ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ

- vietnam - ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ
- Untitled design - ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ

ແຫລ່ງຂ່າວ ຂປລ ໃຫ້ຮູ້ວ່າ: ເນື່ອງໃນໂອກາດສະເຫລີມສະຫລອງ 55 ປີ ວັນສ້າງຕັ້ງສາຍພົວພັນການທູດ (5 ກັນຍາ 1962-5 ກັນຍາ 2017) ແລະ 40 ປີວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມຄົບຮອບ 40 ປີ (18 ກໍລະກົດ 1977-18 ກໍລະກົດ 2017), ແລງວັນທີ 5 ມັງກອນນີ້, ຢູ່ສຳນັກງານໃຫຍ່ຂ່າວສານຫວຽດນາມນະຄອນຫລວງຮ່າໂນ້ຍ, ສາມະຄົມມິດຕະພາບຫວຽດນາມ-ລາວໄດ້ສົມທົບກັບສຳນັກຂ່າວສານຫວຽດນາມ ຈັດພິທີເປີດສາຂາສະມາຄົມມິດຕະພາບລາວ-ຫວຽດນາມຂອງຂ່າວສານຫວຽດນາມຂຶ້ນຢ່າງເປັນທາງການ, ໂດຍການເຂົ້າຮ່ວມຂອງສະຫາຍ ເຈິ່ນວັນຕຸຍ ປະທານສະມາຄົມມິດຕະພາບຫວຽດນາມ-ລາວ, ສະຫາຍ ຫງວຽນດຶກເລີ້ຍ ຜູ້ອຳນວຍການໃຫຍ່ສຳນັກຂ່າວສານຫວຽດນາມ, ສະຫາຍ ດວງມະນີ ສີວິໄຊ ຮອງທີ່ປຶກສາຝ່າຍປ້ອງກັນຊາດປະຈຳສະຖານທູດລາວ, ພ້ອມດ້ວຍອະດີດພະນັກງານຂ່າວສານຫວຽດນາມທີ່ເຄີຍຊ່ວຍເຫລືອສຳນັກຂ່າວສານປະເທດລາວ ເຂົ້າຮ່ວມຢ່າງພ້ອມພຽງ.
ໃນວັນທີ 28 ກັນຍາ 2017 ປະທານສະມາຄົມມິດຕະພາບຫວຽດນາມ-ລາວ ໄດ້ລົງນາມສ້າງຕັ້ງສະມາຄົມມິດຕະພາບຫວຽດນາມ-ລາວ ສາຂາຂ່າວສານຫວຽດນາມຂຶ້ນຢ່າງເປັນທາງການ, ສະຫາຍ ເຈິ່ນວັນຕຸຍ໋ ປະທານສະມາຄົມ ມິດຕະພາບຫວຽດນາມ-ລາວ ກ່າວວ່າ: ການເປີດສາຂາສະມາຄົມມິດຕະພາບຫວຽດນາມ-ລາວຂອງສຳນັກຂ່າວສານຫວຽດນາມ ແມ່ນເຫດການທີ່ສຳຄັນ ແລະ ມີຄວາມໝາຍ, ເພື່ອປະກອບສ່ວນສຳຄັນເຂົ້າໃນການເພີ່ມພູນຄູນສ້າງຄວາມສາມັກຄີແບບພິເສດ, ການຮ່ວມມືຮອບດ້ານຫວຽດນາມ-ລາວ ເຂົ້າໃນການສຶກສາອົບຮົມຄົນຮຸ້ນໜຸ່ມຂອງສອງປະເທດໄດ້ຮັບຮູ້ຢ່າງເລິກເຊິ່ງກ່ຽວກັບຄວາມສາມັກຄີພິເສດລາວ-ຫວຽດນາມ.
ສະຫາຍ ດິງດັງກວາງ ຮອງອຳນວຍການໃຫຍ່ສຳນັກຂ່າວສານຫວຽດນາມ, ຫົວໜ້າສະມາຄົມມິດຕະພາບຫວຽດນາມ-ລາວສາຂາຂ່າວສານຫວຽດນາມ ກ່າວວ່າ: ຄວາມສຳພັນລະຫວ່າງສຳນັກຂ່າວສານຫວຽດນາມກັບສຳນັກຂ່າວສານປະເທດລາວຕະຫລອດໄລຍະ 50 ປີຜ່ານມາ, ແມ່ນໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ, ໄດ້ພ້ອມກັນຜ່ານຜ່າຄວາມຫຍຸ້ງຍາກນາໆປະການນັບແຕ່ໄລຍະສະໄໝສົງຄາມຈົນມາຮອດປັດຈຸບັນ, ເຖິງວ່າປະເທດຊາດໄດ້ຮັບການປົດປ່ອຍແລ້ວ, ແຕ່ສຳນັກຂ່າວສານຫວຽດນາມ ກໍໄດ້ສືບຕໍ່ໃຫ້ການຊ່ວຍເຫລືອສຳນັກຂ່າວສານປະເທດລາວຢ່າງມີປະສິດທິຜົນ, ໄດ້ກາຍເປັນມູນມໍລະດົກອັນລ້ຳຄ່າ ລະຫວ່າງສອງສຳນັກສືບທອດຕໍ່ໄປໃນອະນາຄົດ ແລະ ຈະຕ້ອງໄດ້ພ້ອມກັນຖະໜຸຖະໜອມໃຫ້ຈະເລີນງອກງາມຍິ່ງຂຶ້ນ.

- WhatsApp Image 2020 05 27 at 5 - ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ
- WhatsApp Image 2020 05 27 at 5 - ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ
- Wave100S AD to Website 2020 0 - ຂ່າວສານຫວຽດນາມເປີດສາຂາສາມະຄົມມິດຕະພາບລາວ-ຫວຽດນາມ
error: Alert: ເນື້ອຫາຂ່າວມີລິຂະສິດ !!