ຈົ່ງເພີ່ມທະວີປ້ອງກັນ, ຕ້ານ ແລະ ສະກັດກັ້ນໄຟໄໝ້ລາມປ່າ    

- advert banner 728 90 728x90 - ຈົ່ງເພີ່ມທະວີປ້ອງກັນ, ຕ້ານ ແລະ ສະກັດກັ້ນໄຟໄໝ້ລາມປ່າ    

ເພື່ອປ້ອງກັນ ແລະ ສະກັດກັ້ນໄຟໄໝ້ລາມປ່າ ຕິດພັນກັບບການກະກຽມຜະລິດເບ້ຍໄມ້, ປູກໄມ້ ແລະ ຟື້ນຟູປ່າ ປະຈໍາປີ 2018 ໃຫ້ບັນລຸຕາມຕົວເລກແຜນການທີ່ວາງໄວ້, ແນໃສ່ເພີ່ມຄວາມປົກຫຸ້ມປ່າໄມ້ໃຫ້ໄດ້ 70% ໃນປີ 2020, ດັ່ງນັ້ນ ລັດຖະມົນຕີກະຊວງກະສິກໍາ ແລະ ປ່າໄມ້ຈຶ່ງໄດ້ອອກຄໍາສັ່ງດັ່ງນີ້:

- lattana 1 - ຈົ່ງເພີ່ມທະວີປ້ອງກັນ, ຕ້ານ ແລະ ສະກັດກັ້ນໄຟໄໝ້ລາມປ່າ    

ໃຫ້ພະແນກກະສິກໍາ ແລະ ປ່າໄມ້ ຄົ້ນຄວ້າ ແລະ ນໍາສະເໜີເຈົ້າແຂວງ, ເຈົ້າຄອງນະຄອນຫຼວງ ແຕ່ງຕັ້ງຄະນະຮັບຜິດຊອບຊີ້ນໍາລວມ ປະກອບມີ ທ່ານເຈົ້າແຂວງ ແລະ ຮອງເຈົ້າຄອນນະຄອນຫຼວງເປັນປະທານ, ເພື່ອເຮັດໜ້າທີ່ຊີ້ນໍາ-ນໍາພາການໂຄສະນາເຜີຍແຜ່ແນະນໍາກ່ຽວກັບການປ້ອງກັນ ແລະ ສະກັດກັ້ນໄຟໄໝ້ລາມປ່າ ທີ່ອາດເກີດຂຶ້ນໃນທ້ອງຖິ່ນຂອງຕົນ ໃຫ້ຄື:

