5 ເຄັດລັບກຳຈັດສິວຢູ່ຫລັງຢ່າງໄດ້ຜົນ

- 012311 2017 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
- AGL banner - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ

ນຸ່ງເຄື່ອງທີ່ລະບາຍອາກາດໄດ້ດີ : ເຄື່ອງນຸ່ງປະເພດຜ້າຝ້າຍມີຄຸນສົມບັດໃນການດູດຊຶມເຫື່ອໄວ້ຫລາຍ ເຊິ່ງການທີ່ທ່ານ ນຸ່ງເຄື່ອງອົມເຫື່ອໄວ້ດົນໆກໍອາດເປັນສາເຫດໃຫ້ຮູຂຸມຂົນອັດຕັນຈົນກາຍເປັນສິວໃນທີ່ສຸດ ດັ່ງນັ້ນ ທ່ານໃດທີ່ເຫື່ອອອກງ່າຍ ຫລື ຫລັງການອອກກຳລັງກາຍ ຈຶ່ງຄວນເລືອກນຸ່ງເຄື່ອງທີ່ມີຄຸນສົມບັດລະບາຍເຫື່ອໄດ້ດີ ເພື່ອປ້ອງກັນການກໍ່ໂຕຂອງແບັກທີີເຣຍເຊິ່ງ ເປັນຕົ້ນເຫດຕົ້ນຕໍຂອງສິວຢູ່ຫລັງ ຈາກນັ້ນກໍອາບນຳ້ໃຫ້ໄວທີ່ສຸດເທົ່າທີ່ຈະເຮັດໄດ້.

  1. ອາບນຳ້ທຸກເທື່ອຫລັງອອກກຳລັງກາຍ ຫລື ເຫື່ອອອກຫລາຍ : ສຳລັບທ່ານຊາຍຄົນໃດທີ່ອອກກຳລັງກາຍເປັນປະຈຳ ຫລື ແມ່ນແຕ່ຢູ່ບ່ອນອາກາດຮ້ອນ ຄວນຟ້າວອາບນ້ຳ ແລະ ປ່ຽນເຄື່ອງນຸ່ງທຸກເທື່ອ (ເທົ່າທີ່ຈະເຮັດໄດ້) ເພາະການທີ່ທ່ານນຸ່ງເຄື່ອງທີ່ອົມເຫື່ອໄວ້ດົນໆກໍຈະເກີດການໝັກໝົມຂອງແບັກທີເຣຍ ແລະ ກໍ່ໃຫ້ເກີດບັນຫາສິວຢູ່ຫລັງໄດ້.
  2. ຂັດຖູຜິວແດ່ : ທ່ານຊາຍຫລາຍຄົນທີ່ອາບນຳ້ບໍ່ເຖິງ 2 ນາທີ ຄວນຈະປັບພຶດຕິກຳຕື່ມ ຄືອາບໃຫ້ດົນຂຶ້ນ, ຂັດຖູຂີ້ໄຄອອກ ລ້າງສິ່ງເປິເປື້ອນອອກໃຫ້ກ້ຽງ ເພາະຄາບເຫື່ອທີ່ສະສົມເປັນບໍ່ເກີດຂອງສິວຢູ່ຫລັງໄດ້ ພ້ອມກັນນີ້ ຫາກພໍມີເວລາວ່າງ ທ່ານຄວນຈະໃຊ້ຄຣີມສຳລັບຂັດຖູຜິວ ເພື່ອກຳຈັດແຊນຜິວທີ່ຕາຍແລ້ວໃຫ້ຫລຸດອອກໄປແດ່ ແລະ ຊ່ວຍຄວບຄຸມປະລິມານນຳ້ມັນເທິງຜິວໃຫ້ໜ້ອຍລົງ ແບັກທີເຣຍກໍຈະບໍ່ມີໂອກາດເຕີບໃຫຍ່ ຈົນກາຍເປັນສິວທີ່ສ້າງຄວາມລຳຄານໃຫ້ກັບທ່ານ ໂດຍທ່ານຄວນຂັດຖູຜິວຄ່ອບໆ ບໍ່ຄວນຂັດແຮງ ເພາະອາດຈະເກີດການລະຄາຍເຄືອງຂອງຜິວໜັງໄດ້.
  3. ຄວາມສະອາດຂອງເສັ້ນຜົມບໍ່ຄວນເບິ່ງຂ້າມ : ຜູ້ຊາຍຜົມຍາວທັງຫລາຍອາດຈະຕ້ອງເອົາໃຈໃສ່ກັບຄວາມສະອາດຂອງ ເສັ້ນຜົມກັນຫລາຍຂຶ້ນ ເພາະຄາບເຫື່ອໄຄທີ່ໄຫລຍ້ອຍລົງມາຈາກເສັ້ນຜົມກໍອາດເປັນຕົ້ນເຫດຂອງການເກີດສິວຢູ່ຫລັງ ຫລື ບໍລິເວນງ່ອນໄດ້ຄືກັນ. ມີຂໍ້ແນະເລັກນ້ອຍ ທ່ານຊາຍຄົນໃດໃຊ້ຄຣີມນວດຜົມ ຢາກໃຫ້ລອງງົດໃຊ້ເບິ່ງຈັກໄລຍະ ເພາະມີຫລາຍຄົນທີ່ສິວຂຶ້ນບໍລິເວນຫລັງ ເພາະລ້າງຄຣີມນວດຈາກຜິວບໍ່ໝົດ.
  4. ໃຊ້ຢາປິ່ນປົວສິວທີ່ມີໂຕຢາ Benzoyl peroxide : ເຖິງວ່າຈະຮັກສາຄວາມສະອາດຂອງຮ່າງກາຍດີປານໃດ ບາງເທື່ອບັນຫາສິວກໍໍຍັງຂຶ້ນມາກວນໃຈກັນໄດ້ອີກ ເຖິງເວລານັ້ນທ່ານກໍສາມາດໃຊ້ຢາທາປິ່ນປົວສິວທີ່ມີໂຕຢາ Benzoyl peroxide ເພື່ອຂ້າເຊື້ອແບັກທີເຣຍທີ່ເປັນຕົ້ນເຫດຂອງສິວໄດ້ເຊັ່ນກັນ.

ຫາກທ່ານຊາຍທ່ານໃດລອງວິທີທັງໝົດທີ່ແນະນຳມາຂ້າງເທິງແລ້ວບໍ່ໄດ້ຜົນ ທັງຍັງມີສິວຂຶ້ນບໍ່ເຊົາ ຈົນໝົດຄວາມໝັ້ນໃຈ ແນະນຳໃຫ້ປຶກສາແພດຜິວໜັງຈະດີທີ່ສຸດ.

- Wave100S AD to Website 2020 0 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
- WhatsApp Image 2020 05 27 at 5 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
- WhatsApp Image 2020 05 27 at 5 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
- WhatsApp Image 2020 05 27 at 5 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
- WhatsApp Image 2020 05 27 at 5 - 5 ເຄັດລັບກຳຈັດສິວຢູ່ຫລັງຢ່າງໄດ້ຜົນ
  • 1083 Posts
  • 0 Comments
iLike/LPN/20
error: Alert: Content is protected !!