ການລັກລອບຂາຍສັດປ່າເຫັນມີແຜ່ຫລາຍ

ການລັກລອບຂາຍສັດປ່າເຫັນມີແຜ່ຫລາຍ - Untitled design - ການລັກລອບຂາຍສັດປ່າເຫັນມີແຜ່ຫລາຍ

    ໂດຍ: ກ້ອງສ່ອງ ອິດສະຫລະ

ເວົ້າເລື່ອງການໄປຕາມລ່າຂ້າສັດປ່າເພື່ອເອົາມາເປັນອາ ຫານ ແລະ ເອົາມາຂາຍຍັງຄົງ ເຫັນບາງບ່ອນໃນຕະຫລາດ ບ້ານເຮົາ; ໂດຍສະເພາະແມ່ນ ຕາມຕະຫລາດແຖວຊົນນະບົດ ຫລື ເຂດຫ່າງໄກສອກຫລີກ. ຕໍ່ບັນຫາດັ່ງກ່າວ, ເຖິງວ່າທາງ ລັດຖະບານ ແລະ ອົງການກ່ຽວ ຂ້ອງນັບທັງອົງການຈັດຕັ້ງສາ ກົນໄດ້ຮ່ວມກັນອອກບົດຫ້າມ ຫລື ມີແຜນອານຸລັກຮັກສາ, ມີ ການໂຄສະນາດ້ວຍຮູບການ, ວິທີການທີ່ຫລາກຫລາຍ, ແຕ່ ກໍຍັງມີປະຊາຊົນໃນບາງທ້ອງ ຖິ່ນ ພາກັນໄປຕາມລ່າຂ້າສັດປ່າ ເອົາມາກິນ ຫລື ເອົາມາຂາຍ, ເວົ້າໄດ້ວ່າກາຍເປັນຊຳເຮື້ອ ແລະ ເປັນປົກກະຕິຕະຫລອດມາ. ເທົ່າ ທີ່ເຄີຍເຫັນໃນໄລຍະຜ່ານມາ, ເມື່ອໃດເຈົ້າໜ້າ ທີ່ເຮົາມີການ ກວດກາເຂັ້ມງວດກວດຂັນແດ່ ພວກແມ່ຄ້າຫົວໃສເຂົາກໍພາກັນ ເອົາສັດປ່າໄປ ເຊື່ອງໄວ້ໃນຕູ້ ແຊ່ ຫລື ໃນສະຖານທີ່ລີ້ລັບ. ເມື່ອໃດ ມີລູກຄ້າຂາປະຈຳ ຫລື ມີຄົນ ມາຫາເລາະຊື້ເຂົາ ຈຶ່ງເອົາອອກ ມາຂາຍໃຫ້, ສະພາບດຽວນີ້ ຢູ່ຕາມຕະຫລາດແຖວຊົນນະ ບົດແມ່ນພາກັນຊື້ຂາຍສັດປ່າ ແບບຊະຊາຍໂກ້ໆ, ໂດຍບໍ່ເກັງ ກົວຕໍ່ກົດຫ້າມ ຫລື ຕໍ່ກົດໝາຍ ບ້ານ ເມືອງຫວ່າງເດືອນມັງ ກອນຜ່ານມາ, ເຮົາກໍເຫັນ ທາງ ການ ແຂວງອັດຕະປືໄດ້ຈູດ ເຜົາທຳລາຍປະເພດອາວຸດລ່າ ເນື້ອທີ່ໄດ້ຢຶດມາຈາກບຸກຄົນ ແລະ ປະຊາຊົນຈຳນວນຫລາຍ, ນອກຈາກແຂວງອັດຕະປືເຮັດ ແບບນີ້ໄປແລ້ວ, ບັນດາເມືອງ ອື່ນ, ແຂວງອື່ນໃນທົ່ວປະເທດ ກໍ ໄດ້ເຮັດເໝືອນກັນ.

