ໃຜຢາກເປັນນັກປະພັນ… ຟັງທາງນີ້!

- 16641052 375094512862518 2579795348747331404 n - ໃຜຢາກເປັນນັກປະພັນ… ຟັງທາງນີ້!
- AGL banner - ໃຜຢາກເປັນນັກປະພັນ… ຟັງທາງນີ້!

# ວິເສດ ສະແຫວງສຶກສາ

ມື້ນີ້ມາອ່າວແປກຄືເລື່ອງ ທີ່ຈະເລົ່າສູ່ຟັງທັງໝົດນັ້ນ ໄດ້ເກັບກ່ຽວກັບທີ່ບໍ່ແມ່ນ ຮຽບຮຽງເລື່ອງ ຕ່າງປະເທດ ຈາກໜັງສືພິມ ຫລື ເອກະສານ ຕ່າງໆ ຄືເມື່ອກ່ອນ.

ຫລາຍທ່ານອາດຊາບ ແລ້ວວ່າ ລາຍການວາງສະ ແດງປຶ້ມຢູ່ມະຫາວິທະຍາໄລປີນີ້ (ແຕ່ວັນທີ 9-11 ພຶດສະ ພາ 2018) ຈັດຂຶ້ນເປັນປີທີ 3 ຕາມຫົວຂໍ້ເກົ່າເຈົ້າເດີມຄື “ອາ ຫານສະໝອງ” ແຕ່ພິເສດ ສຳລັບຄັ້ງນີ້ແມ່ນມີປຶ້ມຈາກ ບັນດາປະເທດສະມາຊິກອາ ຊຽນມາຮ່ວມວາງສະແດງ ນຳ.ນອກຈາກນັ້ນກໍຍັງມີ ກອງປະຊຸມວິທະຍາສາດ ເຫລົ່ານັກປະພັນ ແລະ ຄົນ ໜັງສືຈາກ 8 ປະເທດສະມາ ຊິກອາຊຽນ (ຂາດມາເລເຊຍ ແລະ ບຣູໄນ ດາຣູຊາລາມ) ເຊິ່ງຈັດຂຶ້ນ 1 ວັນເຕັມໆ ໃນ ວັນທີ 10 ເດືອນນີ້.

