ສຳມະນາການເຊື່ອມໂຍງພາກພື້ນ ແລະ ສາກົນຂອງ ສປປ ລາວ, ທີ່ແຂວງເຊກອງ

ເມື່ອທ້າຍອາທິດຜ່ານ ມາ, ກະຊວງການຕ່າງປະເທດ ຮ່ວມກັບ ແຂວງ ເຊກອງ ໄດ້ ຈັດກອງປະຊຸມສໍາມະນາ ວ່າ ດ້ວຍການເຊື່ອມໂຍງພາກພື້ນ ແລະ ສາກົນ ຂອງ ສປປ ລາວ, ວຽກງານຊາຍແດນ ແລະ ເຜີຍ ແຜ່ຜົນຂອງກອງປະຊຸມປຶກ ສາຫາລືຂັ້ນສູງ ວ່າດ້ວຍການ ຮ່ວມມືສາກົນ “ໜຶ່ງແລວ ໜຶ່ງເສັ້ນທາງ”ຂຶ້ນທີ່ ແຂວງ ດັ່ງກ່າວ, ຊຶ່ງໃຫ້ກຽດເປັນປະ ທານຮ່ວມຂອງ ທ່ານ ຄໍາພຽມ ບົວລະພາ ຮອງເລຂາຄະນະ ພັກແຂວງ, ປະທານສະມາ ຄົມ ມິດຕະພາບ ລາວ-ຫວຽດນາມ ຂັ້ນແຂວງ ແລະ ທ່ານ ແສງເພັດ ຮຸ່ງບຸນຍວງ ຮອງລັດຖະມົນ ຕີກະຊວງການຕ່າງປະເທດ, ພ້ອມດ້ວຍຜູ້ເຂົ້າຮ່ວມຈາກບັນດາຂະແໜງການຕ່າງໆ ເຊັ່ນ: ພະແນກການຕ່າງປະເທດ, ພະ ແນກແຜນການ ແລະ ການລົງ ທຶນ, ພະແນກອຸດສາຫະກຳ ແລະ ການຄ້າ, ພະແນກຖະ ແຫຼງຂ່າວ ແລະ ວັດທະນະ ທໍາ ແລະ ທ່ອງທ່ຽວ, ອໍານາດ ການປົກຄອງທ້ອງຖິ່ນ, ບັນດາ ເຈົ້າເມືອງລວມທັງຂະແໜງ ປ້ອງກັນຊາດ ແລະ ປ້ອງກັນ ຄວາມສະງົບຂອງ 4 ແຂວງ ພາກໃຕ້ (ແຂວງຈໍາປາສັກ, ສາລະວັນ, ເຊກອງ ແລະ ອັດ ຕະປື)ລວມທັງໝົດ170 ທ່ານ.

+ ກະຊວງການຕ່າງປະເທດຈັດກອງປະຊຸມສຳມະນາຢຸດຕິການໃຊ້ຄວາມຮຸນແຮງຕໍ່ແມ່ຍິງ

+ ເມືອງໄຊທານີໄດ້ສຳມະນາມູນເຊື້ອວັນຊາດທີ 2 ທັນວາ ແລະ ລະນຶກວັນເກີດປະທານໄກສອນ ພົມວິຫານ

ກອງປະຊຸມ ຄັ້ງນີ້ ໄດ້ຮັບ ຟັງການເຜີຍແຜ່ກ່ຽວກັບສະ ພາບການພົ້ນເດັ່ນຂອງສາ ກົນ ແລະ ພາກພື້ນ, ການປະ ຕິບັດແນວທາງນະໂຍບາຍ ການຕ່າງປະເທດຂອງ ສປປ ລາວ, ລວມທັງວຽກງານ ການເຊື່ອມໂຍງພາກພື້ນ ແລະ ສາກົນຂອງ ສປປ ລາວ, ວຽກງານຊາຍແດນ ແລະ ຜົນສຳເລັດຂອງກອງປະ ຊຸມເວທີປຶກສາຫາລືຂັ້ນສູງ ວ່າດ້ວຍ ການຮ່ວມມືສາກົນ “ໜຶ່ງ ແລວ ໜຶ່ງເສັ້ນທາງ” ທີ່ ພະນະທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ເຂົ້າຮ່ວມໃນເດືອນ ພຶດສະພາ 2017 ຢູ່ ສປ ຈີນ, ເພື່ອເຮັດໃຫ້ບັນດາພະນັກ ງານຫຼັກແຫຼ່ງຈາກບັນດາ ຂະແໜງການ ແລະ ອຳນາດ ການປົກຄອງທ້ອງຖິ່ນ ຂອງ 4 ແຂວງພາກໃຕ້ ໄດ້ຮັບຟັງ ແລະ ເຂົ້າໃຈແຈ້ງຕື່ມຕໍ່ແນວ ທາງການເຊື່ອມໂຍງພາກ ພື້ນ ແລະ ສາກົນ ຂອງ ສປປ ລາວ ແລະ ວຽກງານຊາຍ ແດນ. ພ້ອມກັນນັ້ນ, ຜູ້ເຂົ້າ ຮ່ວມກອງປະຊຸມຍັງໄດ້ມີ ການແລກປ່ຽນຄໍາຄິດຄຳ ເຫັນຕໍ່ກັບກາລະໂອກາດ ແລະ ສິ່ງທ້າທາຍຂອງ ສປປ ລາວ ໃນການເຊື່ອມໂຍງເຂົ້າ ໃນຍຸດທະສາດ “ໜຶ່ງ ແລວ ໜຶ່ງເສັ້ນທາງຂອງ ສປ ຈີນ.