ປີໃໝ່ຂໍໃຫ້ເຂັ້ມແຂງຮັ່ງມີສີສຸກ

- Untitled design - ປີໃໝ່ຂໍໃຫ້ເຂັ້ມແຂງຮັ່ງມີສີສຸກ

- Untitled 1 4 - ປີໃໝ່ຂໍໃຫ້ເຂັ້ມແຂງຮັ່ງມີສີສຸກໂດຍ: ທິດ​ກໍ່າ

​ໃນ​ປະ​ໂຫຍ​ກທີ່​ທິດ​ກໍ່າ​​ຕັ້ງ​ຂຶ້ນ​ນີ້​ແມ່ນ​​ໄດ້​ຄັດ​ມາ​ຈາກ​ຄໍາ​ອວຍພອນ​ທີ່​ບັນດາ​ເພື່ອນ​ສະຫາຍ​ໃນ​ຂັ້ນ​ແກນ​ນໍາ​ຂອງ​ກະຊວງ​ປ້ອງ​ກັນ​ຄວາມ​ສະຫງົບ​ໄດ້​ອວຍພອນ​ກັນ​ໃນ​ງານ​ປີ​ໃໝ່, ທິ​ດກໍ່າ​ຍອມຮັບ​ວ່າ​ໃນ​ມື້​ສະຫລອງ​ສົ່ງ​ທ້າຍ​ປີ​ເກົ່າ​ ແລະ ຕ້ອນຮັບ​ປີ​ໃໝ່​ນັ້ນ​ມັນ​ສຸດ​ທີ່​ມີ​ຄວາມ​ໝາຍ ຍ້ອນ​ວ່າ​​ບັນ​ດາ​ແກນ​ນໍາ​​ຂັ້ນຕ່າງໆໄດ້​ມາພົບ​ປະ​ສັງ​ສັນ​ກັນ​ຢ່າງ​ເບີກບານ​ມ່ວນ​ຊື່ນ​. ບາງ​ທ່ານ​ບາງ​ສະຫາຍ​ກໍດົນໆ​ເປັນ​ປີ ຫລື ຫລາຍ​ປີ​ຈຶ່ງ​ໄດ້​ເຫັນ​ໜ້າ​​ກັນ. ​ໃນ​ນີ້​ກໍ​ມີ​ທັງ​ຄົນ​ເກົ່າ​ ​​ແລະ ຄົນ​ໃໝ່​ໄດ້​ກ້າວ​ຂາ​ຂຶ້ນ​ມາ​ເພື່ອ​ຈະ​ສືບ​ທອດ​ພາລະ​ກິດ​ທີ່​ການຈັດ​ຕັ້ງ​ມອບ​ໝາຍ​ໃຫ້. ອັນ​ທີ​ສອງມາ​​ແມ່ນ​ເວົ້າ​ເຖິງ​ພິທີການ​ກໍເຮັດໄປ​ຕາມ​ຮີດ​ຕາມ​ຄອງ​ໄດ້​ທັງ​ທາງ​ການ ​ແລະ ​ໄດ້​ທັງຮີດຄອງ​ປະ​ເພນີ​ອັນ​ດີງາມ​ຂອງ​ຊາດ, ​ໄດ້ຜ່ານ​ບົດ​ສະຫລຸບ​ຕີ​ລາຄາ​ຜົນງານ​ໃນ​ໜຶ່ງ​ປີຜ່ານມາ​ຢ່າງ​ຄັກ​ແນ່, ມີ​ການ​ປະກອບ​ຄໍາ​ເຫັນ​ຂອງ​ທ່ານ​ລັດຖະມົນຕີນັ້ນ​ມັນກໍສະ​ແດງ​ໃຫ້​ເຫັນວ່າ​ໜຶ່ງ​ປີຜ່ານມາ​ພວກ​ເຮົາ​ໄດ້​ມີ​ຜົນງານ​ອັນ​ໂດດ​ເດັ່ນ​ມາ​ໃຫ້​ປະ​ເທດ​ຊາດ​ໃນຫລາຍ​ດ້ານ. ຫລັງ​ຈາກສໍາເລັດ​ພິທີ​ທາງ​ການ​​ແລ້ວກໍມີການບາສີສູ່ຂວັນ, ຈາກ​ນັ້ນ​ກໍ​ມີ​ການສະ​ແດງ​ສິລະ​ປະ​ວັນນະຄະດີ​ສະຫລັບ​ສາກຂອງ​ກອງ​ສິລະ​ປະກອນ​ກະຊວງ​ປ້ອງ​ກັນ​ຄວາມ​ສະຫງົບ. ສ່ວນວ່າ​ອັນ​ທີ​ສາມ​ເວົ້າ​ເຖິງ​ການ​ກິນ​ການ​ດື່ມ​ກໍ​ພໍ​​ເໝາະ​ພໍ​ມ່ວນ​ບໍ່​ເອິກ​ກະ​ເຫລີກ​ເພີດ​ເພີງ​ເກີນ​ຂອບ​ເຂ​ດ​, ໄດ້​ທັງການປະຢັດ​ມັດທະຍັດ,​ ໄດ້​ທັງ​ລະບຽບ​ວິ​​ໄນ​ ບໍ່​ຄື​ສະໄໝ​ສັງຄົມເກົ່າ​ໆ ເຊິ່ງເຂົາ​ວິຈານ​ກັນ​ວ່າ​ກິນ​ຈົນ​ເຖິງ​ຂັ້ນ​ເອົານໍ້າເບຍ​ລ້າງ​ຕີນ.​ ໃນສາມ​ຢ່າງ​ທີ່​ທິດ​ກໍ່າ​ໄດ້​ຟັງ​ກັບ​ຫູ​ໄດ້ເຫັນກັບ​ຕາ​ກໍເລີຍ​ອົດ​ບໍ່​ໄດ້​ຈຶ່ງ​ຢາກ​ຍົກ​ເອົາ​ມາ​ເວົ້າ​ເພື່ອ​​ພ້ອມ​ກັນ​ຄິດເປັນ​ຕົ້ນ​ແບບ​ ແລະ ​​ເອົາ​ມາເປັນ​ຕົວ​ແບບ​ເລົ່າ​ສູ່​ກັນ​ຟັງ.