ຕ້ອງໄດ້ແນນໍາປະຊາຊົນ ມີສະຕິໃນການຈູດໄຮ່, ຈູດສວນ ເພື່ອທໍາມາຫາກິນ ເພື່ອບໍ່ໃຫ້ແຜ່ລາມໄປຫາເຂດອື່ນ. ການກໍ່ກອງໄຟ ຫຼືດັງໄຟຫຸງຕົ້ມຕ່າງໆ ຕ້ອງດັງຢູ່ບ່ອນແປນ, ບ່ອນທີ່ຮັບປະກັນບໍ່ໃຫ້ມີການລຸກລາມຂອງແປວໄພ, ຖ້າຢຸດເຊົາການນໍາໃຊ້ໄປແລ້ວ ຕ້ອງດັບມອບເສຍກ່ອນ. ກໍລະນີການນໍາໃຊ້ດິນໃກ້ແມ່ນໍ້າ ແມ່ນໃຫ້ຫ່າງຈາກຕະຝັ່ງຫ້ວຍ ຫຼືແມ່ນໍ້າແຕ່ 500 ແມັດຂຶ້ນໄປ. ຫ້າມຖາງ ຫຼືຈູດປ່າແຄມທາງເດັດຂາດ, ເພື່ອປ້ອງກັັນການເຊາະເຈື່ອນຂອງດິນ, ຫ້າມຈູດທົ່ງຫຍ້າ ຫຼືທົ່ງຄັງ ເພື່ອລ້ຽງສັດ ແລະ ຫ້າມຈູດປ່າເພື່ອລ່າສັດຢ່າງເດັດຂາດ ແລະ ໃນກໍລະນີເກີດໄຟໄໝ້ລາມປ່າຢູ່ເຂດໃດ ແມ່ນມອບໃຫ້ບ້ານ ຫຼືເມືອງນັ້ນ ເປັນເຈົ້າການປຸກລະດົມຊ່ວຍກັນມອດ, ກໍລະນີໄຟໄໝ້ປ່າຢ່າງຮຸນແຮງ ບໍ່ສາມາດດັບມອດໄດ້ຕ້ອງຂໍຄວາມຊ່ວຍເຫຼືອຈາກປະຊາຊົນ, ນັກຮຽນ-ນັກສຶກສາ, ທະຫານ-ຕໍາຫຼວດ ແລະ ກົມກອງການຈັດຕັ້ງອື່ນໆທີ່ຢູ່ໃກ້ຄຽງ ເພື່ອຊ່ວຍກັນດັບມອດຢ່າງທັນການ. ຫ້ອງການກະສິກໍາ ແລະ ປ່າໄມ້ປະຈໍາເມືອງ ຕ້ອງເປັນເຈົ້າການແກ້ໄຂ ພ້ອມທັງເຈົ້າເມືອງ, ພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງ ແລະ ອົງການປົກຄອງຂັ້ນແຂວງ ເພື່ອຊາບ ແລະ ຫາວິທີການແກ້ໄຂຢ່າງຮີບດ່ວນ.

ໃຫ້ພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງວຽງຈັນ ຊີ້ນໍາຂະແໜງປ່າໄມ້ ແລະ ຫ້ອງການກະສິກໍາ ແລະ ປ່າໄມ້ປະຈໍາເມືອງເພີ່ມທະວີຄວາມຮັບຜິດຊອບຕໍ່ການປະຕິບັດຕົວເລກຄາດໝາຍແຜນການປີ 2018 ທີ່ກະຊວງກະສິກໍາ ແລະ ປ່າໄມ້ມອບໝາຍໃຫ້ ໂດຍຕິດຕາມ, ກວດກາ ແລະ ເກັບກໍາຂໍ້ມູນເນື້ອທີ່ປ່າໄມ້ທີ່ໄດ້ຮັບການຟື້ນຟູໄປພ້ອມໆກັບການກໍານົດຂອບເຂດ ແລະ ຕິດປ້າຍຟື້ນຟູປ່າໃຫ້ຈະແຈ້ງ ແລະ ຊັດເຈນ; ເກັບກໍາຄືນແກ່ນພັນໄມ້ທີ່ມີແລ້ວ ແລະ ແກ່ນພັນໄມ້ທີ່ພົບໃໝ່ພາຍໃນແຂວງຂອງຕົນເພື່ອກໍານົດເປັນແຜນການ ໃນການຕອບສະໜອງແກ່ນພັນໄມ້ພື້ນເມືອງໃນແຕ່ລະປີ; ກ່ຽວກັບການຜະລິດເບ້ຍໄມ້ ແມ່ນໃຫ້ເລັ່ງໃສ່ພັນໄມ້ພື້ນເມືອງ ທີ່ເໝາະກັບສະພາບພື້ນທີ່ຂອງແຕ່ລະທ້ອງຖິ່ນ ເພື່ອເປົ້າໝາຍຟື້ນຟູປ່າ, ປົກປັກຮັກສາສິ່ງແວດລ້ອມ ແລະ ໃຫ້ເບ້ຍໄມ້ໄວ້ຕອບສະໜອງໃຫ້ແກ່ການປູກໄມ້ທັນກັບລະດູການ, ສ່ວນໄມ້ອຸດສາຫະກໍາ ແລະ ໄມ້ເປັນເສດຖະກິດ ແມ່ນໃຫ້ຊຸກຍູ້ຜູ້ປະກອບການປູກໃສ່ໃນເນື້ອທີ່ດິນປ່າປອກໂຫລ້ນ ແລະ ທີ່ດິນເປົ່າຫວ່າງທີ່ລັດຈັດສັນໃຫ້.