 

ການລັກລອບຂາຍສັດປ່າເຫັນມີແຜ່ຫລາຍ - 24172751 1756642557733518 4484596882364067438 o - ການລັກລອບຂາຍສັດປ່າເຫັນມີແຜ່ຫລາຍ
(ພາບປະກອບ)

 

+ ການລັກລອບຕັດໄມ້ ແລະ ຊື້-ຂາຍສັດນໍ້າ-ສັດປ່າປະເພດຫ່ວງຫ້າມຍັງພົບເຫັນຫຼາຍ

ການລັກລອບຂາຍສັດປ່າເຫັນມີແຜ່ຫລາຍ - Wave100S AD to Website 2020 0 - ການລັກລອບຂາຍສັດປ່າເຫັນມີແຜ່ຫລາຍ

+ ເຈົ້າໜ້າທີ່ດ່ານສາກົນປາກຊັນທຳລາຍເຄື່ອງໃນໄກ່ລັກລອບນຳເຂົ້າຈຳນວນຫລາຍ

ຕາມເຮົາຄິດ, ການໄປລ່າ ສັດປ່າເປັນອາຈີນມັນກໍເນື່ອງ ມາຈາກຫລາຍສາເຫດ ແລະ ຫລາຍປັດໄຈເປັນຕົ້ນຄືອັນທີ່ ໜຶ່ງປະຊາຊົນໃນເຂດຊົນນະ ບົດໃນບາງທ້ອງຖິ່ນອາໄສ ກິນແຕ່ນຳປ່າ, ນຳທຳມະຊາດ ແຕ່ລະມື້ພໍຮຸ້ງແຈ້ງມາກໍພາກັນ ເຂົ້າປ່າເຂົ້າດົງເກັບຜັກຫັກໜໍ່, ຊອກ ຫາລ່າສັດເພື່ອເອົາມາເປັນ ອາຫານ ຫລື ເອົາມາຂາຍ, ບາງ ຄົນກາງຄືນມາກໍໄປຊອກຫາ ກ້ານສັດປ່າດຳລົງຊີວິດທີ່ຕິດ ພັນ ແລະ ຫາກິນຕາມທຳມະ ຊາດຕັ້ງແຕ່ສະໄໝພໍ່ແມ່ປູ່ຍ່າ ຕານາຍອີປູອີ່ປູ້ເຄີຍເຮັດມາ.
ຖ້າຈະເວົ້າອີກຢ່າງໜຶ່ງ ພວກເຫລົ່ານີ້ຍັງບໍ່ມີການຜະ ລິດ ແລະ ມີອາຊີບທີ່ໝັ້ນຄົງຫາ ເຊົ້າກິນຄ່ຳ. ປັດໄຈອັນທີ່ສອງ ກໍແມ່ນທາງເບື້ອງອົງການກ່ຽວ ຂ້ອງຍັງບໍ່ທັນມີການໂຄສະນາ ສຶກສາອົບຮົມໄດ້ຢ່າງທົ່ວເຖິງ. ໃນຜ່ານມາເຖິງວ່າ ພວກເຮົາ ເຮັດໄດ້ ແລະ ມີການລົງທຶນໄປ ສ່ວນໜຶ່ງແຕ່ກໍຍັງບໍ່ທັນເຮັດໄດ້ ຢ່າງລຽນຕິດ ແລະ ຍືນຍົງ. ເຮັດຄືໄຟລາມເຟືອງ ແລະ ສ້ວຍ ຫາງຂີ້ໂກະ ຈຶ່ງເປັນເຫດໃຫ້ມີ ຊ່ອງຫວ່າງ. ສ່ວນວ່າປັດໄຈອັນ ສຸດທ້າຍເວົ້າເລື່ອງການຖືເບົາ ປະຕິບັດລະບຽບກົດໝາຍຂອງປະຊາຊົນຢູ່ທ້ອງຖິ່ນຮາກຖານ ຫລື ໃນເຂດຫ່າງໄກສອກ ຫລີກ ແມ່ນຍັງພາກັນຖືເບົາຫລາຍ. ເວົ້າແທ້ປະຊາຊົນ ບັນດາເຜົ່າທີ່ ຢູ່ໃນທ້ອງຖິ່ນເຂດຊົນນະບົດ ສ່ວນໜຶ່ງເຂົາຍັງບໍ່ທັນຮູ້ກົດໝາຍ ວ່າອັນໃດເປັນອັນໃດ, ເບິ່ງຢ່າງ ໜຶ່ງຄືຍັງພາກັນມືດຕຶບແຕ່ລະ ມື້ຮູ້ແຕ່ຈັບປືນເຂົ້າປ່າໄປຫາ ລ່າສັດຕາມວິຖີຊີວິດທີ່ເຄີຍເປັນ ມາ, ຈາກສະພາບທີ່ເຮົາເວົ້າມາ ຂ້າງເທິງນີ້, ມາເຖິງປັດຈຸບັນ ພວກເຮົາກໍຍັງບໍ່ທັນຕ້ານ ແລະ ສະກັດກັ້ນໄດ້ ຢ່າງຊິ້ນເຊີງຈຶ່ງ ເຮັດໃຫ້ບັນຫາການໄປລ່າຂ້າ ສັດປ່າຕິດພັນກັບພຶດຕິກຳຂອງ ປະຊາຊົນໃນທ້ອງຖິ່ນຢ່າງເຂົ້າ ກະດູກດຳ.
ສ່ວນວ່າວິທີແກ້ໃນສະເພາະໜ້າ ແລະ ໄລຍະຍາວນານນັ້ນ, ຕາມເຮົາຄິດຂອດຕັດສິນນັ້ນ, ມັນກໍຕ້ອງເວົ້າເຖິງການພັດທະນາຊົນນະບົດຢ່າງຮອບດ້ານ ພະ ນັກງານກໍ່ສ້າງຮາກຖານ ຕ້ອງ ເປັນຫລັກເພື່ອນຳເອົາແນວ ທາງນະໂຍບາຍຂອງພັກ, ນຳ ເອົາຂໍ້ກຳນົດກົດໝາຍ ແລະ ບັນ ດາມະຕິຄຳສັ່ງຕ່າງໆ ລົງສູ່ປະຊາຊົນ, ຈັດຕັ້ງນຳພາປະຊາຊົນ ຫັນປ່ຽນຊີວິດ ການເປັນຢູ່ທີ່ ຂຶ້ນກັບທຳມະຊາດກາຍມາເປັນ ການຜະລິດເປັນສິນຄ້າ, ສ້າງພື້ນ ຖານໂຄງລ່າງອັນຈຳເປັນໃຫ້ ປະຊາຊົນເປັນຕົ້ນຖະໜົນຫົນທາງ, ໄຟຟ້າ, ນ້ຳສະອາດ, ສຸກ ສາລາ, ໂຮງຮຽນ ແລະ ປັດໄຈ ອື່ນໆ ທີ່ເຫັນວ່າຈຳເປັນ, ອີກປະ ການໜຶ່ງພາກສ່ວນກ່ຽວຂ້ອງ ກໍຕ້ອງໄດ້ໂຄສະນາ ທັງຕິດຕາມ ກວດກາຖ້າເຫັນຜູ້ໃດ, ພາກສ່ວນ ໃດຝ່າຝືນຕ້ອງໄດ້ປັບໄໝໃສ່ ໂທດຕາມຕົວບົດກົດໝາຍຢ່າງ ເຄັ່ງຄັດ ແລະ ເຂັ້ມງວດ./.

 

ການລັກລອບຂາຍສັດປ່າເຫັນມີແຜ່ຫລາຍ - WhatsApp Image 2020 05 27 at 5 - ການລັກລອບຂາຍສັດປ່າເຫັນມີແຜ່ຫລາຍ
ການລັກລອບຂາຍສັດປ່າເຫັນມີແຜ່ຫລາຍ - WhatsApp Image 2020 05 27 at 5 - ການລັກລອບຂາຍສັດປ່າເຫັນມີແຜ່ຫລາຍ
error: Alert: ເນື້ອຫາຂ່າວມີລິຂະສິດ !!