ອີກ​ສິ່ງ​ໜຶ່ງ​ທີ່​ທິດ​ກໍ່າ​ໄດ້​ຍິນ​ໄດ້​ຟັງ​ໃນ​ເວລາ​​ເພື່ອນ​ສະຫາຍ​ໄດ້​ພົບ​ປະ​ໂອ້​ລົມ​ ແລະ ​ອວຍ​ພອນ​ກັນ​ດ້ວຍຄໍາ​ເວົ້າ​ຄໍາ​ວ່າ​ທີ່ຫລາກຫລາຍ, ປະ​ໂຫຍ​ກທີ່​ເດັດ​ໆເຜັດ​ມັນ​ນັ້ນ​ກໍວ່າ​ຕະຫລອດ​ປີ​ໃໝ່ 2560 ນີ້​ຂໍ​ໃຫ້​ທຸກ​ຄົນ​​ເຂັ້ມ​ແຂງ, ຖື​ເອົາສຸຂະ​ພາບ​ຕ້ອງ​ມາ​ກ່ອນ, ຈາກ​ນັ້ນ​ກໍ​ຂໍ​ໃຫ້​ພາກັນ​ຮັ່ງມີ​ສີ​ສຸກ. ບາງ​ທ່ານບາງສະຫາຍ​ກໍ​ເອີ່ຍ​ປາກ​ຢ່າງ​ເຕັມ​ໃຈ​ວ່າ​ໃນຜ່ານ​ມາ​ພວກ​ເຮົາ​ພາກັນ​ຜ່ານ​ທຸກ​ຜ່ານ​ຍາກມາຫລາຍຫລົບຫລາຍ​ຕ່າວ, ບາງ​ສະ​ຫາຍ​ຢູ່​ເຂ​ດປົດ​ປ່ອຍ​ໄດ້​ມີ​ໂອກາດ​ເຂົ້າ​ມາ​ຢູ່​ວຽງ​ຈັນ, ບາງ​ຄົນ​ກໍ​ຢູ່​ປ່າ​ໄດ້​ເຂົ້າ​ມາ​ຢູ່ບ້ານ, ບາງ​ສະຫາຍ​ກໍ​ຫັບຫາຍ​ຕາຍ​ຈາກ​ຍ້ອນເປັນ​ພະຍາ​ດພະ​ເຍົາ ​​ແລະ ​ຖືກ​ລູກ​ແຕກ​ລູກ​ບົ່ມ, ກວ່າ​ຈະ​ເອົາ​ຊີວິດ​ລອ​​ດມາ​ຮອດ​ມື້​ນີ້​ມັນ​ກໍ​ແສນ​ລະ​ຫົດ​ອົດທົນ, ບາງ​​ສະຫາຍ​ທີ່ເຫລືອ​ຕາຍ​ຜູ້​ມີ​ຜົນງານ​ຕໍ່​ບ້ານ​ເມືອງ​ພັກ ​ແລະ​ ລັດຖະບານ​ເພິ່ນ​ກໍ​ສົ່ງ​ໄປ​ສຶກສາ​ຮໍ່າຮຽນ​ຢູ່​ພາຍ​ໃນ ​ແລະ ​ຕ່າງປະ​ເທດ​ຈົບ​ມາ​ໄດ້​ຊັ້ນ​ສູງ, ປະລິນ​ຍາ​ຕີ,ປະລິນຍາ​ໂທ​ ແລະ ປະລິນຍາ​ເອກ. ໝູ່​ເພື່ອນ​ສະຫາຍ​ຮຸ້ນ​ທິດ​ກໍ່າ​ບາງ​ຄົນເຂົາ​ໄດ້ພັນ​ເອກ, ​ໄດ້​ຮອດນາຍ​ພົນ​ ແລະ ​ບາງ​ຄົນ​ກໍຕາຍ​ໄປ​ຍ້ອນ​ເສິກ​ສົງຄາມ ​ແລະ ​ອາຍຸ​ສັງຂານ​ໄປແລ້ວ.

