ມ່ວນໂພດໃຫ້ໂທດແກ່ຊີວິດ

- Untitled design - ມ່ວນໂພດໃຫ້ໂທດແກ່ຊີວິດ

- Untitled 1 3 - ມ່ວນໂພດໃຫ້ໂທດແກ່ຊີວິດໂດຍ: ວິ​ເສດ ສະ​ແຫວ​ງສຶກສາ

ເລື່ອງທີ່ຊິເວົ້າຕໍ່ໄປນີ້ ຜູ້ຂຽນສັງລວມມາຈາກໜັງສືພິມເດິເນເຊິນ (The Nation) ສະບັບເກົ່າໆ ແຕ່ວັນທີ 28 ເດືອນກຸມພາປີນີ້ ມັນເປັນເລື່ອງໂສກອະນາດຕະກຳທີ່ເກີດຂຶ້ນໃນງານດອງ ຍ້ອນຄວາມຄຶກຄະນອງຂອງເຈົ້າບ່າວ ທີ່ລົວປືນຂຶ້ນທ້ອງຟ້າ ເພື່ອສ້າງຄວາມຕື່ນເຕັ້ນແປກໃໝ່ໃນການຕ້ອນຮັບແຂກ, ແຕ່ລູກປືນພັດປິວໄປສຽບໜ້າ ເອິກຂອງຊາຍຜູ້ໜຶ່ງທີ່ພວມນັ່ງຢູ່ຮ້ານຫ່າງຈາກບໍລິເວນງານດອງ 50 ແມັດ. ພໍນຳສົ່ງຮອດໂຮງໝໍຊາຍຜູ້ເຄາະ ຮ້າຍກໍເສຍຊີວິດ. ທີ່ສັງລວມເລື່ອງນີ້ມາໃຫ້ຫລາຍຄົນໄດ້ອ່ານກໍແມ່ນເພື່ອເຕືອນສະຕິຢ່າມ່ວນເກີນເຫດ ແລະ ຢ່າ ສ່ຽງເຮັດແນວເປັນອັນຕະລາຍ. ຢູ່ບ້ານເຮົາເຖິງຈະບໍ່ມີການຫລິ້ນກັບອາວຸດໃນງານບຸນຕ່າງໆ, ແຕ່ກໍມີແນວທີ່ ອາດເປັນອັນຕະລາຍໄດ້ ເຊັ່ນການຈູດບັ້ງໄຟດ້ວຍຄວາມປະໝາດ. ຂ່າວບັ້ງໄຟລະເບີດກັບຄ້າງ, ເລື່ອງບັ້ງໄຟຕົກ ໃສ່ຄົນເຖິງຂັ້ນໄດ້ຮັບບາດເຈັບ ຫລື ລົ້ມຕາຍກໍເຄີຍກາຍເປັນຂ່າວເສົ້າໃນໄລຍະຜ່ານມາ. ການຈູດກະໂພກ, ບັ້ງໄຟ ດອກ, ບັ້ງພຸ, ການເອົານ້ຳແຂງໂຍນໃສ່ກັນຍາມບຸນປີໃໝ່ ແລະ ວາລະອື່ນໆ ລ້ວນແຕ່ເປັນອັນຕະລາຍ ຖ້າຂາດສະ ຕິ, ການຫລິ້ນບຸນປີໃໝ່ແຕ່ລະປີມັກຈະມີເລື່ອງເສົ້າເກີດຂຶ້ນສະເໝີ.

