ສຳເລັດການແຂ່ງຂັນຄວາມຄິດທຸລະກິດດ້ານກະສິກຳ ແລະ ປ່າໄມ້ທີ່ຍືນຍົງຄັ້ງທີ II
ວັນທີ 25 ພະຈິກນີ້ ວິທະຍາ ໄລກະສິກຳ ແລະ ປ່າໄມ້ພາກ ເໜືອໄດ້ຈັດແຂ່ງຂັນແນວ ຄວາມຄິດທຸລະກິດກະສິກຳ ແລະ ປ່າໄມ້ທີ່ຍືນຍົງຄັ້ງທີ II ຮອບ ສຸດທ້າຍພາຍຫຼັງໄດ້ຈັດການ ແຂ່ງຂັນມາແຕ່ວັນທີ 5 ສີງຫາ. ໂດຍມີຫົວໜ້າພະແນກກະສິກຳ ແລະ ປ່າໄມ້ແຂວງ, ຜູ້ຕາງໜ້າ ກະຊວງກະສິກຳ ແລະ ປ່າໄມ້, ພ້ອມດ້ວຍ ຄູ-ອາຈານ ແລະ ນັກ ສຶກສາເຂົ້າຮ່ວມ ເປັນຈຳນວນ ຫລາຍ.ການແຂ່ງຂັນດັ່ງກ່າວ ເພື່ອສ້າງຂີດຄວາມສາມາດໃຫ້ນັກສຶກສາປີທີ 3 ຮຸ່ນທີ 6 ຂອງ ທຸກສາຂາວິຊາໃນການຂຽນ ແຜນທຸລະກິດກະສິກຳ ແລະ ເພື່ອກໍ່ສ້າງຜູ້ປະ ກອບການໄວໜຸ່ມ ໃຫ້ເຂົາເຈົ້າສາມາດໄດ້ປະກອບທຸລະກິດເປັນຂອງຕົນເອງໃນອານາຄົດ.
+ ຜົນສຳເລັດຂອງກອງປະຊຸມບໍ່ເປັນທາງການ ອົງການອາເປັກທີ່ດານັງ
+ ມອບເຄື່ອງກົນຈັກກະສິກຳ ໃຫ້ແຂວງເປົ້າໝາຍຂອງໂຄງການ
ເຊິ່ງປີນີ້ ມີນັກສືກສາເຂົ້າ ຮ່ວມແຂ່ງຂັນທັງໝົດ 16 ທີມ ໃນ 60 ຫົວຂໍ້ ແລະ ສາມາດຂັດ ເລືອກໄດ້ 11 ທີມ ແລະ 11 ຫົວ ຂໍ້ເພື່ອເຂົ້າຮ່ວມແຂ່ງຂັນໃນ ຮອບສຸດທ້າຍ, ໂດຍມີການນຳ ເອົາຜະລິດຕະພັນທີ່ຜະລິດເອງ ມາປຸງແຕ່ງໃຫ້ສອດຄ່ອງກັບຫົວຂໍ້ທີ່ຄົ້ນ ຄວ້າຮ່ວມກັນ ແລະ ມີທຶນສະໜັບສະໜູນຈາກໂຄງ ການ ແລະ ຫົວໜ່ວຍທຸລະກິດ ຕ່າງໆ. ເຊິ່ງທີມຜູ້ຊະນະເລີດ ໄດ້ຮັບເງິນ 6,5 ລ້ານກີບ, ຮອງ ຊະນະເລີດ ໄດ້ຮັບເງິນ 5 ລ້ານ ກີບແລະທີ 3 ໄດ້ຮັບເງິນ 3 ລ້ານກີບ, ໂດຍໄດ້ຮັບການ ສະໜັບສະໜູນຈາກໂຄງການ ຊູລາໂກ, ໂຄງການດູລັດສ (ໂຄງການສົ່ງເສີມກະສິກຳ ຮອບດ້ານ) ແລະ ບໍລິສັດທີ່ປຶກ ສາດ້ານການພັດທະນາວິສາ ຫະກິດ EDC.
