ຄະດີຄາດຕະກຳສອງສົບຢູ່ເມືອງໂພນທອງອາດຍ້ອນບັນຫາຊູ້ສາວ
ເຈົ້າໜ້າທີ່ ປກສ ແຂວງ ຈຳປາສັກ ໃຫ້ຮູ້ວ່າ: ຜ່ານການ ສືບສວນ-ສອບສວນຄະດີຄາດ ຕະກຳຄູ່ຊາຍ-ຍິງ ຢູ່ບ້ານ ໂພນ ທອງ ເມືອງ ໂພນທອງ ແຂວງ ຈຳປາສັກ, ເມື່ອວັນທີ 9 ພະຈິກນີ້, ມີຄວາມຄືບໜ້າສູງ ພໍສົມຄວນ, ຊຶ່ງຄາດວ່າສາເຫດການຄາດຕະ ກຳອາດຍ້ອນບັນ ຫາຊູ້ສາວ, ຊຶ່ງ ຢືນຢັນບໍ່ແມ່ນການຊີງຊັບ, ເນື່ອງ ຈາກຢູ່ສະຖານທີ່ເກີດເຫດແມ່ນ ບໍ່ພົບສິ່ງຂອງຕິດຕົວຜູ້ຕາຍເສຍ ຫາຍແຕ່ຢ່າງໃດເຈົ້າໜ້າທີ່ໃຫ້ຮູ້ ວ່າ: ຜູ້ເສຍຊີວິດທັງສອງແມ່ນ ມີອາຍຸ 55 ປີ ແລະ 42 ປີ, ອາໄສ ຢູ່ບ້ານ ໂພນທອງ, ເຊິ່ງຜູ້ຊາຍ ແມ່ນຖືກແທງດ້ວຍຂອງມີຄົມບໍ ລິເວນໜ້າທ້ອງ ແລະ ສ້ວງຂ້າງ ຊາຍ, ສ່ວນຮ່າງ ຜູ້ຍິງແມ່ນຖືກ ແທງບໍລິເວນໜ້າເອີກ, ເຊິ່ງກ່ອນ ໜ້າຈະເສຍຊີວິດທັງສອງໄດ້ມາ ໃຊ້ບໍລິການຢູ່ຮ້ານເສີມສວຍເຂດບ້ານໂພນທອງ ແລະ ມື້ຕໍ່ມາຜູ້ ເປັນ ເຈົ້າຂອງຮ້ານໄດ້ມາພົບເຫັນ ທັງສອງນອນເສຍຊີວິດຢູ່ກ້ອງ ຕະລ່າງເຮືອນຂອງຕົນ.
+ ປກສ ເມືອງຈັນທະບູລີ ມອບລົດຄືນໃຫ້ເຈົ້າຂອງ
ເຈົ້າໜ້າທີ່ ໃຫ້ຮູ້ວ່າ: ສາເຫດ ການຄາດຕະກຳອາດຍ້ອນບັນ ຫາຊູ້ສາວ, ເນື່ອງຈາກ ທັງສອງ ຄົນ ແມ່ນລັກຮັກແບບຊູ້ສາວ ກັນ, ສຳລັບຜູ້ຊາຍແມ່ນໄດ້ ປະກັນກັບເມຍແຕ່ບໍ່ທັນໄດ້ ເຊັນ ໃບຢ່າງຮ້າງ ແລະ ຝ່າຍ ຍິງແມ່ນມີຜົວຢູ່ແລ້ວ, ປັດຈຸບັນ ຄະດີຄາດຕະກຳ ດັ່ງກ່າວ, ເຈົ້າ ໜ້າທີ່ພວມສືບຕໍ່ດຳເນີນການ ສືບສວນ-ສອບສວນຫາຜູ້ກະ ທຳຜິດມາລົງໂທດຕາມລະບຽບ ກົດໝາຍ.
