ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ

- 1522557126388 960x0 - ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ
- Untitled design - ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ

ກອງທັບ​ອາ​ເມ​ລິ​ກາ ​ແລະ ສ.​ເກົາຫລີ ​ເລີ່​ມປະຕິບັດ​ການ​ຊ້ອມ​ຮົບ​ປະຈຳ​ປີ​ໃນ​ເດືອນ​ເມສາ ​ໂດຍ​ພາລະກິດ​ໃນ​ປີ​ນີ້​ຖື​ວ່າ “ບໍ່​ເຕັມ​ຮູບ​ແບບ” ​ເມື່ອ​ທຽ-​ໃສ່​ທຸກ​ຄັ້ງຜ່ານ​ມາ ທ່າມກາງ​ບັນຍາກາດ​ຢູ່ແຫລມ​ເກົາຫລີຫລຸ​ດຜ່ອນ​ຄວາມ​ເຄັ່ງ​ຕຶງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 1 ​ເມສາ​ວ່າ: ກອງທັບ​ອາ​ເມ​ລິ​ກາ ​ແລະ ກອງທັບ ສ.​ເກົາຫລີ ​ເລີ່​ມປະຕິບັດ​ການ​ຊ້ອມ​ຮົບ​ປະຈຳ​ປີ ​ແບ່ງ​ເປັນ​ການ​ຝຶກ​ຊ້ອມ​ຂອງ​ໂຄງການ​ຫລັກ​ຄື “​ໂຟລ ອີ​ເກິ​ນ” ​ເຊິ່ງ​ເປັນ​ປະຕິບັດ​ການ​ພາກ​ສະໜາມ ​ແລະ ການ​ຝຶກ​ຝົນ​ຄຽງ​ຄູ່​ພາຍ​ໃຕ້​ລະຫັດ​ປະຕິບັດ​ການ “ ຄີ ​ຣີ​ໂຊ​ລ” ທີ່​ເປັນ​ການ​ຈຳລອງ​ສະຖານະ​ການ​ຈາກ​ຫ້ອງ​ຄວບ​ຄຸມ​ດ້ວຍ​ລະບົບ​ຄອມ​ພິວ​ເຕີ.

ທັງ​ນີ້, ກະຊວງ​ປ້ອງ​ກັນ​ປະ​ເທດ ສ.​ເກົາຫລີ ຢືນຢັນ​ວ່າ: ການ​ຝຶກ​ຊ້ອມ​ປະຈຳ​ປີ​ນີ້​ຈະ​ບໍ່​ມີ​ການ​ໃຊ້ “ຍຸດ​ໂທ​ປະກອນ​ຂະໜາດ​ໃຫຍ່” ລວມທັງ​ກຳ​ປັ່ນບັນທຸກ​​ເຮືອບິນພະລັງງານ​ນິວ​ເຄຼຍ ​ແລະ ​ເຮືອບິນ​ຂັບ​ໄລ່ ຕະຫລອດ​ຮອດ​​ເຮືອບິນ​ຖິ້ມລະ​ເບີດ​ທາງ​ຍຸດ​ທະ​ສາດ ​ແລະ ຕາຕະລາງ​ການ​ຝຶກ​ຊ້ອມ​ໃນ​ປີ​ນີ້​ຈະ​ສຳ​ເລັດ “​ໄວ​ກວ່າ​ປົກກະຕິ” ຄື​ຈະ​ໃຊ້​ເວລາ​ພຽງ​ເດືອນ​ດຽວ. ​ເຖິງ​ຢ່າງ​ໃດ​ກໍ​ຕາມ, ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ຢືນຢັນ​ກ່ອນ​ໜ້າ​ນີ້​ວ່າ: ​ໄລຍະ​ເວລາ​ຂອງ​ການ​ຊ້ອມ​ຈະ​ຍັງ “ຍິ່ງ​ໃຫຍ່​ຄື​ເກົ່າ” ​ໂດຍ​ປົກກະຕິ​ເພນ​ຕາກ​ອນຈະ​ສົ່ງ​ທະຫານ​ເຂົ້າຮ່ວມ​ປະມານ 11.500 ຄົນ ​ແລະ ສ.​ເກົາຫລີ ສົ່ງ​ທະຫານ​ເຂົ້າຮ່ວມ​ປະມານ 290.000 ຄົນ.

- Wave100S AD to Website 2020 0 - ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ
- WhatsApp Image 2020 05 27 at 5 - ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ
- WhatsApp Image 2020 05 27 at 5 - ອາເມລິກາ-ສ.ເກົາຫລີ ເລີ່ມ ຊ້ອມຮົບປະຈຳປີລະດັບຕໍ່າ
error: Alert: ເນື້ອຫາຂ່າວມີລິຂະສິດ !!