ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ

- 53fxkzlz - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ
- Untitled design - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ

ລັດຖະບານ​ມາດຣິດຍັງ​ປະຕິ​ເສດ​ເຈລະຈາ​ກັບ​ຜູ້ນຳ​ແຄວ້ນ​ກາ​ຕາ​ລູນາ, ​ເຖິງ​ວ່າ​ອີກ​ຝ່າຍ​ຢຸດ​ການ​ປະກາດ​ເອກະລາດ “ຢ່າງ​ເປັນ​ທາງ​ການ”.

- uskpbfi1 - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມາດຣິດ ປະ​ເທດ​ແອັສປາຍ ​ໃນ​ວັນ​ທີ 11 ຕຸລາ​ວ່າ: ທ່ານ​ນາງ ​ໂຊຣາຢາ ​ເດິ ຊັນ​ຕາ​ມາຣີ ຮອງ​ນາຍົກລັດຖະມົນຕີ​ແອັສປາຍ ກ່າວ​ໃນ​ວັນ​ທີ 10 ຕຸລາ​ວ່າ: ທ່ານ ຄາລ ປຸຍ​ເດິ​ມອງ ປະທານາທິບໍດີ​ກາ​ຕາ​ລູນາ ​ເປັນ​ບຸກຄົນ​ທີ່ “ບໍ່​ຮູ້ຈັກ​ໜ້າ​ທີ່” ຂອງ​ຕົນ​ເອງ ​ແລະ ລັດຖະບານ​ມາດຣິດຍັງ​ບໍ່​ມີ​ແຜນການ​ເຈລະຈາ​ຮ່ວມ​ກັບ​ອີກ​ຝ່າຍ. ຂະນະ​ທີ່​ນາຍົກລັດຖະມົນຕີ ມາຣິອາ​ໂນ ຣາຮອຍ ຮຽກ​ປະຊຸມ​ຄະນະ​ລັດຖະບານ​ສຸກ​ເສີນ ຢູ່​ນະຄອນຫລວງ​ມາດຣິດ ​ໃນ​ຕອນ​ບ່າຍ​ວັນ​ທີ 11 ຕຸລາ ຕາມ​ເວລາ​ທ້ອງ​ຖິ່ນ ​ເພື່ອ​ຫາລື​ສະຖານະ​ການ​ທາງ​ການ​ເມືອງ​ພາຍ​ໃນ​ປະ​ເທດ.

ຄຳ​ຖະ​ແຫລ​ງດັ່ງກ່າວ​ຂອງ​ຮອງ​ນາຍົກລັດຖະມົນຕີ​ແອັສປາຍ​ມີ​ຂຶ້ນ ພາຍຫລັງ​ທ່ານ ປຸຍ​ເດິ​ມອງ ລົງ​ນາມ​ໃນ​ຖະ​ແຫລ​ງການ​ປະກາດ​ເອກະລາດ​ຂອງ​ກາ​ຕາ​ລູນາ ​ເຊິ່ງ​ເປັນ​ແຄວ້ນ​ທີ່​ມີ​ສະຖຽນ​ລະ​ພາບ​ທາງ​ເສດຖະກິດ​ຫລາຍ​ທີ່​ສຸດ​ໃນ​ແອັສປາຍ, ​ແຕ່​ຖະ​ແຫລ​ງຕໍ່​ກອງ​ປະຊຸມ​ສະພາ​ແຫ່ງ​ແຄວ້ນ ​ໃນ​ເມືອງ​ບາ​ເຊ​ໂລ​ນາ ຂໍ​ໃຫ້​ຢຸດ​ການ​ໃຫ້​ຖະ​ແຫລ​ງການ​ມີ​ຜົນ​ບັງຄັບ​ໃຊ້ “ຢ່າງ​ເປ​ັນທາງ​ການ” ອອກ​ໄປ​ກ່ອນ “ປະມານ 2-3 ອາທິດ” ​ເພື່ອ​ໃຫ້​ມີ​ການ​ເຈລະຈາ​ລະຫວ່າງ​ລັດຖະບານ​ກາ​ຕາ​ລູນາ​ກັບ​ລັດຖະບານ​ກາງ​ໃນ​ນະຄອນຫລວງ​ມາດຣິດ. ທັງ​ນີ້ ປະຊາຊົນ​ໃນ​ແຄວ້ນ​ກາ​ຕາ​ລູນາ​ລົງ​ປະຊາ​ມະຕິ​ໃນ​ວັນ​ທີ 1 ຕຸລາ ດ້ວຍ​ຄະ​ແນນ​ສຽງ 90% ສະໜັບສະໜູນ​ການ​ແບ່ງ​ແຍກ​ດິນ​ແດນ, ​ແຕ່​ຈຳນວນ​ຜູ້​ອອກ​ມາ​ໃຊ້​ສິດ​ມີ​ພຽງ 43%.

- Wave100S AD to Website 2020 0 - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ

ຂະນະ​ທີ່​ທ່ານ ​ໂດ​ນັນ ທັດ ປະທານ​ຄະນະ​ມົນຕີ​ເອີຣົບ ກ່າວ​ຮຽກຮ້ອງ​ໃຫ້​ລັດຖະບານ​ມາດຣິດ ​ແລະ ຜູ້​ບໍລິຫານ​ກາ​ຕາ​ລູນາ​ເຈລະຈາ​ຮ່ວມ​ກັນ​ໂດຍ​ໄວ​ທີ່​ສຸດ ​ແລະ ​ເຕືອນ​ວ່າ: ການ​ປະກາດ​​ແບ່ງ​ແຍກ​ດິນ​ແດນ​ອອກ​ຈາກ​ແອັສປາຍ. ໝາຍ​ຄວາມ​ວ່າ: ກາ​ຕາ​ລູນາ​ຕ້ອງ​ສະໝັກ​ເຂົ້າຮັບ​ການ​ພິຈາລະນາ​ເປັນ​ສະມາຊິກ​ສະຫະພາບ​ເອີຣົບ (EU) ອີກ​ເທື່ອ​ໜຶ່ງ ​ເຊິ່ງທຸກ​ຝ່າຍ​ເບິ່ງ​ໄປ​ໃນ​ທາງ​ດຽວ​ກັນ​ວ່າ: ມີ​ຄວາມ​ສ່ຽງ​ສູງ​ທີ່​ລັດຖະບານ​ມາດຣິດຈະ​ຄັດຄ້ານ, ສ່ວນ​ຝຣັ່ງປະ​ເທດ​ຈະ​ແຈ້ງ​ບໍ່​ຮັບຮອງ​ເອກະລາດ​ຂອງ “ປະ​ເທດ​ກາ​ຕາ​ລູນາ” ​ແລະ ຮຽກຮ້ອງ​ໃຫ້​ມີ​ການ​ເຈລະຈາ​ແກ້​ໄຂ​ບັນຫາ, ສ່ວນ​ເຢຍລະ​ມັນສະ​ແດງ​ທ່າ​ທີ​ສະໜັບສະໜູນ “ຄວາມ​ເປັນ​ເອກະ​ພາບ” ຂອງ​ແອັສປາຍ.

- WhatsApp Image 2020 05 27 at 5 - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ
- WhatsApp Image 2020 05 27 at 5 - ມາດຣິດຍັງບໍ່ເຈລະຈາ ເຖິງວ່າກາຕາລູນາ ຢຸດປະກາດແຍກດິນແດນ
error: Alert: ເນື້ອຫາຂ່າວມີລິຂະສິດ !!