iPad ຮຸ່ນໃຫມ່ອາດມາພ້ອມ FaceID ແລະ Animoji ຈະໃຊ້ໄດ້ຂະນະ FaceTime

ໜຶ່ງໃນຟີເຈີທີ່ Apple ເປີດຕົວ iPhone X ​ໃນປີ 2017 ນັ້ນຄື “Animoji” ການສ້າງ ແລະ ແຊຕົວລະຄອນແອນິເມຊັ່ນທີ່ກໍານົດເອງໄດ້ຜ່ານທາງ iMessage ທີ່ເກີດຈາກກ້ອງ iMessage ທີ່ສາມາດວິເຄາະການສະແດງອອກທາງສີໜ້າ, ທ່າທາງ ຈົນນໍາໄປສູ່ການຕິດຕາມການເຄື່ອນໄຫວຂອງໃບໜ້າໄດ້ແບບຫລ່ຽນໄຫຼ.

          ດ້ວຍຄວາມທັນສະໄໝ ແລະ ເປັນລູກຫຼິ້ນທີ່ສ້າງຄວາມມ່ວນຊື່ນໃຫ້ກັບຜູ້ໃຊ້ ສໍານັກຂ່າວ iMessage ຈຶ່ງຄາດການວ່າ Apple ຈະຂະຫຍາຍຟີເຈີ Animoji ໄປຍັງ iPad ຮຸ່ນໃຫມ່ເຊັ່ນກັນ ນັ້ນແປວ່າກ້ອງ TrueDepth ຈະຖືກນໍາມາຕິດຕັ້ງຄືກັບ iPhone X ແລະ ອາດເປັນຄັ້ງທໍາອິດທີ່ iPad ມີລະບົບສະແກນໃບໜ້າ ຫຼື Face ID.

ນອກຈາກ Animoji ໃນ iPad ແລ້ວ ຍັງມີຄວາມເປັນໄປໄດ້ທີ່ Apple ຈະຂະຫຍາຍຮູບແບບການໃຊ້ງານຂອງຟີເຈີທີ່ວ່ານີ້ ໄປຍັງລະບົບ FaceTime ຫຼື ການສົນທະນາແບບເຫັນໜ້າລະຫວ່າງຜູ້ໃຊ້ອຸປະກອນ iOS ດ້ວຍກັນ ຊຶ່ງຄາດການວ່າຟີເຈີໃຫມ່ດັ່ງກ່າວຈະ​ເປັນສ່ວນໜຶ່ງຂອງ iOS ຮຸ່ນໃຫມ່ ຫຼື iOS 12 ພາຍໃຕ້ໂຄ້ດ​​ເນມ  “Peace”

Bloomberg ຍັງເພີ່ມເຕີມຂໍ້ມູນອີກວ່າ ສໍາລັບ iOS ຮຸ່ນໃຫມ່ ການຣີດີໄຊນ໌ໜ້າ home screen ສໍາລັບ iPhone, iPad ແລະ CarPlay ຈະຍັງບໍ່ເກີດຂຶ້ນໃນປີນີ້ ແລະ ຜູ້ໃຊ້ iPad ອາດຕ້ອງລໍຖ້າຈົນກວ່າຈະເຖິງປີ 2019 ສໍາລັບການອັບເດດຊັອຟແວຣ໌ໂດຍສະເພາະ ແລະ ຄາດວ່າ iOS ຮຸ່ນໃຫມ່ໃນປີນີ້ຈະເນັ້ນໄປທີ່ການພັດທະນາ ເພື່ອຫຼຸດຂໍ້ຜິດພາດ ແລະ ສ້າງຄວາມສະຖຽນແກ່ການໃຊ້ງານໃຫ້ຫຼາຍທີ່ສຸດເປັນສໍາຄັນ.