ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານ

- Untitled design - ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານ

- agriculture 300x200 - ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານທ້າຍອາທິດທີ່ຜ່ານມານີ້, ກົມຈັດຕັ້ງ ແລະ ພະນັກງານ, ກະຊວງກະສິກຳ ແລະ ປ່າໄມ້ໄດ້ຈັດກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານໃນທົ່ວຂະແໜງການຂອງຕົນປະຈຳປີ 2016,  ຂຶ້ນທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງທ່ານ ລຽນ ທິແກ້ວ ລັດຖະມົນຕີກະຊວງດັ່ງກ່າວ ແລະ ມີພະນັກງານຫຼັກແຫຼ່ງທົ່ວຂະແໜງການເຂ້າຮ່ວມເປັນຈຳນວນຫຼາຍ.

ທ່ານ ລັດຖະມົນຕີກ່າວຕໍ່ກອງປະຊຸມວ່າ: ເພື່ອເປັນການສະຫຼຸບຖອດຖອນບົດຮຽນວຽກງານຈັດຕັ້ງ,ກໍ່ສ້າງພັກ ແລະ ພະນັກງານ ແລະ ທັງເປັນການຜັນຂະຫຍາຍເນື້ອໃນກອງປະຊຸມວຽກງານຈັດຕັ້ງທົ່ວປະເທດຄັ້ງທີ X ເມື່ອເດືອນສິງຫາ 2016 ຜ່ານມາ, ໂດຍສະເພາະແມ່ນບົດໂອ້ລົມຂອງສະຫາຍເລຂາທິການໃຫຍ່ຄະນະບໍລິຫານສູນກາງພັກປະຊາຊົນປະຕິວັດລາວຕໍ່ກອງປະຊຸມດັ່ງກ່າວ ແລະ ດຳລັດຂອງນາຍົກລັດຖະມົນຕີວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງກະສິກຳ ແລະ ປ່າໄມ້ ແລະ ຄຳແນະນຳຂອງກະຊວງພາຍໃນກ່ຽວກັບວຽກງານຄຸ້ມຄອງພະນັກງານ-ລັດຖະກອນທີ່ມອບໃຫ້ກະຊວງ, ອົງການທຽບເທົ່າ ແລະ ທ້ອງຖິ່ນຮັບຜິດຊອບແກ້ໄຂໂດຍກົງ, ເພື່ອເປັນບ່ອນອີງໃນການຊີ້ນຳນຳພາ ແລະ ຈັດຕັ້ງປະຕິບັດວຽກງານກໍ່ສ້າງພັກ – ພະນັກງານກະຊວງກະສິກຳ ແລະ ປ່າໄມ້ໃຫ້ແທດເໝາະຕົວຈິງ ແລະ ຖືກທິດ, ພ້ອມທັງມີບາດກ້າວຫັນປ່ຽນໃໝ່ຢ່າງຕັ້ງໜ້າ.

ທ່ານ ລັດຖະມົນຕີກ່າວວ່າ: ກອງປະຊຸມຄັ້ງນີ້ແມ່ນມີຄວາມໝາຍສຳຄັນຫຼາຍເພາະມັນຕິດພັນໂດຍກົງກັບການປະຕິບັດໜ້າທີ່ການເມືອງໃນເງື່ອນໄຂຂອງຂະແໜງການພວກເຮົາ, ໂດຍສະເພາະແມ່ນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະແຜນພັດທະນາເສດຖະກິດ-ສັງຄົມ 5 ປີ, ຄັ້ງທີ VIII , ກໍຄືແຜນພັດທະນາກະສິກຳ – ປ່າໄມ້ ແລະ ພັດທະນາຊົນນະບົດໄລຍະທີ VIII ( 2016-2020 ) ໃຫ້ເປັນຂະບວນຟົດຟື້ນ, ພ້ອມທັງແຜນຍຸດທະສາດການພັດທະນາກະສະກຳ-ປ່າໄມ້ຮອດປີ 2025  ແລະ ວິໄສທັດຮອດປີ 2030 ໃຫ້ປາກົດຜົນເປັນຈິງ.

- Wave100S AD to Website 2020 0 - ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານ
- WhatsApp Image 2020 05 27 at 5 - ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານ
- WhatsApp Image 2020 05 27 at 5 - ກະສິກຳ ແລະ ປ່າໄມ້ຖືສຳຄັນວຽກງານກໍ່ສ້າງພັກ-ພະນັກງານ
error: Alert: ເນື້ອຫາຂ່າວມີລິຂະສິດ !!