- Wave100S AD to Website 2020 0 - ມ່ວນໂພດໃຫ້ໂທດແກ່ຊີວິດ

ກ້ຽວມາເວົ້າເລື່ອງຄວາມມ່ວນທີ່ກາຍເປັນຄວາມໂສກໃນໄທຍ້ອນຄວາມຄຶກຄະນອງຂອງຄົນທີ່ຂາດຄວາມຮັບ ຜິດຊອບ, ຄິດແຕ່ເລື່ອງມ່ວນເລື່ອງແປກ, ໃຜຈະເຈັບຈະລົ້ມຕາຍບໍ່ສົນ. ໜັງສືພິມ The Nation ສະບັບດັ່ງກ່າວ ໄດ້ສັງລວມເອົາເລື່ອງເສົ້າທີ່ເກີດຂຶ້ນແຕ່ປີ 2011 ເຖິງປັດຈຸບັນຍ້ອນຄວາມຈັງໄຮໄວມືຫລິ້ນກັບປືນຕາມລຳດັບ ດັ່ງນີ້: ໃນວັນທີ 1 ເດືອນມັງກອນ 2011 ເດັກຍິງອາຍຸ 7 ປີ ຢູ່ແຂວງຢາລາ ໄດ້ຮັບບາດເຈັບສາຫັດຍ້ອນລູກປືນ ປິວມາຖືກຫົວ. ໃນມື້ດຽວກັນນັ້ນເດັກຍິງອາຍຸ 8 ປີອີກຄົນໜຶ່ງຖືກລູກປືນຈົນເສຍຊີວິດໃນຂະນະນອນຫລັບຢູ່ຂ້າງ ພໍ່ເຖົ້າແມ່ເຖົ້າ. ເຫດການນີ້ເກີດຢູ່ແຂວງລາຊະບູນ ລູກປືນເພັດສະຄາດດັ່ງກ່າວມາຈາກການຍິງສະຫລອງປີໃໝ່, ໃນວັນທີ 11 ເດືອນທັນວາ 2011 ທີ່ແຂວງເພັດສະບູນ ຍິງອາຍຸ 22 ປີ ຖືກລູກປືນຢູ່ກ້ານຄໍ ລູກປືນມາຈາກການ ຍິງໄລ່ປາກົດການກົບກິນເດືອນຕອນກາງຄືນຕາມຄວາມເຊື່ອ, ວັນທີ 1 ມັງກອນ 2012 ຢູ່ແຂວງຣະຍອງ ຍິງຄົນ ໜຶ່ງຍິງປືນຂຶ້ນທ້ອງຟ້າເວລານັບຖອຍຫລັງ (ຄາວດາວ) ປືນບັງເອີນໄປຖືກໜ້າເອິກຝ່າຍຜົວຈົນເສຍຊີວິດ, ວັນທີ 13 ເມສາ 2013 ຢູ່ແຂວງລຳປາງ ໄດ້ມີເຫດການຍິງປືນ ເພື່ອສະເຫລີມສະຫລອງປີໃໝ່ໄທ ລູກປືນດາດຫົວຊາຍ ຄົນໜຶ່ງທີ່ພວມນອນຫລັບຢູ່, ວັນທີ 23 ເດືອນມິຖຸນາ ຢູ່ແຂວງອາຍຸດທະຢາ ຊາຍຄົນໜຶ່ງຖືກລູກປືນເຈາະເຂົ້າບ່າ ໃນຂະນະເຂົາລໍຖ້າເມຍໄປຊື້ເຄື່ອງຢູ່ຮ້ານ ລູກປືນລູກນັ້ນມາຈາກການຍິງເພື່ອສະຫລອງພິທີບວດນາກຢູ່ວັດໃກ້ ຄຽງ, ວັນທີ 28 ເດືອນກັນຍາ 2013 ຢູ່ແຂວງນະຄອນປະຖົມ ເດັກຍິງອາຍຸ 4 ປີ ໄດ້ຮັບບາດເຈັບທີ່ບ່າຍ້ອນລູກ ປືນທີ່ຍິງສະຫລອງງານລ້ຽງທີ່ເຮືອນໃກ້ຄຽງ, ວັນທີ 5 ເມສາ 2013 ທີ່ແຂວງລາສະບູນ ຊາຍຄົນໜຶ່ງທີ່ພວມຈະ ບວດເປັນພະສົງໄດ້ຮັບບາດເຈັບທີ່ຝາມືຈາກລູກປືນທີ່ແຂກໃນພິທີຍິງຂຶ້ນຟ້າ ເພື່ອສະຫລອງພິທີບວດ. ພິທີບວດ ໃນວັນນັ້ນໄດ້ຍົກເລີກ, ວັນທີ 22 ມີນາ 2014 ທີ່ແຂວງອ່າງທອງ ໃນພິທີບວດ ຊາຍຄົນໜຶ່ງໄດ້ຍິງປືນຂຶ້ນຟ້າເພື່ອ ສະຫຼອງພິທີ ແລະ ລູກປືນໄດ້ປິດຊີວິດຍິງອາຍຸ 32 ປີຄົນໜຶ່ງທີ່ຢືນສັງເກດພິທີ, ວັນທີ 29 ທັນວາ 2014 ທີ່ອ່າງ ທອງ ຍິງຄົນໜຶ່ງກັບຜູ້ລູກລອດຕາຍແບບວຸດວິດຈາກລູກປືນຕ້ອນຮັບປີໃໝ່ສາກົນທະລຸເຂົ້າເຮືອນ, ວັນທີ 22 ກໍລະກົດ 2015 ທີ່ແຂວງເພັດສະບູນ ຊາຍຄົນໜຶ່ງພົກປືນຕິດໂຕເຂົ້າຮ່ວມພິທີບວດຢູ່ວັດ ບັງເອີ້ນປືນລັກລັ່ນ ຖືກຄົນຕາຍຄາເດີ່ນວັດໜຶ່ງຄົນ.

- WhatsApp Image 2020 05 27 at 5 - ມ່ວນໂພດໃຫ້ໂທດແກ່ຊີວິດ
- WhatsApp Image 2020 05 27 at 5 - ມ່ວນໂພດໃຫ້ໂທດແກ່ຊີວິດ
error: Alert: ເນື້ອຫາຂ່າວມີລິຂະສິດ !!