ຊີຣີໃຊ້ປະຕິບັດການທາງອາກາດ ເພື່ອຕອບໂຕ້ການຮຸກຮານຂອງ ອິດສະລາແອນ
ສຳນັກຂ່າວຊານາຂອງທາງການຊີຣີລາຍງານໃນວັນທີ 10 ກຸມພາວ່າ: ກອງກຳລັງປ້ອງກັນໄພທາງອາກາດຂອງຊີຣີໄດ້ຕອບໂຕ້ການຮຸກຮານເທື່ອໃໝ່ຂອງອິດສະລາແອນ. ແຫລ່ງຂ່າວທາງທະຫານລາຍງານວ່າ: ກອງກຳລັງຊີຣີໄດ້ສະກັດການໂຈມຕີຖານທີ່ໝັ້ນທາງທະຫານທາງໃຕ້ຂອງປະເທດໄວ້ໄດ້.
ກ່ອນໜ້ານີ້ ກອງທັບອິດສະລາແອນຖະແຫລງວ່າ: ເຮືອບິນ ເອັຟ-16 ຂອງອິດສະລາແອນຕົກທາງພາກເໜືອຂອງປະເທດລະຫວ່າງພາລະກິດໂຈມຕີສູນບັນຊາການໂດຣນຂອງອີຣານທີ່ມາກໍ່ເຫດໃນດິນຂອງອິດສະລາແອນ ເຮັດໃຫ້ອິດສະລາແອນຕ້ອງຕອບໂຕ້ໄປໃນເມືອງທາງຕາເວັນຕົກຂອງຊີຣີ ໂດຍໜຶ່ງໃນການໂຈມຕີໄປຖືກຖານທີ່ໝັ້ນ ເຊິ່ງເປັນຂອງລັດຖະບານຊີຣີ ແລະ ພັນທະມິດທາງພາກກາງຂອງປະເທດ ແລະ ຢູ່ເມືອງຮອມ, ສ່ວນການໂຈມຕີຄັ້ງອື່ນໆໄປຖືກພື້ນທີ່ທາງຕາເວັນຕົກສຽງໃຕ້ຂອງນະຄອນຫລວງດາມັດກັດໃນຊີຣີ.
