ດີເຄລົງສະໜາມນັດທໍາອິດສະເໝີ HEBEI ELITE FC 2-2

- DK - ດີເຄລົງສະໜາມນັດທໍາອິດສະເໝີ HEBEI ELITE FC 2-2
- Untitled design - ດີເຄລົງສະໜາມນັດທໍາອິດສະເໝີ HEBEI ELITE FC 2-2

ນັກກິລາ ດີເຄ ເອັຟຊີ ສະໂມສອນຕົວແທນຈາກ ສປປ ລາວ ຈໍານວນ 29 ຄົນ (ຄະນະນໍາ 9 ຄົນ ແລະ ນັກກິລາ 20 ຄົນ) ເຂົ້າຮ່ວມການແຂ່ງຂັນບານເຕະລາຍການພິເສດ “FURUI CUP” 2017 “Colorful YunnanThe Belt and Road International Football Open” ທີ່ເມືອງຢູນນານ ສປ ຈີນ ລະຫວ່າງວັນທີ 5-20 ທັນວາ 2017 ເຊິ່ງຮ່ວມສາຍກັບທີມຈາກໄທ, ໂຄຼອາຊີ ແລະ ສປ ຈີນ. ຂະນະທີ່ລົງສະໜາມຄັ້ງທໍາອິດສະເໝີ HEBEI ELITE FC 2-2 ປະຕູ ໃນວັນທີ 5 ທັນວານີ້.

ການແຂ່ງຂັນໄດ້ດໍາເນີນໄປດ້ວຍບັນຍາກາດຟົດຟື້ນ ເຊິ່ງທັງສອງຝ່າຍຕ່າງກໍຫວັງຈະເອົາຊະນະໃຫ້ໄດ້ ເຊິ່ງຜ່ານການແຂ່ງຂັນທັງ 90 ນາທີ ທັງສອງຝ່າຍສາມາດສະເໝີກັນດ້ວຍ 2-2 ປະຕູ. ສະໂມສອນດີເຄ ໄດ້ປະຕູຈາກທ້າວ ຈັນທະຈອນ ທິໂນລາດ ແລະ ທ້າວ ສຸກສະຫວັນ ໄຊຍະລິນ. ການແຂ່ງຂັນຄັ້ງນີ້ມີທັງໝົດ 11 ທີມຈາກ 9 ປະເທດເຂົ້າຮ່ວມ ປະກອບມີ: ຈີນ, ໄທ, ລາວ, ກຳປູເຈຍ, ໂຄຼອາຊີ, ຫວຽດນາມ, ຟິລິປີນ, ຕີມໍ ເລສເຕ ແລະ ມາເລເຊຍ. ຂະນະທີ່ການແບ່ງກຸ່ມສະໂມສອນ ດີເຄ ຖືກຈັດຢູ່ກຸ່ມ C ຮ່ວມກັບ HEBEI ELITE FC ຈາກ ສປ ຈີນ, NK VARAZDIN FC ຈາກໂຄຼອາຊີ ແລະ POLICE TERO FC ຈາກໄທ ເພື່ອຄັດເອົາອັນດັບ 1 ແລະ 2 ຂອງກຸ່ມ ຜ່ານເຂົ້າສູ່ຮອບ 8 ທີມສຸດທ້າຍ.

ສໍາລັບຕາຕະລາງການແຂ່ງຂັນຂອງ ດີເຄ ເອັຟຊີຈະລົງສະໜາມຄັ້ງທີ 2 ໃນວັນທີ 7 ທັນວາ 2017 ດີເຄ ພົບ NK VARAZDIN FC ເວລາ 16:00 ໂມງ (15:00 ​ໂມງລາວ), ສ່ວນຄັ້ງທີ 3 ລົງສະໜາມໃນວັນທີ 9 ທັນວາ 2017 DKFC ພົບ POLICE TERO FC ເວລາ 16:09 ໂມງ (15.00 ​ໂມງລາວ).

- Wave100S AD to Website 2020 0 - ດີເຄລົງສະໜາມນັດທໍາອິດສະເໝີ HEBEI ELITE FC 2-2
- WhatsApp Image 2020 05 27 at 5 - ດີເຄລົງສະໜາມນັດທໍາອິດສະເໝີ HEBEI ELITE FC 2-2
- WhatsApp Image 2020 05 27 at 5 - ດີເຄລົງສະໜາມນັດທໍາອິດສະເໝີ HEBEI ELITE FC 2-2
error: Alert: ເນື້ອຫາຂ່າວມີລິຂະສິດ !!