ທ່ານ ທຣໍາ ກຽມແຜນຂຶ້ນພາສີເພີ່ມອີກ ຫວັງແກ້ໄຂບັນຫາການຄ້າທີ່ບໍ່ເປັນທໍາ ເຖິງວ່າອັດຕາເງິນເຟີ້ເພີ່ມສູງຂຶ້ນ
ທ່ານ ໂດນັລ ທຣໍາ ປະທານາທິບໍດີອາເມລິກາ ເດີນໜ້າກຽມແຜນຂຶ້ນພາສີອາກອນເພີ່ມອີກ ໂດຍສະເພາະການຂຶ້ນພາສີອາກອນຕອບໂຕ້ (Reciprocl Tarffs) ໃນອັດຕາທີ່ເທົ່າທຽມກັນ ຫວັງແກ້ໄຂບັນຫາການຄ້າທີ່ບໍ່ເປັນທໍາໃນສາຍຕາອາເມລິກາ ເຖິງວ່າອັດຕາເງິນເຟີ້ຈະເພີ່ມສູງຂຶ້ນ.
ທ່ານ ທຣໍາ ເນັ້ນເຖິງການຄ້າອາເມລິກາ ທີ່ມີຄວາມສົມດູນຍິ່ງຂຶ້ນ ໂດຍມີຄໍາສັ່ງໃຫ້ທີມເສດຖະກິດໃນລັດຖະບານ ທຣໍາ 2.0 ກວດສອບແຜນສໍາລັບພາສີອາກອນຕອບໂຕ້ທີ່ອາດເປັນໜຶ່ງຊ່ອງທາງເພີ່ມລາຍໄດ້ໃຫ້ອາເມລິກາ ແລະ ຫລຸດຊ່ອງວ່າງຂອງການຂາດດູນການຄ້າກັບປະເທດຄູ່ຄ້າ ເຖິງວ່າກົນໄກການຂຶ້ນພາສີນີ້ອາດເປັນສາເຫດສົງຄາມການຄ້າໂລກ ແລະ ເພີ່ມວິກິດເງິນເຟີ້ໃຫ້ອາເມລິກາກໍຕາມ.
ສ່ວນທ່ານ ຮາວເວິດ ລັດນິກ ລັດຖະມົນຕີກະຊວງການຄ້າ ຄາດຄະເນວ່າ: ທ່ານ ແລະ ທີມງານຈະກວດສອບແຜນງານຕ່າງໆສໍາເລັດພາຍໃນວັນທີ 1 ເມສານີ້, ຈາກນັ້ນຈະຂຶ້ນຢູ່ກັບທ່ານ ທຣໍາ ວ່າຈະປະກາດຂຶ້ນພາສີອາກອນໃໝ່ນີ້ຢ່າງເປັນທາງການໃນວັນທີ 2 ເມສາ ຫລື ບໍ່.
ອ້າງອີງ:
- https://edition.cnn.com/2025/02/13/economy/new-us-trump-tariffs/index.html
- https://www.reuters.com/world/us/trump-says-reciprocal-tariffs-coming-thursday-2025-02-13/
- https://www.bbc.com/news/articles/c360lle165ro
- https://apnews.com/article/trump-tariffs-reciprocal-imports-tax-trade-economy-54c0a26687dc96157d96229068894720
