70 ກວ່າຄົນ ເຂົ້າຮ່ວມຄັດເລືອກທີມຊາດຍິງ U 16

- advert banner 728 90 728x90 - 70 ກວ່າຄົນ ເຂົ້າຮ່ວມຄັດເລືອກທີມຊາດຍິງ U 16

ທ້າຍອາທິດຜ່ານມາ ນັກກິລາຍິງ 70 ກວ່າຄົນເຂົ້າຮ່ວມຄັດເລືອກນັກກິລາທີມຊາດລຸ້ນອາຍຸບໍ່ເກີນ 16 ປີ ຫລື U 16 ເພື່ອກຽມຄວາມພ້ອມເຂົ້າຮ່ວມການແຂ່ງຂັນ AFF U-16 GIRLS’ CHAM PIONSHIP 2018 ໃນຕົ້ນເດືອນພຶດສະພານີ້ ທີ່ປະເທດອິນ​ໂດ​ເນ​ເຊ​ຍ.

- lattana 1 - 70 ກວ່າຄົນ ເຂົ້າຮ່ວມຄັດເລືອກທີມຊາດຍິງ U 16

ທ່ານນາງ ພອນທິບ ແສງມະນີ ຫົວໜ້າຄູຝຶກນັກກິລາທີມຊາດ U 16 ໃຫ້ສໍາພາດວ່າ: ພາຍຫລັງ​ທີ່​ສະຫະພັນບານ​ເຕະ​ແຫ່ງ​ຊາດ​ລາວ ​​ໄດ້​ປະກາດ​ຮັບ​ສະໝັກ​ຄັດ​ເລືອກນັກ​ກິລາທີ​ມຊາດ​ຍິງລຸ້ນອາຍຸ 16 ປີ ມີ​ນັກ​ກິລາ​​ໃຫ້​ຄວາມ​ສົນ​ໃຈ​ຫລາຍ​ພໍ​ສົມ​ຄວນ ​​​​ແລະ ​ເລີ່ມ​ເຂົ້າ​ຄັດ​ເລືອກ​ແຕ່​ວັນ​ທີ 13 ​ມີ​ນາ​ຜ່ານ​ມາ ມີ​ນັກ​ກິລາ​ເຂົ້າ​ຮ່ວມ​ທັງ​ໝົດ 75 ຄົນ, ​ໃນ​ນັ້ນມີ​ນັກ​ກິລາ​ທີ່ມາ​ແຕ່ຕ່າງ​ແຂວງ​ໃຫ້​ຄວາມ​ສົນ​ໃຈ​ ເປັນ​ຕົ້ນ​ແຂວງ​ຫົວພັນ, ສະຫວັນ​ນະ​ເຂ​ດ, ​ໄຊ​ສົມບູນ ​ແລະ ​ເມືອງ​ນາ​ຊາຍ​ທອງ. ຜ່ານ​ການ​ຄັດ​ເລືອກ​ເຫັນ​ວ່າ​ມີ​ນັກ​ກິ​ລາ​ຫລາຍ​ຄົນ​ທີ່​ມີ​ພອນ​ສະຫວັນ ​ແລະ ທັກ​ສະການ​ຫລິ້ນ​ດີ​ຫລາຍ​ຄົນ ​ເຊິ່ງພວກ​ເຮົາ​ຈະ​ຄັດ​ໃຫ້​ໄດ້ 30 ຄົນ​ໃນ​ທ້າຍ​ເດືອນ​ນີ້ ​ເພື່ອ​ກະກຽມ​ຄວາມ​ພ້ອມ​ຂອງ​ທີ​ມ​ເຂົ້າຮ່ວມ​ການ​​ແຂ່ງຂັນ​ AFF U-16 GIRLS’ CHAM PIONSHIP 2018 ທີ່​ຈະ​ຈັດ​ຂຶ້ນ​ລະ​ຫວ່າງ​ວັນ​ທີ 1-13 ພຶດສະພາ ທີ່​​ເມືອງປາ​ເລ​ມບັງ ປະ​ເທດອິນ​ໂດ​ເນ​ເຊຍ ​ໂດຍ​ມີ 9 ປະ​ເທດເຂົ້າ​ຮ່ວມ​ ​ເຊິ່ງແບ່ງ​ອອກ​ເປັນ 2 ກຸ່​ມ​ຄື: ກຸ່ມ ເອ ປະກອບ​ມີ: ຟີລິບ​ປິນ, ມຽນ​ມາ, ຫວຽດ​ນາມ, ມາ​ເລ​ເຊຍ ແລະ ສິງ​ກະ​ໂປ; ສ່ວນກຸ່ມ ບີ ປະກອບ​ມີ: ໄທ, ກໍາ​ປູ​ເຈຍ, ລາວ ແລະ ອິນ​ໂດ​ເນ​ເຊຍ.

ທ່ານນາງ​ ພອນ​ທິບ ​ແສງ​ມະນີ ຍັງ​ໄດ້​ກ່າ​ວຕືມອີກ​ວ່າ: ການ​ຄັດ​ເລືອກ​ຄັ້ງ​ນີ້ ​ພວກ​​ເຮົາຈະ​ໄດ້​ດໍາ​ເນີນ​ເປັນ​ເວລາ 15 ມື້ ​ເພື່ອ​ຄັດ​ເລືອກ​ເອົາ​ນັກ​ກິລາ​ທີ່​ມີ​ພອນ​ສະຫວັນ ​ແລະ ຄວາມ​ສາມ​າດ​ເຂົ້າ​ເປັນ​ນັກ​ກິລາ​  ທີ​ມຊາດ ​ເພື່ອ​ສ້າງ​ໃບ​ໜ້າ​ອັນ​ໃໝ່​ໃຫ້​ແກ່​ວົງ​ການ​ກິລາ​ຂອງ​ພວກ​ເຮົາ ​ເຊິ່ງພວກ​ເຮົາ​ໄດ້​ດໍາ​ເນີນ​ການ​ຄັດ​ເລືອກ​ເວລາ 16:00-18:00 ​ໂມງ​ແລງຂອງ​ທຸກ​ມື້. ຖ້າ​ວ່າ​ນັກ​ກິລາ​ຄົນ​ໃດ​ສົນ​ໃຈ​ເຂົ້າຄັດ​​ເລືອກກໍ​ສາມາດ​ເຂົ້າ​ຮ່ວມ​ໄດ້ ທີ່​ສະໜາມກິລາ​ຫ້ວຍ​ຫົງ ​ເມືອງຈັນທະ​ບູລີ ​ນະຄອນ​ຫລວງ​ວຽງ​ຈັນ.

- 1 1 - 70 ກວ່າຄົນ ເຂົ້າຮ່ວມຄັດເລືອກທີມຊາດຍິງ U 16