ໃນຖານະທີ່ມີສ່ວນຮັບ ຜິດຊອບໃນກອງປະຊຸມເພື່ອນ ຮ່ວມຄອງປາກກາຈາກອາ ຊຽນຄັ້ງນີ້, ຜູ້ຂຽນຈິ່ງຂໍສະ ເໜີມຸມໜຶ່ງຂອງເນື້ອໃນທີ່ ໄດ້ຍົກຂຶ້ນມາແລກປ່ຽນກັບ ແຕ່ລະຄະນະຜູ້ແທນນັ້ນຄືຄຳຖາມທີ່ວ່າ: “ຢາກເປັນນັກ ປະພັນທີ່ດີຕ້ອງເຮັດຫຍັງ ແດ່?” ແລ້ວບົດຮຽນ ແລະ ປະສົບການຈາກບັນດາຜູ້ ແທນທີ່ມີທັງນັກປະພັນ, ນັກກະວີ ແລະ ບັນນາຮັກກໍລຸ ຫລັງອອກມາໃຫ້ເກັບກຳໄດ້ ເປັນກອບເປັນກຳ ຄືຢາກ ເປັນ ນັກປະພັນຕ້ອງ:
1. ອ່ານແລ້ວອ່ານອີກ ອ່ານເລື້ອຍໆ ໄປອ່ານຈົນ ກາຍເປັນໜອນໜັງສື, ບໍ່ມີ ຫຍັງດອກປະເສີດເລີດລ້ຳ ເທົ່າກັບການອ່ານ. ນັກປະພັນ ທຸກຄົນລ້ວນແຕ່ອອກມາຈາກເບົ້າການອ່ານທັງນັ້ນ.
2. ການອ່ານນັ້ນຕ້ອງ ຈັດເປັນຂັ້ນຕອນດັ່ງນີ້: ອ່ານ ລວມ, ອ່ານທຸກເລື່ອງ ທຸກຫົວ ຂໍ້ເພື່ອສະສົມຄວາມຮູ້ທົ່ວໄປ, ຈາກນັ້ນໃຫ້ຈ້ອນເຂົ້າອ່ານສະເພາະຂົງເຂດທີ່ເຮົາຢາກລົງ ເລິກໃນການຂຽນ ແລະ ຂັ້ນທີ ສາມຂໍໃຫ້ອ່ານຜົນງານນັກ ປະພັນ-ນັກກະວີທີ່ຢູ່ໃນດວງ ໃຈຂອງເຮົາເພື່ອເອົາເປັນ ແວ່ນແຍງ.
3. ການອ່ານນັ້ນ ຕ້ອງ ອ່ານ “ລະຫວ່າງ” ບັນທັດ (Read between the tines) ຄືທັງອ່ານທັງຄິດ ແລະ ຕັ້ງເປັນຄຳຖາມໄປ ພ້ອມ, ຢ່າອ່ານແບບນົກແກ້ວ, ເວລາອ່ານກໍຕ້ອງສວມບົດ ບາດຂອງບັນດາຕົວລະຄອນໃນເລື່ອງໄປນຳ, ຕົວລະຄອນ ມີຄວາມສຸກສົມຫວັງ, ຜິດ ຫວັງຫລືໂສກເສົ້າເຮົາກໍ ຕ້ອງປັບຄວາມຮູ້ສຶກຂອງ ເຮົາໄປນຳ.
ອ່ານບົດເລື່ອງສັ້ນ ຫລື ກະວີດີທີ່ສຸດຄວນອ່ານອອກ ສຽງດັງໆບວກກັບສະແດງ ອາລົມໄປພ້ອມ.
4. ຕ້ອງອ່ານບໍ່ສະເພາະ ແຕ່ເລື່ອງພາຍໃນປະເທດ; ເຮົາຕ້ອງຍິງສາຍຕາຂ້າມ ຊາຍແດນ, ເບິ່ງນັກປະພັນ- ນັກກະວີ ບ້ານອື່ນແດນໄກ ເພື່ອບໍ່ໃຫ້ເຮົາຕົກຍຸກ.
5. ນັກປະພັນຕ້ອງທັງ ເປັນນັກອ່ານ, ນັກສະສົມ, ນັກ ສັງເກດການ. ໂຕສັງເກດນີ້ລະ ມີບົດບາດສຳຄັນເພາະນັກ ປະພັນຕ້ອງມີຄວາມສາມາດ ເຫັນໃນສິ່ງທີ່ຄົນທຳມະດາ ໄດ້ເບິ່ງແຕ່ບໍເຫັນ, ຕ້ອງສາ ມາດຍິນໃນສິ່ງທີ່ຄົນທຳມະ ດາໄດ້ຟັງແຕ່ບໍ່ໄດ້ຍິນ.
ທີ່ເວົ້າມາທັງໝົດນີ້ ຜູ້ ຂຽນສັງລວມຈາກພາຍໃນ ກອງປະຊຸມ ແລະ ນອກກອງ ປະຊຸມ. ຈຸດໜຶ່ງທີ່ຖືວ່າ ພິເສດ ສຸດໆ ກໍຄືຄຳສະເໜີຂອງຜູ້ ແທນສິງກະໂປວ່າ ໃນອາຊຽນ ຂອງພວກເຮົາຄວນສ້າງ ຕັ້ງສູນສຶກສາຄົ້ນຄວ້ານະວະ ນິຍາຍ (ເລື່ອງຍາວ) ບໍ່ຊັ້ນ ກໍ ຈະບໍ່ມີໂອກາດໄດ້ລາງວັນໂນເບນສາຂາວັນນະກຳນຳໝູ່ ຈັກເທື່ອ ທັງໆທີ່ອາຊຽນ ພວກ ເຮົາມີນັກປະພັນ-ນັກກະວີດີ ເດັ່ນບໍ່ອຶດ ແຕ່ພວກເຮົາຍັງ ຂາດການລວມສູນກັນ. ສ່ວນ ຄະນະຜູ້ແທນ ອິນໂດເນເຊຍ ນັ້ນໄດ້ໃຫ້ບົດຮຽນດີໆ ກ່ຽວ ກັບການຂາຍ-ການຊື້ ລິຂະສິດ ປຶ້ມຕ່າງປະເທດ ເພື່ອເອົາມາ ແປໃຫ້ຄົນໃນປະເທດໄດ້ອ່ານ.

ສະຫລຸບໃຫ້ສັ້ນເຂົ້າກໍຄື ຖ້າຢາກເປັນນັກປະພັນກໍ ຕ້ອງເສບຕິດການອ່ານປານ ຕິດຢາບ້າຫັ້ນລະແຕ່ການຕິດອ່ານນັ້ນຈະບໍ່ເຮັດໃຫ້ຄົນບ້າ ຄືຕິດຢາບ້າແນ່ນອນ!./.

 

- Wave100S AD to Website 2020 0 - ໃຜຢາກເປັນນັກປະພັນ… ຟັງທາງນີ້!

ຄໍາຄົມດີໆ ຈາກນັກຄິດນັກຂຽນ ແລະ ນັກບັນລະຍາຍທໍາ ຊາວໄທ

ຂໍ້ຄິດດີໆຈາກ ທ່ານ ວິນລ່ຽມ ເຊັກສເປຍ ນັກກະວີ ແລະ ນັກຂຽນບົດລະຄອນ ຊາວອັງກິດ

- 16641052 375094512862518 2579795348747331404 n - ໃຜຢາກເປັນນັກປະພັນ… ຟັງທາງນີ້!
(ພາບປະກອບ)

 

- lattana banner 1 - ໃຜຢາກເປັນນັກປະພັນ… ຟັງທາງນີ້!
-    AD conten website - ໃຜຢາກເປັນນັກປະພັນ… ຟັງທາງນີ້!
- lattana banner - ໃຜຢາກເປັນນັກປະພັນ… ຟັງທາງນີ້!
error: Alert: ເນື້ອຫາຂ່າວມີລິຂະສິດ !!