ເກີດເຫດໄຟໄໝ້ຢູ່ບ້ານຫັດສະດີ
March 22, 2018 - 6:41 PM
ເຈົ້າໜ້າທີ່ຕຳຫລວດສະກັດກັ້ນ ແລະ ມອດໄຟ ນະຄອນຫລວງວຽງຈັນໃຫ້ຮູ້ວ່າ: ໃນທ່ຽງຄືນຂອງວັນທີ 22 ມີນານີ້, ໄດ້ເກີດເຫດໄຟໄໝ້ຕຶກຫ້ອງແຖວ 3 ສາມຊັ້ນຫລັງໜຶ່ງຢູ່ບ້ານຫັດສະດີເມືອງຈັນທະບູລີນະຄອນຫລວງວຽງຈັນ, ຊຶ່ງຕຶກດັ່ງກ່າວເປັນຮ້ານຂາຍເສື້ອຜ້າ, ໂດຍໄດ້ມີພະນັກງານຫຍິບເຄື່ອງນອນເຝົ້າ, ຊຶ່ງສາເຫດຂອງການເກີດໄຟໄໝ້ເຈົ້າໜ້າທີ່ກຳລັງສືບສວນ-ສອບສວນ.
ເຈົ້າໜ້າທີ່ໃຫ້ຮູ້ຕື່ມວ່າ: ໃນວັນທີ 21 ມີນາຜ່ານມາ, ໄດ້ເກີດເຫດໄຟໄໝ້ເຮືອນກໍ່ສອງຊັ້ນຫລັງໜຶ່ງຂອງປະຊາຊົນຢູ່ບ້ານໃໝ່ເມືອງສີໂຄດຕະບອງຍ້ອນໄຟຟ້າລັດວົງຈອນໂດຍມີມູນຄ່າເສຍຫາຍເປັນຈໍານວນຫລາຍ.
