ສວນອານຸສອນສະຖານເຈົ້າຟ້າງຸ່ມບໍ່ແມ່ນສະໜາມບານເຕະ

- advert banner 728 90 728x90 - ສວນອານຸສອນສະຖານເຈົ້າຟ້າງຸ່ມບໍ່ແມ່ນສະໜາມບານເຕະ

- 17193998 10155135885049851 2129931262 o 300x225 - ສວນອານຸສອນສະຖານເຈົ້າຟ້າງຸ່ມບໍ່ແມ່ນສະໜາມບານເຕະ         ປັດຈຸບັນ, ມີໄວໜຸ່ມຈຳນວນໜຶ່ງໄດ້ພາກັນນໍາໃຊ້ສວນອະນຸສະຖານເຈົ້າຟ້າງຸ່ມ, ຊຶ່ງຕັ້ງຢູ່ບ້ານສີຖານເໜືອ, ເມືອງສີໂຄດຕະບອງ, ນະຄອນຫລວງວຽງຈັນ ເປັນສະໜາມບານເຕາະໃນຍາມແລງ, ຊຶ່ງເປັນການກະທໍາທີ່ບໍ່ເໝາະສົມ ແລະ ສ້າງຄວາມລຳຄານໃຫ້ກັບຜູ້ທີ່ໄປສັກກາລະບູຊາ ແລະ ຍ່າງອອກກຳລັງກາຍ ໃນແຕ່ລະແລງອີກດ້ວຍ. ນອກນີ້ຍັງເປັນການທຳລາຍຊັບສິນຂອງລັດໃນບໍລິເວນດັ່ງກ່າວ ເປັນຕົ້ນ: ດອກໄຟປະດັບ, ລວມເຖິງອົງຮູບປັ້ນຫລໍ່ຂອງພະຍາເຈົ້າຟ້າງຸ່ມນໍາດ້ວຍ, ໃນໄລຍະຜ່ານມາໄດ້ມີດອກໄຟຫລາຍດອກທີ່ແຕກຍ້ອນໜ່ວຍບານຕໍາໃສ່.

- new3 - ສວນອານຸສອນສະຖານເຈົ້າຟ້າງຸ່ມບໍ່ແມ່ນສະໜາມບານເຕະ

ປາກົດການດັ່ງກ່າວໄດ້ສະທ້ອນໃຫ້ເຫັນເຖິງຄວາມບໍ່ເປັນລະບຽບຈົບງາມໃນສັງຄົມ, ຕະ ຫຼອດຮອດພໍ່ແມ່ປະຊາຊົນຜູ້ເຄົາລົບນັບຖື ແລະ ສັກກາລະບູຊາພະຍາເຈົ້າຟ້າງຸ່ມ. ແນ່ນອນການຫຼີ້ນກິລາຂອງໄວໜຸ່ມທັງຫລາຍແມ່ນເປັນສິ່ງທີ່ດີຕໍ່ສຸຂະພາບ, ທັງສາມາດຊ່ວຍໃຫ້ເຂົາເຈົ້າຮ່າງໄກຈາກຢາເສບຕິດ, ແຕ່ຄວນມີການເລືອກສະຖານທີ່ອັນເໝາະສົມ.

ປັດຈຸບັນນະຄອນຫຼວງວຽງຈັນມີສວນສາທາລະນະບໍ່ເຖິງ 10 ແຫ່ງ ແລະ ແຕ່ລະແຫ່ງກໍມີຜູ້ໄປທ່ຽວຊົມ ແລະ ຍ່າງອອກກຳລັງກາຍໃນຍາມແລງ ເຊັ່ນ: ສວນເຈົ້າຟ້າງຸ່ມ, ສວນເຈົ້າອານຸວົງ, ສ່ວນປະຕູໄຊ, ສວນ 23 ສິງຫາ, ສວນໄຊເສດຖາ ແລະ ອື່ນໆ. ສະນັ້ນບໍ່ຄວນຖືເອົາບັນດາສະຖານທີ່ເລົ່ານີ້ນໍາໃຊ້ເຂົ້າໃນກິດຈະກໍາທີ່ບໍ່ເໝາະສົມ.

- lattana 1 - ສວນອານຸສອນສະຖານເຈົ້າຟ້າງຸ່ມບໍ່ແມ່ນສະໜາມບານເຕະ

ໃນແຕ່ລະປີພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນ ຮ່ວມກັບອຳນາດການປົກຄອງເມືອງສີໂຄດຕະບອງ, ໄດ້ຈັດພິທີສະເຫລີມສະຫລອງວັນປະດິດສະ ຖານຮູບປັ້ນຫລໍ່ພະຍາຟ້າງຸ່ມ ເພື່ອເປັນການລຳລຶກເຖິງຄຸນງາມຄວາມດີຂອງພະອົງໃນການນຳພາປະຊາຊົນບັນດາເຜົ່າ ທ້ອນໂຮມອານາຈັກລ້ານຊ້າງເປັນໜຶ່ງດຽວ ແລະ ເປັນອານາຈັກທີ່ເຂັ້ມແຂງທາງດ້ານການປົກຄອງ, ການປົກປັກຮັກສາ ແລະ ການພັດທະນາເສດຖະກິດ. ມາຮອດທ້າຍປີ 1357 ຫາຕົ້ນປີ 1358 ກໍໄດ້ມີການສະເຫລີມສະຫລອງຢ່າງຍິ່ງໃຫຍ່ຢູ່ສະຖານທີ່ແຫ່ງນີ້. ສະນັ້ນປວງຊົນລາວທຸກຄົນຄວນຮ່ວມກັນປະພຶດປະຕິບັດໃນທາງທີ່ຖືກຕ້ອງເພື່ອສະແດງເຖິງຄວາມຮູ້ບຸນຄຸນ, ເຄົາລົບນັບຖືຕໍ່ສະຖານທີ່ອັນເປັນປະຫວັດສາດ, ມີຄວາມໝາຍທາງຈິດໃຈ ແລະ ສັກສິດແຫ່ງນີ້, ຮັກສາໄວ້ມໍລະດົກທາງດ້ານວັດທະນຳຂອງຊາດເພື່ອຄົນຮຸ້ນໃໝ່ ແລະ ນຳໃຊ້ສະຖານທີ່ແຫ່ງນີ້ຢ່າງເໜາະສົມກັບເປົ້າໝາຍທີ່ສ້າງຂຶ້ນມາ.

error: Content is protected !!