ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນ

- Untitled design - ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນ

 

- Asean 300x200 - ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນກອງປະຊຸມສະໄໝພິເສດກ່ຽວກັບການຮ່າງແຜນປະຕິບັດງານ ຖະແຫລງການ ວຽງຈັນ ວ່າດ້ວຍການຫັນປ່ຽນຈາກການຈ້າງງານນອກລະບົບໄປສູ່ໃນລະບົບ ເພື່ອການ ສົ່ງເສີມວຽກທີ່ມີຄຸນຄ່າ ແລະ ເປັນທຳໃນອາຊຽນ, ໄດ້ໄຂຂຶ້ນໃນລະຫວ່າງວັນ ທີ 20-21 ເມສານີ້, ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ໂຈມ ແຍງ ແພງທອງສະຫວັດ ຮອງຫົວໜ້າກົມແຜນການ ແລະ ການຮ່ວມມືສາກົນ, ກະຊວງ ແຮງງານ ແລະ ສະຫວັດດີການສັງຄົມ, ມີບັນດາເຈົ້າໜ້າທີ່ອາວຸໂສແຮງງານອາຊຽນ, ກອງເລຂາອາຊຽນເຂົ້າຮ່ວມ ເພື່ອຈະໄດ້ປະກອບຄຳຄິດຄຳເຫັນໃສ່ຮ່າງແຜນປະຕິບັດ ງານ ຖະແຫລງການວຽງຈັນ ຄົບຖ້ວນສົມບູນຍິ່ງຂຶ້ນ ແລະ ສາມາດນຳໄປຈັດຕັ້ງປະຕິບັດຢ່າງມີຜົນສຳເລັດ.

ປະທານກອງປະຊຸມ ໄດ້ມີຄຳເຫັນວ່າ: ການຫັນປ່ຽນຈາກການຈ້າງງານນອກ ລະບົບໄປສູ່ໃນລະບົບນັ້ນ ເປັນການສ້າງໂອກາດໃນການຈ້າງານຫລາຍຂຶ້ນ, ເປັນການແກ້ໄຂຄວາມແຕກໂຕນໃນການພັດທະນາໃນຕົວເມືອງ ແລະ ຊົນນະບົດ ທັງເປັນການສົ່ງເສີມທ່າແຮງຂອງຜູ້ປະກອບການ, ແນວຄວາມຄິດທີ່ປະດິດສ້າງ, ຄວາມຫລາກຫລາຍຂອງສີມືແຮງງານ, ຄວາມອາດສາມາດໃໝ່ຂອງຜູ້ອອກແຮງງານ ແລະ ຫົວໜ່ວຍເສດຖະກິດນອກລະບົບ ເພື່ອສ້າງຊ່ອງທາງໃນການພັດທະນາເສດຖະກິດ ໃຫ້ມີຫລາຍຮູບແບບຕໍ່ການປະກອບສ່ວນເຂົ້າໃນການແກ້ໄຂຄວາມທຸກຍາກຂອງ ບັນດາປະເທດສະມາຊິກອາຊຽນໃຫ້ຫລຸດລົງເທື່ອລະກ້າວ. ນອກນີ້ ຍັງແນ່ໃສ່ສົ່ງເສີມ ການພັດທະນານະໂຍບາຍທີ່ຫັດກຸມ ແລະ ເປັນກົນໄກທີ່ເໝາະສົມ ໃນການສະໜັບສະໜູນ ກິດຈະກຳການຜະລິດ, ເອື້ອຍອຳນວຍການມີວຽກເຮັດງານທຳ, ເຮັດໃຫ້ການຂະຫຍາຍ ຕົວຂອງຫົວໜ່ວຍເສດຖະກິດຈຸລະພາກ, ລວມໄປເຖິງວິສາຫະກິດຂະໜາດນ້ອຍ ແລະ ກາງ, ພ້ອມນີ້ ຍັງເປັນການປົກປ້ອງສິດຜົນ ປະໂຫຍດຂອງຜູ້ອອກແຮງງານໃນຂະແໜງ ເສດຖະກິດນອກລະບົບກ່ຽວກັບຄວາມປອດໄພ, ສະພາບແວດລ້ອມ ລວມໄປເຖິງການເຄື່ອນຍ້າຍຂອງແຮງງານ, ໂດຍສະເພາະແຮງງານເພດຍິງ ແລະ ຜູ້ທີ່ເຮັດວຽກໃນສະ ພາບແວດລ້ອມທີ່ມີຄວາມສ່ຽງໃຫ້ໄດ້ເຂົ້າເຖິງການປິ່ນປົວສຸຂະພາບທີ່ຈຳເປັນ ແລະ ຄ້ຳປະກັນລາຍໄດ້ຂັ້ນພື້ນຖານ ເພື່ອຮັບປະກັນຄວາມເປັນຢູ່ທີ່ດີຂອງຜູ້ອອກແຮງງານ, ໂດຍຖືເອົາຜົນປະໂຫຍດຂອງຜູ້ອອກແຮງງານເປັນຫລັກ.

- Wave100S AD to Website 2020 0 - ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນ

ຖະແຫລງການດັ່ງກ່າວ ໄດ້ຖືກຮັບຮອງເອົາໃນກອງປະຊຸມສຸດຍອດອາຊຽນຄັ້ງທີ 28 ແລະ 29 ທີ່ຜ່ານມານີ້, ຊຶ່ງເປັນນິມິດໝາຍອັນສຳຄັນໃນການປະກອບສ່ວນເຂົ້າໃນ ການຈັດຕັ້ງປະຕິບັດວິໄສທັດອາຊຽນ 2016-2025 ແລະ ການຈັດຕັ້ງປະຕິບັດເປົ້າ ໝາຍສະຫັດສະຫວັດ ເພື່ອການພັດທະນາແບບຍືນຍົງ ຫລັງປີ 2015 ຂອງອົງການສະ ຫະປະຊາຊາດ ກ່ຽວກັບການສົ່ງເສີມການເຕີບໂຕດ້ານເສດຖະກິດແບບຍືນຍົງ ແລະ ການຈ້າງງານ, ຜະລິດຕະພາບແຮງງານແບບເຕັມສ່ວນ ແລະ ການເຮັດໃຫ້ວຽກມີ ຄຸນຄ່າ ແລະ ກາຍເປັນຮູບປະທຳຂຶ້ນເທື່ອລະກ້າວ.

- WhatsApp Image 2020 05 27 at 5 - ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນ
- WhatsApp Image 2020 05 27 at 5 - ອາຊຽນຮ່ວມກັນຮ່າງແຜນປະຕິບັດງານຖະແຫລງການວຽງຈັນ
error: Alert: ເນື້ອຫາຂ່າວມີລິຂະສິດ !!