ.
– ແຂນ ແລະ ຂາ : ເປັນໂຕເຮັດໃຫ້ເກີດການເຄື່ອນໄຫວໃນຂະນະທີ່ຮ້ອງເພງ ແລະ ການຝຶກຮ້ອງເພງກໍບໍ່ແມ່ນວ່າຈະໃຊ້ແຕ່ ສຽງ, ແຕ່ເປັນການຝຶກຮ່າງກາຍໃຫ້ແຂງແຮງເພື່ອມີພະລະກຳລັງໃນການເປັ່ງສຽງອອກມາໃຫ້ເບິ່ງມີພະລັງທີ່ສຸດ ຈະເຫັນວ່າການຮ້ອງເພງຊ່ວຍໃຫ້ສຸຂະພາບດີ ທັງອາລົມດີນຳອີກ.
