ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ

- advert banner 728 90 728x90 - ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ

ກະຊວງ​ປ້ອງ​ກັນ​ປະ​ເທດຂອງ ສ.​ເກົາຫລີ ປະກາດ​ວ່າ: ກຳນົດ​ການ​ຊ້ອມ​ຮົບ​ຮ່ວມ​ກັບ​ອາ​ເມ​ລິ​ກາ​ໃນ​ເດືອນ​ເມສາ​ນີ້​ຈະ​ສຳ​ເລັດ​ໄວ​ຂຶ້ນ, ​ແຕ່​ກ່ອນ​ໜ້ານັ້ນພຽງ​ບໍ່​ເທົ່າ​ໃດ​ຊົ່ວ​ໂມງ ​ເພນ​ຕາກ​ອນຢືນຢັນ​ວ່າ: ຂະໜາດ​ຂອງ​ການ​ຝຶກ​ຊ້ອມ​ຍັງ​ຄື​ເກົ່າ.

- lattana 1 - ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ
- 5cdadb76 2be8 11e8 97ec 4bd3494d5f14 300x169 - ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ
South Korea and US soldiers watch from an observation post during a joint live firing drill between South Korea and the US at the Seungjin Fire Training Field in Pocheon, 65 kms northeast of Seoul, on April 26, 2017. / AFP PHOTO / JUNG Yeon-Je

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ຂອງ ສ.​ເກົາຫລີ ​ໃນ​ວັນ​ທີ 20 ມີນາ​ວ່າ: ທ່ານ​ນາງ ຊາ​ເວ ຮາ​ຢອນ ຊູ ​ໂຄສົກ​ກະຊວງ​ປ້ອງ​ກັນ​ປະ​ເທດ​ຂອງ ສ.​ເກົາຫລີ ຖະ​ແຫລ​ງ​ໃນ​ວັນ​ທີ 20 ມີນາ​ວ່າ: ການ​ຊ້ອມ​ຮົບ​ປະຈຳ​ປີ​ຮ່ວມ​ກັບ​ກອງທັບ​ອາ​ເມ​ລິ​ກາ​ຈະ​​ໄຂ​ຂຶ້ນ​ໃນ​ວັນ​ທີ 1 ​ເມສາ​ນີ້, ພາຍຫລັງ​ເລື່ອນ​ມາ​ຈາກ​ກຳນົດ​ເກົ່າ​ຄື​ໄລຍະ​ເດືອນ​ກຸມພາ​ຂອງ​ທຸກ​ປີ ​ເນື່ອງ​ຈາກ​ປີ​ນີ້​ກົງ​ກັບ​ໄລຍະ​ການ​ແຂ່ງຂັນ​ໂອ​ແລັມປິກ​ລະດູ​ໜາວ. ​ເຖິງ​ຢ່າງ​ໃດ​ກໍ​ຕາມ, ຕາຕະລາງ​ການ​ຝຶກ​ຊ້ອມ​ຂອງ​ໂຄງການ​ດັ່ງກ່າວ ​ເຊິ່ງ​ເປັນ​ປະຕິບັດ​ການ​ພາກ​ສະໜາມ ຈະ​ມີ​ການ​ຫລຸດ​ໄລຍະ​ເວລາ​ໃຫ້​ສັ້ນລົງ ຄື​ສຳ​ເລັດ​ພາຍ​ໃນ​ເດືອນ​ດຽວ. ທັງ​ນີ້ ການ​ຊ້ອມ​ຮົບ​ດັ່ງກ່າວ​ໃນ​ປີຜ່ານມາ ​ໃຊ້​ເວລາ​ເຖິງ 2 ​ເດືອນ ຄື​ລະຫວ່າງ​ເດືອນກຸມພາຫາ​ເດືອນ​ເມສາ.

​ເຖິງ​ຢ່າງ​ໃດ​ກໍ​ຕາມ, ກ່ອນ​ໜ້ານັ້ນພຽງ​ບໍ່​ເທົ່າ​ໃດ​ຊົ່ວ​ໂມງ ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ອອກ​ຖະ​ແຫລ​ງການ​ວ່າ: ການ​ຊ້ອມ​ຮົບ​ຮ່ວມ​ປະຈຳ​ປີ​ລະຫວ່າງ​ອາ​ເມ​ລິ​ກາ​ກັບ ສ.​ເກົາຫລີ ປະຈຳ​ປີ​ນີ້ ຈະ​ເປັນ​ໄປ​ຕາມ​ກຳນົດ​ໄລຍະ​ເວລາ ​ແລະ ຂອບ​ເຂດ​ຂອງ​ການ​ຝຶກ​ຊ້ອມ​ທີ່ຢູ່​ໃນ​ລະດັບ​ດຽວ​ກັບ​ທຸກ​ປີຜ່ານມາ, ພ້ອມ​ລະບຸ​ອີກ​ວ່າ: ບໍ່​ມີ​ເຫດຜົນ​ທີ່ ສປປ ​ເກົາຫລີ ຈະ​ອອກ​ມາສະ​ແດງ​ທ່າ​ທີ​ວ່າ: ການ​ຊ້ອມ​ຮົບ​ລະຫວ່າງ​ອາ​ເມ​ລິ​ກາກັບ ສ.​ເກົາຫລີ ​ເປັນ​ການ​ຂົ່ມຂູ່​ຄຸກ​ຄາມ.

- 1 1 - ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ
- Tiger Head 728x90 - ສ.ເກົາຫລີ ຢືນຢັນຊ້ອມຮົບກັບ ອາເມລິກາປີນີ້ຈະສຳເລັດໄວຂຶ້ນ
error: Content is protected !!