ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ

- Untitled design - ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ

- nrK6MibqgJNYrlcVAyCFf6 qxHb7OEuK 300x199 - ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ

ໃນທ້າຍອາທິດຜ່ານມານີ້,ໂຮງຮຽນປະຖົມມັດຖະຍົມຕອນຕົ້ນສີນໄຊໄດ້ຈັດພິທີສະເຫລີມສະຫລອງວັນສ້າງຕັ້ງຄົບຮອບ 25 ປີ (1991-2016) ຂຶ້ນດ້ວຍບັນຍາກາດຄືກຄື້ນທີ່ສູນການຄ້າລາວ-ໄອເຕັກ, ໂດຍ ການໃຫ້ກຽດ ເຂົ້າຮ່ວມຂອງ ທ່ານ ນາງ ແສງເດືອນ ຫລ້າຈັນທະບູນລັດຖະມົນຕີກະຊວງສຶກສາທິການ ແລະ ກິລາ, ມີຄະນະ ອໍານວຍການ, ຄູອາຈານ, ບັນດາ ແຂກ, ຜູ້ປົກຄອງ ແລະ ນ້ອງນັກຮຽນເຂົ້າຮ່ວມເປັນຈໍານວນຫລາຍ.

ທ່ານນາງ ອາລີ ພົນເສນາ ອໍານວຍການໂຮງຮຽນດັ່ງກ່າວໃຫ້ຮູ້ວ່າ: ພາຍໃຕ້ການນຊີ້ນໍາ ຈາກກະຊວງສຶກສາ ທິການ ແລະ ກິລາ, ກໍຄືພະແນກສຶກສາທິການ ແລະ ກິລານະຄອນຫລວງວຽງຈັນ, ຕະຫລອດໄລຍະ 25 ປີ ຜ່ານມາຄະນະອໍານວຍການ, ຄູອາຈານ ແລະ ພະນັກງານໄດ້ ພ້ອມກັນສູ້ຊົນເອົາໃຈໃສ່ພັດທະນາ, ສິດສອນ ນັກຮຽນໃຫ້ມີຄວາມຮູ້, ຄວາມສາມາດ ແລະ ມີຄວາມກ້າວໜ້າຕາມຍຸກສະໄໝ, ໄປຄຽງຄູ່ກັບການປັບປຸງ ສະພາບແວດລ້ອມໃຫ້ດີຂຶ້ນເປັນລໍາດັບເພື່ອອໍານວຍຄວາມສະດວກໃຫ້ຄູອາຈານ ແລະ ນັກ ຮຽນໄດ້ມີເງື່ອນໄຂ ຄົ້ນຄວ້າຮໍ່າຮຽນ ແລະ ຈັດກິດຈະກໍາຕ່າງໆ ເປັນຕົ້ນ: ປັບປຸງຫ້ອງສະມຸດ, ຫ້ອງສື່ການສອນ, ສ້າງຫ້ອງອາຊຽນ, ຫ້ອງຮຽນກ່ຽວກັບລະບົບ ສຸລິລຍະຈັກກະວານ, ຫ້ອງສີລະປະ ແລະ ອື່ນໆ, ເຊິ່ງນັບແຕ່ເລີ່ມ ຕົ້ນຈົນມາຮອດ ປັດຈຸບັນໄດ້ຮັບນັກຮຽນເຂົ້າມາຮໍ່າຮຽນຫລາຍກວ່າ 25 ພັນຄົນ, ໃນນັ້ນເປັນຍິງ 14 ພັນກວ່າຄົນ ແລະ ມີນ້ອງ ນັກຮຽນຫລາຍຄົນຂອງໂຮງຮຽນທີ່ສາມາດຍາດໄດ້ຜົນງານຈາກການສອບເສັງນັກຮຽນເກັງໃນລະ ດັບຕ່າງໆທັງ ພາຍໃນ ແລະ ຕ່າງປະເທດ, ພ້ອມທັງເຂົ້າຮ່ວມກິດຈະກໍາທາງດ້ານສັງຄົມຕ່າງໆເຊັ່ນ: ແຂ່ງຂັນສີລະປະ- ວັນນະຄະດີ, ກິລາ ແລະ ວຽກງານອົງການຈັດຕັ້ງມະຫາຊົນຂັ້ນຕ່າງໆ. ຈາກຜົນງານທີ່ຍາດ ມາໄດ້ໃນໄລຍະ ຜ່ານມາ, ຈຶ່ງໄດ້ຮັບການຍ້ອງຍໍ ຈາກພັກ-ລັດຖະບານ ແລະ ອົງການຈັດຕັ້ງຂັ້ນຕ່າງໆເປັນຕົ້ນ: ຫລຽນໄຊແຮງ ງານຊັ້ນ III ສອງໜ່ວຍ, ໃບ ຍ້ອງຍໍລັດຖະບານ, ໃບຍ້ອງຍໍຂອງກະຊວງສຶກສາທິການ ແລະ ກິລາ ແລະ ໃບກຽດ ຕິຄຸນອື່ນໆເປັນຈໍານວນຫລາຍ.

- Wave100S AD to Website 2020 0 - ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ

ໃນໂອກາດດັ່ງກ່າວ, ຍັງ ໄດ້ມີການປະດັບຫລຽນໄຊແຮງງານຊັ້ນ II ໃຫ້ໂຮງຮຽນດັ່ງກ່າວ ທີ່ມີຜົນງານເດັ່ນ ປະກອບສ່ວນເຂົ້າໃນວຽກງານພັດທະນາສຶກສາໃນໄລຍະຜ່ານມາ, ໂດຍການ ໃຫ້ກຽດປະດັບຫລຽນຂອງ ທ່ານລັດຖະມົນຕີກະຊວງສຶກສາທິການ ແລະ ກິລາ ແລະ ມອບໃບຍ້ອງຍໍໃຫ້ບັນດາຄູອາ ຈານທີ່ມີຜົນງານເດັ່ນ ໃນການສິດສອນນັກຮຽນກໍຄືການສ້າງຊັບພະຍາກອນມະນຸດຂອງຊາດ.

- WhatsApp Image 2020 05 27 at 5 - ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ
- WhatsApp Image 2020 05 27 at 5 - ໂຮງຮຽນສີນໄຊສະຫລອງວັນສ້າງຕັ້ງຄົບຮອບ 25 ປີ
error: Alert: ເນື້ອຫາຂ່າວມີລິຂະສິດ !!