- Wave100S AD to Website 2020 0 - ປີໃໝ່ຂໍໃຫ້ເຂັ້ມແຂງຮັ່ງມີສີສຸກ

ພໍ​ຕົກ​ມາ​ຮອດ​ຍຸກ​ສັນຕິພາບ​ພາຍ​​ໃຕ້​ການ​ຊີ້​ນໍາ-ນໍາພາ​ຂອງ​ພັກ, ​ນາຍ ​ແລະ ​ພົນ​ຕໍາຫລວດທັງ​ຮຸ້ນ​ເກົ່າ ​ແລະ ​ຮຸ້ນ​ໃໝ່ຕ່າງ​ຄົນ​ກໍ​ເບີກບານ​ມ່ວນ​ຊື່​ນ ​ເຊິ່ງ​ຕ່າງ​ຝ່າຍ​ກໍ​ເຮັດຫລ້ອນພາລະກິດ​ການ​ງານ​ທີ່​ການຈັດ​ຕັ້ງ​ໄດ້​ມອບ​ໝາຍ​ໃຫ້. ວຽກ​ວິຊາ​ສະ​ເພາະ​ຕໍາຫລວດ​ປະຊາຊົນ, ຮັບ​ໃຊ້​ປະຊາ​ຊົນຕ່າງ​ຄົນ​ໃຜ​ກໍຮູ້​ວ່າ​ມັນ​ເປັນ​ວຽກທີ່​ລະອຽດ​ອ່ອນ​ ທັງຜະ​ເຊີນ​ກັບ​ສິ່ງ​ທ້າ​ທາຍ​ສ່ຽງ​ຕາຍ​ຕໍ່​ຊີວິດ, ​ແຕ່​ພວກ​ເຮົາ​ກໍ​ພູມ​ໃຈ​ທີ່​ໄດ້​ຮັບ​ໃຊ້​ຊາດ.​ ໂອກາດ​ປີ​ໃໝ່ 2560 ທິດ​ກໍ່າ​ຂໍ​ອວຍພອນ​ໃຫ້​ນາຍ​ ແລະ ​ພົນ​ຕໍາຫລວດ​ທຸກ​ຄົນຈົ່ງ​ມີ​ສຸຂະພາບ​ເຂັ້ມ​ແຂງ, ​ໃຫ້​ພາກັນ​ຮັ່ງມີ​ສີ​ສຸກ ​ແລະ ​ຮັບ​ໃຊ້​ຊາດ​ຮັບ​ໃຊ້​ປະຊາຊົນ​ມີ​ຜົນງານ​ໂດດ​ເດັ່ນ​ຂຶ້ນ​ເລື້ອຍໆ.

- WhatsApp Image 2020 05 27 at 5 - ປີໃໝ່ຂໍໃຫ້ເຂັ້ມແຂງຮັ່ງມີສີສຸກ
- WhatsApp Image 2020 05 27 at 5 - ປີໃໝ່ຂໍໃຫ້ເຂັ້ມແຂງຮັ່ງມີສີສຸກ
error: Alert: ເນື້ອຫາຂ່າວມີລິຂະສິດ !!