ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017

- Untitled design - ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017

- IP Fair 2017 300x200 - ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017ງານວາງສະ​ແດງ​ຊັບ​ສິນ​ທາງ​ປັນຍາ​ປະຈຳ​ປີ 2017 ໄດ້​​ໄຂ​ຂຶ້ນ​​ແຕ່​ວັນທີ 21-26 ​ເມສາ​ນີ້ທີ່​ສູນ​ການ​ຄ້າ​ລາວ-​ໄອ​ເຕັກ, ​ນະຄອນຫລວງ​ວຽງ​ຈັນ, ໂດຍມີທ່ານ​​ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນ​ຕີ, ທ່ານ ບໍ່​ວຽງ​ຄຳ ວົງ​ດາ​ລາ ລັດຖະມົນຕີ​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ, ພ້ອມດ້ວຍບໍລິສັດ, ຫ້າງຮ້ານ ແລະ ຜູ້​ປະກອບ​ການ​ເຂົ້າ​ຮ່ວມ​ເປັນ​ຈຳນວນຫລາຍ.

ທ່ານລັດຖະມົນຕີ​ກະຊວງ​ວິທະຍາສາດ ​ແລະ ​ເຕັກ​​ໂນ​​ໂລ​ຊີ ​ກ່າວ​ວ່າ: ງານວາງສະແດງຄັ້ງນີ້ມີ​ຄຳ​ຂວັນ​ວ່າ: “​ເສີມ​ສ້າງ​ຊັບ​ສິນ​ທາງ​ປັນຍາ​ເພື່ອ​ພັດທະນາ​ເສດຖະກິດ​-ສັງຄົມ​ແບບ​ຍືນ​ຍົງ” ​ເພື່ອ​ເປີດ​ໂອກາດ​ໃຫ້​ນັກ​ປະ​ດິດ​ຄິດ​ແຕ່ງ ​ແລະ ຜູ້​ປະກອບ​ການ​ໄດ້​ມີ​ເວທີ​ພົບ​ປະ​ແລກປ່ຽນ​ຊື້-ຂາຍ ​ແລະ ສະ​ເໜີ​ຜົນງານ​ທາງ​ດ້ານ​ຊັບ​ສິນ​ທາງ​ປັນຍາ​ຂອງ​ຕົນ ​ແລະ ພູມ​ປັນຍາ​ພື້ນ​ບ້ານ​ອັນ​ເປັນ​ມູນ​ເຊື້ອ​ເພື່ອ​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ໃຫ້​ມີ​ຄວາມ​ເຂັ້ມ​ແຂງ, ທັງ​ເປັນ​ການ​ຊຸກຍູ້​ສົ່ງ​ເສີມ​ການ​ຮ່ວມ​ມື ແລ​ະ ການ​ແຂ່ງຂັນ​ທາງ​ດ້ານ​ທຸລະ​ກິດ​ການ​ຄ້າອິກດ້ວຍ. ພາຍ​ໃນ​ງານຍັງມີ​ກິດຈະກຳ​ຫລາຍຢ່າງທີ່​ເປັນ​ການ​ໂຄສະນາ​ເຜີຍ​ແຜ່, ສ້າງ​ຈິດ​ສຳນຶກ ​ແລະ ຄວາມ​ຮູ້​ທາງ​ດ້ານ​ຊັບ​ສິນ​ທາງ​ເປັນ​ຍາ ​ເປັນ​ຕົ້ນ​ມີ​ກອງ​ປະຊຸມ​ສຳ​ມະ​ນາ, ​ການໃຫ້​ຄວາມ​ຮູ້​ກ່ຽວ​ກັບ​ການ​ຈົດ​ທະບຽບຊັບ​ສິນ​ທາງ​ປັນຍາ, ການ​ແຈ້ງ​ລິ​ຂະ​ສິດ ລວມ​ເຖິງ​ການຈົດ​ທະບຽນ​ລິ​ຂະ​ສິດ​ຕ່າງໆ ​ເພື່ອ​ໃຫ້​ຊັ້ນຄົນຕ່າງໆ​ເຫັນ​ໄດ້​ຄວາມ​ສຳຄັນ​ຂອງ​ວຽກ​ງານ​ຊັບ​ສິນ​ທາງ​ປັນຍາ​ຕໍ່​ກັບ​ການ​ພັດທະນາ​ເສດ​ຖະກິດ-ສັງຄົມ ​ແລະ ວັດທະນະທຳ. ພ້ອມ​ນີ້​ຍັງ​​ເປັນ​ການສະ​ແດງ​ເຖິງ​ການ​ເຄົາລົບສິດ ​ແລະ ປົກ​ປ້ອງ​ຜົນ​ປະ​ໂຫຍ​ດຂອງ​ນັກ​ຄົ້ນ​ຄ້ວາ​, ນັກ​ປະດິດ​ສ້າງ, ນັກ​ປະດິດ​ແຕ່​ງ ​ເພື່ອ​ຊຸກຍູ້​ສົ່ງ​ເສີມ​ຫົວຄິດ​ສ້າງສັນ​ຂອງ​ມະນຸດ.

- Wave100S AD to Website 2020 0 - ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017

ງານ​ວາງສະ​ແດງ​ຊັບ​ສິນ​ທາງ​ເປັນ​ຍາ​ຄັ້ງ​ນີ້, ໄດ້ຈັດຂຶ້ນໃນໂອກາດການສະເຫລີມສະຫລອງ​ວັນ​ຊັບ​ສິນ​ທາງ​ປັນຍາ​ໂລກຄົບຮອບ 17 ປີ (26 ​ເມສາ 2000-26 ​ເມສາ 2017) ​ແລະ ​ປີ​ນີ້ອົງການ​ຊັບ​ສິນ​ທາງ​ປັນຍາ​​ໂລກໄດ້ກໍານົດຄຳ​ຂວັນ​ວ່າ: “ນະ​ວັດຕະ​ກຳ​ຊ່ວຍ​ເຮັດ​ໃຫ້​ຊີວິດ​ການ​​ເປັນ​ຢູ່ດີ​ຂື້ນ” ຊຶ່ງ​ສະແດງ​ໃຫ້​ເຫັນ​ເຖິງ​ບົດບາດ ​ແລະ ຄວາມ​ສຳຄັນ​ຂອງ​ຊັບ​ສິນ​ທາງ​ປັນຍາ​ໃນ​ການ​ຊຸກຍູ້​ສົ່ງ​ເສີມ​ນະ​ວັດຕະ​ກຳ, ຫົວຄິດ​ປະດິດ​ແຕ່ງ ​ແລະ ຈາກ​ການ​ສຳ​ຫລວດ​ພົບ​ວ່າ​ນະ​ວັດຕະ​ກຳ​​ຊ່ວຍໃຫ້​ຊີວິດ​ຂອງ​ມະນຸດ​​ມີ​ສຸຂະພາບ​ດີ​ຂື້ນ, ມີ​ຄວາມ​ປອດ​ໄພ ​ແລະ ມີ​ຄວາມ​ສະດວກ​ສະບາຍ​ຫລາຍ​ກວ່າ​ເກົ່າ.

- WhatsApp Image 2020 05 27 at 5 - ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017
- WhatsApp Image 2020 05 27 at 5 - ໄຂ​ງານ​ວາງສະ​ແດງຊັບ​ສິນ​ທາງ​ປັນຍາ​ປະຈຳ​ປີ 2017
error: Alert: ເນື້ອຫາຂ່າວມີລິຂະສິດ !!