ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ

- advert banner 728 90 728x90 - ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ

- Health Assurance e1521545992988 - ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ

- lattana 1 - ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ

​ໃນ​ວັນ​ທີ 20 ມີນານີ້, ກະຊວງສາທາລະນະ​ສຸກ​ໄດ້​ຈັດ​ກອງ​ປະຊຸມ​ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ, ​ໂດ​ຍການ​ເປັນ​ປະທານ​ຂອງ​ທ່ານ ພູທອນ ​ເມືອງ​ປາກ ຮອງ​ລັດຖະມົນຕີກະຊວງສາທາລະນະ​ສຸກ, ໂດຍຈຸດປະສົງ​ຂອງການ​ສ້າງ​ຮ່າງ​ກົດໝາຍດັ່ງກ່າວ, ​ແມ່ນເພື່ອ​ເຮັດ​ໃຫ້​ວຽກ​ປະ​ກັນ​ສຸຂະພາບ​ໄດ້​ຮັບ​ການ​ຄຸ້ມ​ຄອງດ້ວຍ​ກົດໝາຍຕາມ​ແນວທາງ​ນະ​ໂຍບາຍ​ຂອງ​ພັກ, ການ​ເຊື່ອມ​ໂຍງ​ກັບ​ສາກົນ ​ແລະ ການ​ຮ່ວມ​ມື​ລະຫວ່າງ​ບັນດາ​ປະ​ເທດ​ໃນ​ພາກ​ພື້ນ ​ແລະ ​ໃນ​ໂລກ, ​ເພື່ອ​ເຮັດ​ໃຫ້ການ​ຄຸ້ມ​ຄອງ ​ແລະ ການ​ພັດທະນາວຽກ​ງານ​ປະກັນ​ສຸຂະພາບມີ​ປະສິດທິພາບ ​ແລະ ປະສິດທິ​ຜົນ, ​ແນ່​​ໃສ່​ປົກ​ປ້ອງ​ສຸຂະພາບ, ຊີວິດ ​ແລະ ຊັບ​ສິນ​ຂອງ​ປະຊາຊົນ​ບັນ​ດາ​ເຜົ່າ ​ເປັນ​ຕົ້ນ: ​ປະຊາຊົນ​ຜູ້​ທີ່​ມີ​ລາຍ​ຮັບ​ໜ້ອຍຈະ​ບໍ່​ສາມາດ​ຈ່າຍ​ຍ້ອນ​ຄ່າ​ໃຊ້​ຈ່າຍ​ປິ່ນປົວ​ທີ່​ແພງ. ນອກ​ນີ້, ​ເພື່ອ​ເຮັດ​ໃຫ້ການ​ເຄື່ອນ​ໄຫວວຽກ​ງານ​ປະກັນ​ສຸຂະພາບ​ໄດ້​ຮັບ​ການຈັດ​ຕັ້ງ​ປະຕິບັດ​ຢ່າງ​ທົ່ວ​ເຖິງ, ​ເປັນ​ລະບົບ, ຕໍ່​ເນື່ອງ ​ແລະ ຍືນ​ຍົງ, ທັງເປັນ​ບ່ອນ​ອີງ​ໃຫ້​ແກ່​ຂະ​ແໜງ​ສາທາລະນະ​ສຸກ ​ແລະ ຂະ​ແໜງ​ການ​​ກ່ຽວ​ຂ້ອງອື່ນໆໄດ້​ມີ​ສ່ວນ​ຮ່ວມ ​ແລະ ​ເປັນ​ເຈົ້າ​ການຮັບປະກັນ​ໃຫ້​ພົນລະ​ເມືອງ​ລາວ​ທຸກ​ຄົນທີ່​ກຳລັງ​ດຳລົງ​ຊີວິດ​ຢູ່​ໃນ ສປປ ລາວ, ​ໂດຍ​ບໍ່​ຈຳ​ແນ​ກຊົນ​ເຜົ່າ, ​ເພດ, ​ໄວ, ສາດສະໜາ, ຖານະ​ທາງ​ດ້ານ​ເສດຖະກິດ, ສັງຄົມ ລ້ວນ​ແຕ່​ມີ​ສິດໄດ້​ຮັບ​ການ​ປະກັນ​ສຸຂະພາບ, ຂໍ້​ມູນ-​ຂ່າວສານ, ການ​ແນະນຳ​ກ່ຽວ​ກັບ​ການ​ປະກັນ​ສຸຂະພາບ, ຜົນ​ປະ​ໂຫຍ​ດ ​ແລະ ພັນທະ​ຂອງ​ຕົນຕໍ່​ວຽກ​ງານ​ປະກັນ​ສຸຂະພາບ.

​  ທ່ານ ພູທອນ ​ເມືອງ​ປາກ ກ່າວ​ວ່າ: ​ຜ່ານມາ, ສປປ ລາວ ຍັງບໍ່ມີ​ກົດໝາຍ​ສະ​ເພາະ​ເຈາະ​ຈົງທີ່​ເປັນ​ບ່ອນ​ອີງ​ໃນ​ການຈັດ​ຕັງ​ປະຕິບັດ​ວຽກ​ງານ​ດັ່ງກ່າວ, ຈຶ່ງເຮັດໃຫ້ການ​ເຄື່ອນ​ໄຫວ​ວຽກ​ງານ​ປະກັນ​ສຸຂະພາບຍັງ​ບໍ່​ທັນ​ລວມສູນ, ກະ​ແຈກ​ກະຈາຍ, ກົນ​ໄກ​ການ​ເກັບ​ເງິນ, ການ​ຈ່າຍ​ເງິນ​ປະກັນ​ສຸຂະພາບ​ໃຫ້​ສະຖານ​ທີ່​ບໍລິການ​ປິ່ນປົວມີ​ຄວາມ​ແຕກ​ຕ່າງ​ກັນ, ​ເຮັດ​ໃຫ້ການ​ຄຸ້ມ​ຄອງ​ກອງ​ທຶນ​ປະກັນ​ສຸຂະພາບ​ຕ່າງໆພົບ​ຄວາມ​ຫຍຸ້ງຍາກໃນ​ສະຖານ​ທີ່​ປິ່ນປົວ. ປັດຈຸ​ບັນ ສປປ ລາວ ​ໄດ້​ຈັດ​ຕັ້ງ​ປະຕິບັດ 3 ລະບົບ​ປະກັນ​ສຸຂະພາບ ​ຄື: ການ​ອຸດ​ໜູນ​ປະກັນ​ສຸຂະພາບຂອງ​ອົງການ​ປະກັນ​ສັງຄົມ​ແຫ່ງ​ຊາດ, ການ​ປະກັນ​ສຸຂະພາບ​ພາກປະຊາຊົນ ​ແລະ ​ການ​ປະກັນ​ສຸຂະພາບ​ພາກເອກະ​ຊົນ, ຊຶ່ງກອງ​ທຶນ​ປະກັນ​ສຸຂະພາບ​ແຫ່ງ​ຊາດ​ໄດ້​ປົກ​ຄຸມ 17 ​ແຂວງ, ຍົກ​ເວັ້ນນະຄອນຫລວງ.

- 1 1 - ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ
- Tiger Head 728x90 - ທາ​ບທາມຮ່າງ​ກົດໝາຍວ່າ​ດ້ວຍ​ການ​ປະກັນ​ສຸຂະພາບ
error: Content is protected !!