ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ

-                                                                          - ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ
- Untitled design - ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ

ນອກຈາກໂພຊະນາການທີ່ຄົບຖ້ວນເໝາະສົມຕາມໄວຂອງເດັກນ້ອຍແລ້ວ ປັດໄຈທີ່ມີຜົນໃຫ້ເຊວປະສາດສະໝອງເຕີບໂຕຢ່າງເຕັມທີ່ ເພີ່ມເຄືອຂ່າຍ ແລະ ຈຸດເຊື່ອມຕໍ່ຂອງເສັ້ນ​ໄຍປະສາດຄື: ກາຍະສໍາຜັດທັງ 5+1 ກໍຄື ຫູ, ຕາ, ດັງ, ລີ້ນ, ກາຍ ແລະ ໃຈ.

  1. ຫູ: ໝາຍເຖິງການກະຕຸ້ນປະສາດສໍາຜັດດ້ານການໄດ້ຍິນ ຊຶ່ງສາມາດເຮັດໄດ້ຕັ້ງແຕ່ເດັກນ້ອຍຢູ່ໃນທ້ອງແມ່ເຊັ່ນ: ການເປີດເພງຄ່ອຍໆ, ສຽງທໍາມະຊາດ, ສຽງການເຮັດກິດຈະກໍາປະຈໍາວັນ, ການລົມກັບລູກ ໃນເລື່ອງທີ່ຫຼາກຫຼາຍ ການຮ້ອງເພງໃຫ້ຟັງ, ການອ່ານໜັງສື ຫຼື ນິທານ ເປັນຕົ້ນ.
  2. ຕາ: ໝາຍເຖິງການກະຕຸ້ນປະສາດສໍາຜັດທາງການເບິ່ງເຫັນ ເດັກນ້ອຍເບິ່ງເຫັນຕັ້ງແຕ່ຢູ່ໃນທ້ອງ ແລະ ເມື່ອເກີດມາແລ້ວກະຕຸ້ນດ້ວຍການໃຊ້ສີສັນສົດໃສ ແລະ ຄວາມຫຼາກຫຼາຍຂອງອຸປະກອນເຄື່ອງໃຊ້ , ຂອງຫຼິ້ນ, ອາຫານ, ຜູ້ຄົນ ແລະ ສິ່ງແວດລ້ອມທີ່ເປັນທໍາມະຊາດ.
  3. ດັງ: ໝາຍເຖິງປະສາດສໍາຜັດຜ່ານກິ່ນ ການຝຶກໃຫ້ເດັກນ້ອຍໄດ້ສູບດົມກິ່ນທີ່ຫຼາກຫຼາຍຫອມລະມຸມ ຈະຊ່ວຍກະຕຸ້ນການເຕີບໂຕຂອງເຊວປະສາດສະໝອງດ້ານນີ້ໄດ້.
  4. ລິ້ນ: ໝາຍເຖິງປະສາດສໍາຜັດການຊິມລົດຊາດຕ່າງໆທັງ ສົ້ມ, ຫວານ, ມັນ, ເຜັດ, ເຄັມ ໂດຍເພີ່ມຂຶ້ນເທື່ອລະໜ້ອຍຕາມອາຍຸຂອງເດັກ.
  5. ກາຍ: ໝາຍເຖິງປະສາດສໍາຜັດທາງກາຍຕັ້ງແຕ່ຫົວຮອດຕີນ ເປີດໂອກາດໃຫ້ລູກທົດລອງ ແລະ ຮຽນຮູ້ທຸກຢ່າງຮອບຕົວ ບໍ່ວ່າຈະເປັນ ນໍ້າ, ດິນ, ຊາຍ, ຂີ້ຕົມ, ກ້ອນຫີນ, ຕົ້ນໄມ້ ແລະ ອາຫານເປັນຕົ້ນ.
  6. ໃຈ: ໝາຍເຖິງຄວາມອົບອຸ່ນ ການເບິ່ງແຍງເອົາໃຈໃສ່ຢ່າງໃກ້ຊິດ ຈະເຮັດໃຫ້ເດັກນ້ອຍຮູ້ສຶກອົບອຸ່ນປອດໄພ ແລະ ມີຄວາມໝັ້ນຄົງທາງຈິດໃຈ ແລະ ຄວາມຮູ້ນຶກ ຊຶ່ງຈະຖືກສະສົມບົ່ມເພາະເປັນພື້ນຖານນິໄສ ແລະ ບຸກຄະລິກກະພາບຂອງເດັກຕາມມາ.

ແລະ ນີ້ກໍເປັນເປັນໃຈຫຼັກທີ່ເຮັດໃຫ້ເດັກນ້ອຍແຕ່ລະຄົນເຕີບໂຕມາເປັນຜູ້ໃຫຍ່ທີ່ມີຄວາມຄິດຄວາມສະຫຼາດ ລວມເຖິງອຸປະນິໄສບໍ່ຄືກັນນັ້ນເອງ.

- Wave100S AD to Website 2020 0 - ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ

 

- WhatsApp Image 2020 05 27 at 5 - ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ
- WhatsApp Image 2020 05 27 at 5 - ປັດໄຈຕໍ່ການເຕີບໂຕຂອງເຊວປະສາດສະໝອງເດັກນ້ອຍ
error: Alert: ເນື້ອຫາຂ່າວມີລິຂະສິດ !!