ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ

- 38wj9all - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ
- Untitled design - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ

ລັດຖະບານ​ກົວ​ເຕມາລາ​ກຽມ​ຍ້າຍ​ສະຖານ​ເອກ​ອັກຄະ​ລັດຖະທູດ​ອອກ​ຈາກ​ນະຄອນຫລວງ​ເທ​ລອາ​ວີ​ຟ​ໄປ​ນະຄອນຫລວງ​​ເຢລູຊາ​ເລ​ມ ຖື​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ປະຕິບັດ​ຕາມ​ນະ​ໂຍບາຍ​ເລື່ອງ​ອິດສະ​ລາ​ແອນ​ຂອງ​ອາ​ເມ​ລິ​ກາ.

- Untitled 1 3 - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ເຕມາລາ ປະ​ເທດ​ກົວ​ເຕມາລາ ​ໃນ​ວັນ​ທີ 24 ທັນວາ​ວ່າ: ປະທານາທິບໍດີ ຈິ​ມມີ ​ໂມຣາ​ເລ​ສ ປະກາດ​ຜ່ານ​ເຟສບຸກສ່ວນ​ຕົວ ​ໃນ​ວັນ​ທີ 24 ທັນວາວ່າ: ໜຶ່ງ​ໃນ​ນະ​ໂຍບາຍ​ເລື່ອງ​ອິດສະ​ລາ​ແອນ​ສຳຄັນ​ທີ່​ສຸດ ຄື​ການ​ຍ້າຍ​ສະຖານ​ເອກ​ອັກຄະ​ລັດຖະທູດ “ກັບ​ໄປ” ນະຄອນຫລວງ​ເຢລູຊາ​ເລ​ມ. ດ້ວຍ​ເຫດ​ນີ້ ທ່ານ​ໄດ້​ແຈ້ງ​ໃຫ້​ກະຊວງ​ການ​ຕ່າງປະ​ເທດ​ກຽມ​ດຳ​ເນີນ​ການ​ຍ້າຍ​ສະຖານ​ເອກ​ອັກຄະ​ລັດຖະທູດ​ກົວ​ເຕມາລາ​ອອກ​ຈາກ​ນະຄອນຫລວງ​ເທ​ລອາ​ວີ​ຟ​ແລ້ວ.

ການ​ເຄື່ອນ​ໄຫວ​ດັ່ງກ່າວ​ເກີດ​ຂຶ້ນພຽງ​ບໍ່​ເທົ່າ​ໃດ​ຊົ່​ວ​ໂມງ ພາຍຫລັງທ່ານ ​ໂມຣາ​ເລ​ສ ສົນທະນາ​ທາງ​ໂທລະສັບ​ກັບ​ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຜູ້ນຳ​ອິດສະ​ລາ​ແອນ ​ແລະ ກົວ​ເຕມາລາ​ເປັນ​ໜຶ່ງ​ໃນ 9 ປະ​ເທດ​ທີ່​ອອກສຽງ​ຄັດຄ້ານ​ຮ່າງ​ມະຕິ​ຂອງ​ສະມັດຊາ​ໃຫຍ່​ສະຫະ​ປະຊາ​ຊາດ (UNGA) ​ເຊິ່ງປະກອບ​ໃນ​ວັນ​ທີ 21 ທັນວາ ປະກາດ​ໃຫ້​ນະ​ໂຍບາ​ຍ​ເຢລູຊາ​ເລ​ມຂອງອາເມລິກາເປັນໂມຂະ ໂດຍອີກ 8 ປະເທດທີ່ຮ່ວມຄັດຄ້ານປະກອບມີ ອາເມລິກາ, ອິດສະລາແອນ, ຮົງດູຣັດ, ສາທານະລັດເກາະມາແຊລ, ມາເຊໂດນີ, ນາອູຣູ, ປາເລົາ ແລະ ໂຕໂກ.

- Wave100S AD to Website 2020 0 - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ

​ເຖິງ​ວ່າ​ປະທານາທິບໍດີ ​ໂດ​ນັນ ທຣຳ ປະກາດ​ໃນ​ວັນ​ທີ 6 ທັນວາ​ຜ່ານ​ມາ ຮັບຮອງ​ສະຖານະ​ນະຄອນຫລວງ​ເຢລູຊາ​ເລ​ມ​ເປັນ “​ເມືອງ​ຫລວງ​ຢ່າງ​ເປັນ​ທາງ​ການ” ຂອງ​ອິດສະ​ລາ​ແອນ, ​ແຕ່​ບໍ່​ໄດ້​ກຳນົດ​ຂອບ​ໄລຍະ​ເວລາ​ຢ່າງ​ຈະ​ແຈ້ງ ​ໃນ​ການ​ຍ້າຍ​ສະຖານ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ອອກ​ຈາກ​ນະຄອນຫລວງ​ເທ​ລອາ​ວີ​ຟ. ​ເຖິງ​ຢ່າງ​ໃດ​ກໍ​ຕາມ, ກົວ​ເຕມາລາ​ຈະ​ຖື​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ກຽມ​ເດີນ​ຕາມ​ຮອຍ​ລັດຖະບານ​ວໍ​ຊິງ​ຕັນ​ໃນ​ເລື່ອງ​ນີ້. ຂະນະ​ທີ່​ມີ​ລາຍ​ງານ​ວ່າ​ສາທາລະນະ​ລັດ​ເຊັກ​ກຳລັງ​ພິຈາລະນາ​ກາ​ນຍ້າຍ​ສະຖານ​ເອກ​ອັກຄະ​ລັດຖະທູດ​ໃນ​ອິດສະ​ລາ​ແອນ​ເຊັ່ນ​ກັນ. ທັງ​ນີ້ ສາທາລະນະ​ລັດ​ເຊັກ​ເປັນ​ໜຶ່ງ​ໃນ 35 ປະ​ເທດ​ທີ່​ໃຊ້​ສິດ​ງົດ​ອອກສຽງ.

- WhatsApp Image 2020 05 27 at 5 - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ
- WhatsApp Image 2020 05 27 at 5 - ກົວເຕມາລາກຽມຍ້າຍສະຖານທູດ ໄປນະຄອນຫລວງເຢລູຊາເລມ
error: Alert: ເນື້ອຫາຂ່າວມີລິຂະສິດ !!