ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ

- lao thai immigration - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ
- Untitled design - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ

ປີ 2018 ໄດ້ກ້າວເຂົ້າມາ ຫາພວກເຮົາແລ້ວ, ໃນໜຶ່ງ ປີຜ່ານມາພວກເຮົາມີຜົນງານ ຫລາຍຢ່າງ, ໄດ້ທັງບົດຮຽນ, ໄດ້ທັງປະສົບປະການ. ຈາກ ສິ່ງດັ່ງກ່າວ, ຕາມທິດກ່ຳວ່າມັນ ຈະເປັນຕຳລາບອກເຕືອນໃຫ້ ເຮົາຮູ້ວ່າປີ 2018 ພວກເຮົາ ຍິ່ງຈະຕ້ອງໄດ້ສູ່ຊົນສ້າງຜົນ ງານໃໝ່ໃຫ້ຫລາຍກວ່າເກົ່າ.

 

+ພຽງ 11 ເດືອນ ຂະແໜງພາສີເກັບລາຍຮັບ​ເຂົ້າງົບໄດ້ປະມານ 5.693 ຕື້ກີບ

+ ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ

ເມື່ອຫວນຄືນເບິ່ງຜົນງານ ໃນປີ 2017 ສິ້ນໃຫຍ່ໆທິດກ່ຳ ຂໍຍົກໂປ້ໃຫ້ຂະແໜງພາສີອາ ກອນ ເປັນຫຍັງຈຶ່ງວ່າແນວ ນັ້ນ? ຍ້ອນວ່າ ພຽງ 11 ເດືອນ ພວກເພິ່ນສາມາດເກັບກູ້ລາຍ ຮັບເຂົ້າງົບປະມານໄດ້ເຖິງ 5.693 ຕື້ກີບເທົ່າກັບ 85,61% ຂອງແຜນປີ 2017 ແລະ ທຽບ ໃສ່ປີ 2016 ແມ່ນເພີ່ມຂຶ້ນເກືອບ 20% ແລະ ພວກເພິ່ນຍັງຄາດ ກະໃສ່ຕົວເລກໝົດປີຈະໃຫ້ ໄດ້ 6.240 ຕື້ກີບຫລືເທົ່າກັບ 93,84% ແລະ ເຖິງວ່າຈະບໍ່ ໄດ້ຮອດ 100% ແຕ່ມັນກໍເປັນ ນິມິດໝາຍໃໝ່ສຳລັບຂະແໜງການພາສີ ແລະ ອາກອນ. ຕາມ ເຮົາຄິດ, ຖ້າພວກເຮົາຫາກພ້ອມ ຈິດພ້ອມໃຈກັນໂດຍເຫັນຊາດ ແລະ ປະຊາຊົນເປັນທີ່ຕັ້ງແລ້ວ ປີ 2018 ພວກເຮົາຕ້ອງສົມ ຄວາມຄາດຫວັງຢ່າງແນ່ນອນ. ອີກປະການໜຶ່ງສາເຫດທີ່ເຮັດ ໃຫ້ ທິດກ່ຳ ຍົກໂປ້ໃຫ້ຂະ ແໜງ ການພາສີອາກອນນັ້ນ, ຖືວ່າ ທຸກໆຄົນພາຍໃນຊາດໂດຍສະ ເພາະບັນດາພະນັກງານ, ທະ ຫານ, ຕຳຫລວດທຸກເຫລົ່າ ທັບກໍອາໄສປາກທ້ອງນຳການ ເກັບພາສີອາກອນລາຍໄດ້ ແຫ່ງຊາດ. ເມື່ອໃດລັດພວກເຮົາ ມີລາຍຮັບຫລາຍຂຶ້ນພວກເຮົາ ກໍຈະພາກັນຮັ່ງມີ, ອີ່ມປາກອີ່ມ ທ້ອງ, ແຕ່ກົງກັນຂ້າມເມື່ອໃດ ຫາກເກັບລາຍຮັບບໍ່ໄດ້ຕາມ ຄາດ ຫວັງກໍເປັນອັນວ່າຂາດດູນ ຫລື ວ່າເປີະ. ເໝືອນດັ່ງສະພາບ ເຄີຍເປັນມາໃນຫ້າປີສິບປີຄືນ ຫລັງພຸ້ນ.

