ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ

- 1519627954863 960x0 - ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ
- Untitled design - ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ

ໜັງສືພິມ​ແທງ​ນຽນຂອງ​ທາງ​ການ​ຫວຽດນາມລາຍ​ງານ​ໃນ​ວັນ​ທີ 26 ກຸມພາ​ນີ້​ວ່າ: ຜູ້​ຊາຍ 5 ຄົນ​ຖືກ​ຈັບ​​ໃນ​ຫວຽດນາມ ຂະນະ​ພະຍາຍາມ​ລັກລອບ​ນຳ​ເຮ​ໂຣອິນ ມູນ​ຄ່າ 2,5 ລ້ານ​ໂດ​ລາ​ສະຫະລັດ ​ເຂົ້າ​ໄປ​ຈີນ, ພາຍຫລັງ​ຕຳຫລວດ​ໄດ້​ຍິງ​ລົດ​ຂົນ​ຢາ​ເສບ​ຕິດ​ຂະນະ​ພະຍາຍາມ​ຫລົບໜີ.

ຜູ້​ຊາຍ​ທັງ 5 ຄົນ​ເປັນ​ຊາວ​ຫວຽດນາມ​ຖືກ​ຈັບ​ໄດ້​ຢູ່​ແຂວງ​ກາວ​ບັງ ທາງ​ຕອນ​ເໜືອ ​ເຊິ່ງມີ​ຊາຍ​ແດນ​ຕິດ​ກັບ​ຈີນ ​ໃນ​ວັນ​ທີ 23 ກຸມພາ ​ພ້ອມ​ຂອງ​ກາງ​​ເຮ​ໂຣອິນ​ເກືອບ 100 ກິ​ໂລ ມາ​ຈາກ​ລາວ. ຖື​ເປັນ​ການ​ທຳລາຍ​ແກ້ງ​ລັກລອບ​ຂົນ​ຢາ​ເສບ​ຕິດ​ລາຍ​ໃຫຍ່​ໃນ​ຫວຽດນາມ. ລາຍ​ງານ​ລະບຸ​ວ່າ: ຜູ້​ຊາຍ​ທັງ 5 ຄົນ​ພະຍາຍາມ​ຂັບ​ລົດ​ໜີ​ຕຳຫລວດ ​ເຮັດ​ໃຫ້ຕຳຫລວດ​ຕ້ອງ​ເປີດ​ສາກ​ຍິງ. ລາຍ​ງານ​ຍັງ​ໄດ້​​ເປີດ​ເຜີຍ​ຮູບ​ຜູ້ຊາຍ​ທີ່​ລະບຸ​ວ່າ​ເປັນ​ຫົວໜ້າ​ແກ້ງ​ອາຍຸ 31 ປີ.

ກ່ອນ​ໜ້າ​ນີ້, ຫວຽດນາມ​ຫາ​ກໍ​ຍຶດ​ເຮ​ໂຣອິນ​ໄດ້​ທາງ​ຕອນ​ເໜືອ​ເຊັ່ນ​ກັນ ​ໂດຍ​ຂອງ​ກາງ​ມາ​ຈາກ​ລາວ ມີນ້ຳໜັກ 170 ກິ​ໂລ ມູນ​ຄ່າ 3 ລ້ານ​ໂດ​ລາ​ສະຫະລັດ. ຖື​ເປັນ​ການ​ຍຶດຢາ​ເສບ​ຕິດ​ຄັ້ງ​ໃຫຍ່​ທີ່​ສຸດ​ໃນ​ຫວຽດນາມ. ຫວຽດນາມ​ມີ​ກົດໝາຍ​ປາບ​ປາມ​ຢາ​ເສບ​ຕິດ​ທີ່​ມີ​ບົດ​ລົງ​ໂທດ​ສະຖານ​ໜັກ ຖ້າ​ມີ​ເຮ​ໂຣອິນ​ຫລາຍກວ່າ 600 ກຣາມ ຫລື ຝິ່ນຫລາຍ​ກວ່າ 20 ກິ​ໂລ​ໃນ​ຄອບ​ຄອງ ອາດ​ຖືກ​ຕັດສິນ​ປະຫານ​ຊີວິດ.

- Wave100S AD to Website 2020 0 - ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ
- WhatsApp Image 2020 05 27 at 5 - ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ
- WhatsApp Image 2020 05 27 at 5 - ຕຳຫລວດຫວຽດນາມຍຶດເຮໂຣອິນ 2,5 ລ້ານໂດລາສະຫະລັດ ກຽມສົ່ງໄປຈີນ
error: Alert: ເນື້ອຫາຂ່າວມີລິຂະສິດ !!