ສັບພະຄຸນຂອງຄລໍໂຣຟິວຕໍ່ສຸຂະພາບ

ສັບພະຄຸນຂອງຄລໍໂຣຟິວຕໍ່ສຸຂະພາບ - 032501 2018 - ສັບພະຄຸນຂອງຄລໍໂຣຟິວຕໍ່ສຸຂະພາບ
ສັບພະຄຸນຂອງຄລໍໂຣຟິວຕໍ່ສຸຂະພາບ - Untitled design - ສັບພະຄຸນຂອງຄລໍໂຣຟິວຕໍ່ສຸຂະພາບ

ສັບພະຄຸນຂອງຄລໍໂຣຟິວຕໍ່ສຸຂະພາບ - 022501 2018 1024x512 - ສັບພະຄຸນຂອງຄລໍໂຣຟິວຕໍ່ສຸຂະພາບ

ຄລໍໂຣຟິວເປັນສານສີຂຽວ ທີ່ພົບໄດ້ໃນພືດຜັກທົ່ວໄປ ແລະ ໃນສາຫລ່າຍສີຂຽວ (Cholorella) ສານຄລໍໂຣຟິວໃນທຳມະ ຊາດຈະຢູ່ໃນຮູບແບບຂອງຄລໍໂຣຟິວທີ່ລະລາຍໃນນຳ້ມັນ. ສ່ວນຄລໍໂຣຟິວທີ່ເອົາມາເຮັດເປັນຜະລິດຕະພັນເສີມອາຫານ ຈະເປັນສານສັງເຄາະທີ່ມີຊ່ືວ່າ : ໂຊດຽມຄັອບເປີຄລໍໂຣຟິລລີນ (Sodium copper chlorophyllin) ເຊິ່ງເປັນການດັດແປງໂຄງສ້າງຄລໍໂຣຟິວຕາມທຳມະຊາດ ເຮັດໃຫ້ໄດ້ສານຄລໍໂຣຟິວທ່ີຍັງຄົງມີສີຂຽວຢູ່ ແຕ່ມີຄວາມຄົງໂຕ ແລະ ສາມາດລະລາຍນຳ້ໄດ້ດີ ສາມາດເອົາມາປະສົມໃນອາຫານ ແລະ ເຄື່ອງດື່ມໄດ້. ການສຶກສາລິດທາງຢາວິທະຍາພົບວ່າ : ຄລໍໂຣຟິວ, ຢາ ແລະ ຜະລິດຕະພັນເສີມອາຫານທີ່ມີສ່ວນປະສົມຂອງຄລໍໂຣຟິວ ມີລິດຂັດຂວາງຊີ້ນປົ່ງຢູ່ເຕົ້ານົມ, ຊ່ວຍຫລຸດຄວາມສ່ຽງຂອງມະເຮັງຕັບ ຊ່ວຍເພີ່ມຈຳນວນ ແລະ ປະສິດທິພາບການເຮັດວຽກຂອງເມັດເລືອດຂາວ, ຊ່ວຍຫລຸດກິ່ນໂຕ, ກິ່ນຂອງອາຈົມ ແລະ ກິ່ນຂອງນຳ້ຍ່ຽວ, ຊ່ວຍໃຫ້ຮອຍບາດແຜບໍລິເວນຜິວໜັງ ເຊິ່ງເກີດຈາກການສາຍແສງເພື່ອປິ່ນປົວພະຍາດມະເຮັງເຊົາໄວຂຶ້ນ ແລະ ຊ່ວຍໄລ່ ສານພິດ. ແນວໃດກໍຕາມ, ການໄດ້ຮັບຄລໍໂຣຟິວຫລາຍເກີນໄປ ອາດເກີດການສະສົມ ແລະ ມີຜົນຮ້າຍຕໍ່ຕັບ ແລະ ໝາກໄຂ່ຫລັງ.

ສຳລັບຂໍ້ມູນດ້ານຄວາມປອດໄພ ມີຂໍ້ກຳນົດດັ່ງນີ້ :

– ຂໍ້ຫ້າມໃຊ້ : ຫ້າມໃຊ້ໃນຜູ້ທີ່ມີອາການແພ້ ຫລື ໄວຕໍ່ສິ່ງກະຕຸ້ນທີ່ມີຄລໍໂຣຟິວລິນເປັນສ່ວນປະກອບ.