- 1 1 - ຈົ່ງເພີ່ມທະວີປ້ອງກັນ, ຕ້ານ ແລະ ສະກັດກັ້ນໄຟໄໝ້ລາມປ່າ    

ໃຫ້ກົມປ່າໄມ້, ກົມກວດກາປ່າໄມ້, ພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງວຽງຈັນ ແລະ ປະຈໍາເມືອງ ສືບຕໍ່ເປັນເຈົ້າການໂຄສະນາເຜີຍແຜ່ເນື້ອໃນຕົ້ນຕໍ່ຂອງກົດໝາຍວ່າດ້ວຍປ່າໄມ້ ແລະ ລະບຽບການຕ່າງໆທີ່ກ່ຽວຂ້ອງໃຫ້ແກ່ພະນັກງານ, ທະຫານ, ຕໍາຫຼວດ, ພໍ່ຄ້າຊາວຂາຍ, ຫົວໜ່ວຍບໍລິການ ຕະຫຼອດຮອດປະຊາຊົນບັນດາເຜົ່າໃຫ້ຮັບຮູ້ ແລະ ເຂົ້າໃຈ ໂດຍຍົກໃຫ້ເຫັນຄວາມສໍາຄັນຂອປ່າໄມ້ ຕໍ່ສິ່ງແວດລ້ອມທໍາມະຊາດ, ຕໍ່ຊີວິດການເປັນຢູ່ຂອງຄົນເຮົາ, ໄພພິບັດເກີດຈາກການທໍາລາຍປ່າ ລວມທັງການຖາງປ່າເຮັດໄຮ່, ແຜນປູກ ແລະ ຟື້ນຟູປ່າໄມ້ຂອງລັດ ແລະ ທ້ອງຖິ່ນຕົນໂດຍຜ່ານສື່ຕ່າງໆເປັນຕົ້ນ ໜັງສືພິມ, ໂທລະພາບ, ວິທະຍຸ ແລະ ອື່ນໆຕາມຄວາມເໝາະສົມ; ມອບໃຫ້ກົມປ່າໄມ້, ພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງວຽງຈັນ ແລະ ຫ້ອງການກະສິກໍາ ແລະ ປ່າໄມ້ປະຈໍາເມືອງ ເຮັດໜ້າທີ່ຕິດຕາມ, ກວດກາ ແລະ ສະຫຼຸບຖອດຖອນບົດຮຽນກ່ຽວກັບການສະກັດກັ້ນໄຟໄໝ້ລາມປ່າ ແລະ ຟື້ນຟູປ່າ ພ້ອມກັນນັ້ນກໍໃຫ້ເກັບກໍາຜົນງານບຸກຄົນ, ຄອບຄົວ ແລະ ການຈັດຕັ້ງທີ່ມີຜົນງານດີເດັ່ນໃນການປະກອບສ່ວນເຫືອແຮງ, ສະຕິປັນຍາ ແລະ ຊັບສິນ ເຂົ້າໃນການຄຸ້ມຄອງ, ຍົວລະບັດຮັກສາ ແລະ ຟື້ນຟູປ່າ ລວມທັງການປ້ອງກັນປ່າໄມ້ບໍ່ໃຫ້ຖືກທໍາລາຍ ເພື່ອສະເໜີຂັ້ນເທິງຍ້ອງຍໍ ແລະ ປະຕິບັດນະໂຍບາຍ ຕາມລະບຽບກົດໝາຍ.