ແຂວງສະຫວັນນະເຂດ ແລະ ຈຳປາສັກປັບປຸງກົງຈັກການຈັດຕັ້ງຂະແໜງການເງິນ

ໃນຜ່ານມານີ້, ແຂວງສະ ຫວັນນະເຂດ ແລະ ແຂວງຈໍາ ປາສັກ ໄດ້ປັບປຸງກົງຈັກການ ຈັດຕັ້ງຫລາຍຂະແໜງການ ໃນຂົງເຂດການເງິນເຊັ່ນ: ຂະ ແໜງສ່ວຍສາອາກອນປະຈຳ ແຂວງ, ຄັງເງິນແຫ່ງຊາດປະ ຈຳແຂວງ, ພະແນກການເງິນ ແຂວງ ແລະ ປະຕິບັດນະໂຍ ບາຍໃຫ້ພະນັກງານ-ລັດຖະ ກອນຮັບອຸດໜູນບຳນານ ແລະ ອື່ນໆ, ເຊິ່ງສຳລັບການ ປັບປຸງກົງຈັກການຈັດຕັ້ງ ຂອງ ແຂວງ ສະຫວັນນະເຂດ ໄດ້ຈັດຂຶ້ນໃນວັນທີ 31 ມັງ ກອນ ຜ່ານມາມີຄື: ອະນຸມັດໃຫ້ ທ່ານ ພົງສະຫວັນ ພົມມະວົງ ຫົວໜ້າສ່ວຍສາອາກອນປະ ຈຳແຂວງສະຫວັນນະເຂດ ຮັບອຸດໜູນບຳນານ, ຍົກຍ້າຍ ແລະ ແຕ່ງຕັ້ງທ່ານ ເພັດດາ ລາ ແກ້ວສາລີ ຮອງຫົວໜ້າ ພະແນກການເງິນແຂວງຂຶ້ນ ເປັນຫົວໜ້າສ່ວຍສາອາກອນ ປະຈຳ ແຂວງສະຫວັນນະ ເຂດ, ຍົກຍ້າຍ ແລະ ແຕ່ງຕັ້ງ ທ່ານ ນາງ ບົວສະຫວັນ ຫລຸຍ ບົວທອງ ຫົວໜ້າຄັງເງິນແຫ່ງ ຊາດປະຈຳແຂວງສະຫວັນ ນະເຂດ ເປັນຮອງຫົວໜ້າພະ ແນກການເງິນແຂວງສະຫວັນ ນະເຂດ,ຍົກຍ້າຍ ແລະ ແຕ່ງຕັ້ງ ທ່ານ ຄຳກອງ ພິມມະໂນສັກ ຮອງຫົວໜ້າພະແນກການ ເງິນມາ ເປັນຫົວໜ້າຄັງເງິນ ແຫ່ງຊາດປະຈຳແຂວງສະ ຫວັນນະເຂດ.

+ ປີນີ້ພະແນກສາທາລະນະສຸກແຂວງເຊກອງ ເລັ່ງປັບປຸງຄຸນນະພາບການບໍລິການດີຂຶ້ນ

+ ເຜີຍແຜ່ເອກະສານການຈັດຕັ້ງ ແລະ ການເຄື່ອນໄຫວ ຂອງຂະແໜງການເງິນໃຫ້ 4 ແຂວງພາກເໜືອ

ສ່ວນການປັບປຸງກົງຈັກການຈັດຕັ້ງຂອງແຂວງຈໍາ ປາສັກໃນຂົງເຂດການເງິນ ແຂວງຈຳປາສັກ ໄດ້ຈັດຂຶ້ນ ໃນວັນທີ 2 ກຸມພາ ຜ່ານມາ, ໄດ້ ອະນຸມັດໃຫ້ ທ່ານ ສໍາລີ ວົງ ພະຈັນ ຫົວໜ້າສ່ວຍສາອາ ກອນປະຈຳແຂວງຈຳປາສັກ ຮັບອຸດໜູນບຳນານ ແລະ ແຕ່ງຕັ້ງ ທ່ານ ສຸກສະໄໝ ແກ້ວ ອ່ອນສີ ຮອງຫົວໜ້າສ່ວຍສາ ອາກອນເປັນຮັກສາການຊົ່ວ ຄາວຫົວໜ້າສ່ວຍສາອາກອນປະຈຳແຂວງຈຳປາສັກ.

ການປັບປຸງກົງຈັກການຈັດຕັ້ງຂອງຂະແໜງການເງິນໃນແຂວງດັ່ງກ່າວ, ແມ່ນອີງ ຕາມກົດໝາຍວ່າດ້ວຍພະນັກ ງານ-ລັດຖະກອນ, ອີງຕາມ ການຄົ້ນຄວ້າເຫັນດີເປັນ ເອກະ ພາບຂອງກອງປະຊຸມຄະນະ ປະຈຳພັກກະຊວງການເງິນ ແລະ ອີງໃສ່ຄວາມຮຽກຮ້ອງ ຕ້ອງຂອງວຽກງານຂະແໜງການເງິນໃນແຕ່ລະໄລຍະ ເນື່ອງຈາກວ່າວຽກງານຂະ ແໜງການເງິນເປັນວຽກສຳ ຄັນໃນລະບົບພັດທະນາເສດ ຖະກິດ-ສັງຄົມຂອງປະເທດ ໂດຍສະເພາະແມ່ນແນໃສ່ ເຮັດ ການຈັດເກັບລາຍຮັບເຂົ້າ ງົບປະມານແຫ່ງລັດ ປະຈຳປີ 2018 ບັນລຸຕາມແຜນການ ວາງໄວ້./.