ສາຍການບິນອາເມລິກັນ ແອລາຍອອກມາຖະແຫລງຂ່າວ ຫລັງພະນັກງານໃຊ້ຄວາມຮຸ່ນແຮງຕໍ່ກັບຜູ້ໂດຍສານຍິງ

- Untitled design - ສາຍການບິນອາເມລິກັນ ແອລາຍອອກມາຖະແຫລງຂ່າວ ຫລັງພະນັກງານໃຊ້ຄວາມຮຸ່ນແຮງຕໍ່ກັບຜູ້ໂດຍສານຍິງ

ສາຍການບິນອາເມລິກັນ ແອລາຍ ຖະແຫລງການຂໍອະໄພ ແລະ ໄດ້ສັ່ງພັກງານ ພັກນັກງານທີ່ກໍ່ເຫດຖົກຖຽງ ແລະ ໃຊ້ກຳລັງ ຍາດລໍ້ເດັກນ້ອຍຈາກຜູ້ໂດຍສານແມ່ລູກອ່ອນ ເທິງເຄື່ອງບິນ ໃນສະຫນາມບິນນານາຊາດ ຊານຟານຊິດໂກ

ເຫດເກີດຂຶ້ນເທິງຖ້ຽວບິນ 591 ຊຶ່ງກຳລັງຈະອອກເດີນທາງຈາກ ຊານຟານຊິດໂກ ໄປ ດັກລາດສ ຊຶ່ງມີເຈົ້າຫນ້າທີ່ຜູ້ຫນຶ່ງກຳລັງໃຊ້ຄວາມຮຸ່ນແຮງເຂົ້າດຶງລໍ້ເດັກນ້ອຍຂອງຜູ້ໂດຍສານຍິງທີ່ກຳລັງອຸ້ມລູກນ້ອຍແຝດຢູ່ ເຮັດໃຫ້ລໍ້ເດັກນ້ອຍຕຳເອົາແມ່ຍິງຄົນດັ່ງກ່າວ ແລະ ເກືບຈະເຮັດໃຫ້ລູກແຝດຮັບອັນຕະລາຍ

ໃນພາບວິດີໂອທີ່ມີຜູ້ບັນທຶກເຫດການໄວ້ ແລະ ນຳອອກເຜີຍແພ່ທາງແຟສບຸກ ບອກໃຫ້ເຫັນວ່າ ຜູ້ໂດຍສານຍິງຄົນດັ່ງກ່າວຮ້ອງໃຫ້ ແລະ ມີຜູ້ໂດຍສານຊາຍຄົນຫນຶ່ງເຂົ້າໄປບອກກັບເຈົ້າຫນ້າທີ່ຜູ້ກໍ່ເຫດຄົນນັ້ນ ຕັກເຕືອນກ່ຽວກັບການກະທຳທີ່ເຈົ້າຫນ້າທີ່ເຮັດລົງໄປ ເຮັດໃຫ້ເກີດການຖົງຖຽງ.

ຖະແຫລງການຂອງສາຍການບິນອາເມລິກາ ແອລາຍລະບຸວ່າ ເຫດການໃນວິດີໂອ ທີ່ພັກງານສາຍການບິນເຮັດນັ້ນ ບໍ່ໄດ້ສະທ້ອນຖືງຄຸນຄ່າຫລືສິ່ງທີ່ທາງສາຍການບິນໃສ່ໃຈໃຫ້ຄາວມສຳຄັນຕໍ່ການບໍລິການລູກຄ້າແມ້ແຕ່ນ້ອຍ. ທາງສາຍການບິນເສຍໃຈຢ່າງຍິ່ງຕໍ່ຄວາມເຈັບປວດທີ່ຜູ້ໂດຍສານແມ່ລູກອ່ອນໄດ້ຮັບ ແລະ ທັງມີຄວາມເສຍໃຈຕໍ່ຜູ້ໂດຍສານອື່ນໆທີ່ໄດ້ຮັບຜົນກະທົບໃນເຫດການນີ້.

ນອກນີ້ຖະແຫລງການຍັງລະບຸວ່າ ຜູ້ໂດຍສານຍິງຄົນດັ່ງກ່າວ ຈະໄດ້ຮັບການດູແລຊົດເຊີຍຢ່າງດີຈາກເອເມລິກັນ ແອລາຍແລ້ວ ໂດຍມີການອັດເກດທີ່ນັ່ງໃຫ້ເປັນຜູ້ດານສານຊັ້ນຫນຶ່ງ ແລະ ໃຫ້ເດີນທາງໄປຍັງຈຸດຫມາຍທີ່ເມືອງດັກລາດສໃນອີກຖ້ຽວບິນອື່ນ.

- Wave100S AD to Website 2020 0 - ສາຍການບິນອາເມລິກັນ ແອລາຍອອກມາຖະແຫລງຂ່າວ ຫລັງພະນັກງານໃຊ້ຄວາມຮຸ່ນແຮງຕໍ່ກັບຜູ້ໂດຍສານຍິງ

“ການກະທຳຂອງເຈົ້າຫນ້າທີ່ຄັ້ງນີ້ ບໍ່ໄດ້ສະແດງເຖີງຄວາມອົດທົນ ຫລື ຄວາມເຫັນອົກເຫັນໃຈ ຊຶ່ງເປັນສອງຄຸນຄ່າສຳຄັນຕໍ່ການໃສ່ໃຈດູເບີ່ງແຍງລູກຄ້າ ໂດຍສະຫລຸບແລ້ວພວກເຮົາຜິດຫວັງກັບການກະທຳນີ້ຢ່າງຢິ່ງ” ຖະແຫລງການຂອງສາຍການບິນລະບຸ

 

- WhatsApp Image 2020 05 27 at 5 - ສາຍການບິນອາເມລິກັນ ແອລາຍອອກມາຖະແຫລງຂ່າວ ຫລັງພະນັກງານໃຊ້ຄວາມຮຸ່ນແຮງຕໍ່ກັບຜູ້ໂດຍສານຍິງ
- WhatsApp Image 2020 05 27 at 5 - ສາຍການບິນອາເມລິກັນ ແອລາຍອອກມາຖະແຫລງຂ່າວ ຫລັງພະນັກງານໃຊ້ຄວາມຮຸ່ນແຮງຕໍ່ກັບຜູ້ໂດຍສານຍິງ
error: Alert: ເນື້ອຫາຂ່າວມີລິຂະສິດ !!