ໂຮງໝໍເມືອງຫລາຍແຫ່ງໃນ 5 ແຂວງພາກໃຕ້ໄດ້ຮັບເຄື່ອງເອໂກ

- advert banner 728 90 728x90 - ໂຮງໝໍເມືອງຫລາຍແຫ່ງໃນ 5 ແຂວງພາກໃຕ້ໄດ້ຮັບເຄື່ອງເອໂກ

ເມື່ອບໍ່ດົນມານີ້, ທ່ານ Dr. Cam MCINTYRE ຫົວໜ້າ ໂຄງການຮ່ວມມືດ້ານສຸຂະພາບສາກົນ, ໄດ້ມອບເຄື່ອງເອໂກ ໃຫ້ ໂຮງໝໍຂັ້ນເມືອງ 13 ແຫ່ງໃນ 5 ແຂວງພາກໃຕ້ຄື: ຈຳປາສັກ, ສາ ລະວັນ, ເຊກອງ, ອັດຕະປື ແລະ ແຂວງສະຫວັນນະເຂດລວມມື ມູນຄ່າ ທັງໝົດ 80 ພັນ ໂດລາ ສະ ຫະລັດ, ຊຶ່ງພິທີມອບ- ຮັບໄດ້ຈັດ ຂຶ້ນທີ່ແຂວງຈຳປາສັກ, ລະຫວ່າງ ຫົວໜ້າໂຄງການດັ່ງກ່າວ ແລະ ບັນດາຫົວໜ້າພະແນກສາທາລະນະສຸກ 5 ແຂວງ.

- new3 - ໂຮງໝໍເມືອງຫລາຍແຫ່ງໃນ 5 ແຂວງພາກໃຕ້ໄດ້ຮັບເຄື່ອງເອໂກ

 

+ ໂຮງໝໍແຂວງເຊກອງມີຄວາມຕ້ອງການແພດໝໍເປັນຈຳນວນຫລາຍ

+ ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້

ທ່ານຫົວໜ້າໂຄງ ການຮ່ວມ ມືດ້ານສຸຂະພາບສາກົນ ມີຄຳເຫັນ ວ່າ: ໂຄງການນີ້ ແມ່ນໂຄງການ ໜຶ່ງທີ່ບໍ່ຂຶ້ນກັບລັດຖະບານສະຫະລັດອາເມລິກາ, ໂດຍໄດ້ລະດົມ ທຶນຈາກໝູ່ເພື່ອພະນັກງານອາວຸ ໂສບຳນານທີ່ເຮັດວຽກກ່ຽວກັບການແພດ ແລະ ຈາກລັດຖະ ບານ ເພື່ອນຳມາຊ່ວຍເຫຼືອຂະ ແໜງສາທາລະນະສຸກຂອງ ລາວແຕ່ປີ 2008 ຢູ່ແຂວງພາກ ເໜືອ ແລະ ໄດ້ມອບເຄື່ອງເອໂກ ດັ່ງກ່າວມາແລ້ວ 67 ເຄື່ອງ, ເພື່ອ ປະກອບສ່ວນສ້າງຄວາມເຂັ້ມ ແຂງໃຫ້ລະບົບສາທາລະນະສຸກຂັ້ນເມືອງຂອງລາວ. ສຳລັບ ເຄື່ອງເອໂກທີ່ນຳມາມອບຄັ້ງ ນີ້ ມີຈຳນວນ 13 ເຄື່ອງມອບໃຫ້ ໂຮງໝໍເມືອງ 13 ແຫ່ງໃນ 5 ແຂວງ, ພ້ອມນີ້ທາງໂຄງການ ຍັງຈະໄດ້ຝຶກອົບຮົມກ່ຽວກັບ ການກວດເອໂກຂັ້ນ ພື້ນຖານ ໃຫ້ ແກ່ພະນັກງານແພດໝໍເມືອງ ດັ່ງກ່າວ ເພື່ອຍົກລະດັບຄວາມ ຮູ້ຄວາມສາມາດໃນການນຳໃຊ້ ແລະ ວິທີການບົວລະບັດຮັກ ສາເພື່ອນຳໃຊ້ໃຫ້ເກີດປະໂຫຍດ ສູງສຸດ.

ທ່ານ ດຣ. ສົມກຽດ ວໍລະ ລາດ ຫົວໜ້າພະແນກສາທາລະ ນະສຸກແຂວງຈຳປາສັກ ໄດ້ຕາງ ໜ້າ ໃຫ້ສາທາລະນະສຸກທັງ 5 ແຂວງດັ່ງກ່າວຂຶ້ນກ່າວສະແດງຄວາມຂອບໃຈຕໍ່ການຊ່ວຍເຫຼືອ ລ້າຂອງໂຄງການຮ່ວມມືດ້ານ ສຸຂະພາບສາກົນ, ດັ່ງນັ້ນເຄື່ອງ ເອໂກຈຳນວນນີ້ຈະເປັນການປະກອບສ່ວນຍົກລະດັບຄວາມສາ ມາດໃນການວິເຄາະ,ການບົ່ງມະ ຕິພະຍາດໃຫ້ຖືກຕ້ອງ ຈະແຈ້ງ ແລະ ມີຄຸນນະພາບການບໍລິການ ດີຂຶ້ນ.

error: Content is protected !!