- Wave100S AD to Website 2020 0 - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ

ແນວໃດກໍຕາມ, ໃນປີ 2018 ນີ້ເປັນປີທີ່ພວກເຮົາ ເດີນ ມາເຄິ່ງທາງແລ້ວໃນການຈັດ ຕັ້ງປະຕິບັດມະຕິ 10 ຂອງພັກ, ແຜນພັດທະນາເສດຖະກິດ- ສັງຄົມ 5 ປີ ແຫ່ງລັດ ແລະ ທັງ ເປັນປີທ່ອງທ່ຽວລາວມັນຍິ່ງ ເຮັດໃຫ້ພວກເຮົາດຸດັນພ້ອມ ພາກັນເອົາໃຈໃສ່ຢ່າງເຖິງກົກ ເຖິງຮາກ, ໃນແຜນປີ 2018 ລັດ ຖະບານໄດ້ຕັ້ງເປົ້າໝາຍພັດທະນາເສດຖະກິດ-ສັງຄົມຂອງປະເທດໃຫ້ຂະຫຍາຍຕົວບໍ່ຫລຸດ 7% ສະເລ່ຍລາຍຮັບຕໍ່ຫົວຄົນ ໄດ້ 2.536 ໂດລາສະຫະລັດ. ສ່ວນໃນປີ 2017 ພວກເຮົາໄດ້ ພຽງ 6,8% ສະເລ່ຍລາຍຮັບ ຕໍ່ຫົວຄົນໄດ້ພຽງ 4.472 ໂດລາ ສະຫະລັດ. ສະເພາະໃນປີ 2018 ຍັງເປັນປີທີສາມແຫ່ງ ວາລະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຄັ້ງທີ 8 (2016-2020) ເປັນ ແຜນບຸກທະລຸ ແລະ ຖືເອົາວຽກ ງານຈຸດສຸມຂອງລັດຖະບານ ເປັນຕົວຕັ້ງເພື່ອສ້າງພື້ນຖານທີ່ ຈຳເປັນໃຫ້ແກ່ການກ້າວໄປສູ່ ການຫລຸດພົ້ນອອກຈາກສະ ຖານະພາບປະເທດດ້ອຍພັດ ທະນາໃນປີ 2020. ໂດຍສະ ເພາະການກະກຽມຄວາມ ພ້ອມ ໃນການປະເມີນກາງສະໄໝ ຂອງ ການຈັດຕັ້ງປະຕິບັດແຜນ 5 ປີ ຄັ້ງທີ 8 ກຽມລາຍງານ ຄວາມຄືບໜ້າໃນການຈັດຕັ້ງ ປະຕິບັດເປົ້າໝາຍການພັດທະ ນາແບບຍືນຍົງ (SDGs) ແລະ ການປະເມີນການບັນລຸ ເງື່ອນໄຂຫລຸດພົ້ນອອກຈາກສະຖານະພາບດ້ອຍພັດທະນາ ຮ່ວມກັບພາກສ່ວນກ່ຽວຂ້ອງ ຂອງອົງການສະຫະປະຊາຊາດໃນ ປີ 2018.

ເຖິງຢ່າງກໍດີ, ຕາມທິດກ່ຳ ວ່າປີ 2018 ຈະເປັນປີຫັນນ໊ອດ ຫັນກຽວເຂົ້າໃນການປະຕິບັດ ທຸກນິຕິກຳລຸ່ມກົດໝາຍທີ່ ລັດຖະບານວາງອອກ. ໂດຍ ສະເພາະນັບແຕ່ຄຳສັ່ງເລກທີ 15/ນຍ, ມາດຕະການປະຢັດ, ດຳລັດກ່ຽວກັບການພົ້ນທຸກ ແລະ ພັດທະນາ ແລະ ທັງຂໍ້ກຳ ນົດ ແລະ ດຳລັດອື່ນໆ ໃຫ້ປະກົດ ຜົນເປັນຈິງ. ແຕ່ອັນທີ່ແນ່ແທ້ ຄືການຈັດເກັບຖານລາຍຮັບ ໃນປີ 2018 ໃຫ້ໄດ້ຕາມຄາດ ໝາຍຫລາຍກວ່າເກົ່າ.

- lao thai immigration - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ
(ພາບປະກອບ)

ໂດຍ: ທິດກ່ຳ

- WhatsApp Image 2020 05 27 at 5 - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ
- WhatsApp Image 2020 05 27 at 5 - ປີໃໝ່ສ້າງຜົນງານໃໝ່ໃຫ້ໄດ້ຫລາຍກວ່າເກົ່າ
error: Alert: ເນື້ອຫາຂ່າວມີລິຂະສິດ !!