– ຂໍ້ຄວນລະວັງ : ການກິນຄລໍໂຣຟິວ ແລະ ຄລໍໂຣຟິລລີນເສີມນັ້ນ ຄວນຫລີກເວັ້ນການໃຊ້ໃນແມ່ຍິງຖືພາ ແລະ ແມ່ລູກອ່ອນທີ່ໃຫ້ລູກກິນນົມ.

ສັບພະຄຸນຂອງຄລໍໂຣຟິວຕໍ່ສຸຂະພາບ - Wave100S AD to Website 2020 0 - ສັບພະຄຸນຂອງຄລໍໂຣຟິວຕໍ່ສຸຂະພາບ

– ຜົນຂ້າງຄຽງ : ການກິນຄລໍໂຣຟິວ ແລະ ຄລໍໂຣຟິວລິນເສີມ ອາດເຮັດໃຫ້ນຳ້ຍ່ຽວ ແລະ ອາຈົມມີສີຂຽວ, ລີ້ນປ່ຽນເປັນສີເຫລືອງ ຫລື ສີນຳ້ຕານ ອາດເຮັດໃຫ້ເກີດອາການຖອກທ້ອງ. ນອກຈາກນີ້,  ຍັງພົບລາຍງານການແພ້ສານຄລໍໂຣຟິວລິນ ໂດຍອາດພົບຜື່ນແພ້ຂຶ້ນຕາມໂຕ, ມີອາການວິນຫົວ, ເຫື່ອອອກຫລາຍ ແລະ ຄວາມດັນເລືອດຫລຸດລົງໄວ.

– ຂະໜາດທີ່ໃຊ້ : ໂດຍທົ່ວໄປຂະໜາດທີ່ນິຍົມໃຊ້ເປັນຜະລິດຕະພັນເສີມອາຫານແມ່ນ 100 ມິນລີກຣາມຕໍ່ມື້. ໃນອາເມລິກາກຳນົດຄວາມປອດໄພຂອງສານຄລໍໂຣຟິວລິນໃນຜະລິດຕະພັນເສີມອາຫານ ຫລື ໃຊ້ເປັນສີປະສົມອາຫານໄດ້ບໍ່ເກີນ 300 ມິນລີກຣາມຕໍ່ມື້ສຳລັບຜູ້ໃຫຍ່ ແລະ ເດັກນ້ອຍອາຍຸ 2 ປີຂຶ້ນໄປ ສາມາດກິນຄລໍໂຣຟິວໄດ້ໃນຂະໜາດ 90 ມິນລີກຣາມຕໍ່ມື້.

ຈາກຂໍ້ມູນວຽກງານວິໄຈທີ່ກ່ຽວກັບຄລໍໂຣຟິວ ແລະ ຄລໍໂຣຟິວລີນ ຈະເຫັນໄດ້ວ່າຄລໍໂຣຟິວມີປະໂຫຍດພໍສົມຄວນ, ແຕ່ໃນການບໍລິໂພກນັ້ນຕ້ອງຄຳນຶງເຖິງປັດໄຈຫລາຍໆຢ່າງ ເຊັ່ນ : ຄວາມປອດໄພ, ຄວາມຈຳເປັນທີ່ຕ້ອງໃຊ້, ຄຸນນະພາບ ແລະ ລາຄາ ເປັນຕົ້ນ ເຊິ່ງຫາກສາມາດບໍລິໂພກຜັກໃບຂຽວໄດ້ ກໍບໍ່ຈຳເປັນຕ້ອງບໍລິໂພກຄລໍໂຣຟິວທີ່ເປັນສານສັງເຄາະ,​ ແຕ່ຖ້າມີຄວາມຈຳ ເປັນຕ້ອງໃຊ້ຄວນໃຊ້ໃນຂະໜາດທີ່ເໝາະສົມ ແລະ ສັງເກດຄວາມຜິດປົກກະຕິທີ່ອາດເກີດຂຶ້ນ ເພື່ອສຸຂະພາບຂອງທ່ານເອງ.

ສັບພະຄຸນຂອງຄລໍໂຣຟິວຕໍ່ສຸຂະພາບ - WhatsApp Image 2020 05 27 at 5 - ສັບພະຄຸນຂອງຄລໍໂຣຟິວຕໍ່ສຸຂະພາບ
ສັບພະຄຸນຂອງຄລໍໂຣຟິວຕໍ່ສຸຂະພາບ - WhatsApp Image 2020 05 27 at 5 - ສັບພະຄຸນຂອງຄລໍໂຣຟິວຕໍ່ສຸຂະພາບ
error: Alert: ເນື້ອຫາຂ່າວມີລິຂະສິດ !!