ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ

ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ - 2560x1920 water splash abstract - ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ
ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ - Untitled design - ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ

 ໂດຍ: ກ້ອງສ່ອງ ອິດສະຫລະ.  

ນັບແຕ່ປະເທດຊາດຂອງ ພວກເຮົາໄດ້ກ້າວເຂົ້າສູ່ໄລຍະ ປ່ຽນແປງໃໝ່ ມາຮອດປັດຈຸ ບັນປະເທດຊາດບ້ານເມືອງ ກໍນັບມື້ ມີຄວາມຈະເລີນຮຸ່ງ ເຮືອງ ຢ່າງໄວວາ ແລະ ເດີນ ໜ້າໄປຢ່າງບໍ່ຢຸດຢັ້ງ.

 

ເລີ່ມເປັນພະນັກງານ ເລີ່ມຄິດເລື່ອງບຳນານ

ໃຫ້ນິຕິກຳຂອງພັກກາຍເປັນຄ້ອນຕະບອງເພັດ

ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ - Wave100S AD to Website 2020 0 - ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ

ໃນນີ້, ມັນກໍຜ່ານພົ້ນໄປ ດ້ວຍໄລຍະປະຫວັດສາດ ມີ ການປະເຊີນໜ້າຕໍ່ສິ່ງທ້າ ທາຍທັງອັນດີ ແລະ ອັນຮ້າຍ. ເມື່ອເບິ່ງສະພາບລວມແລ້ວ ມັນກໍມີບັນດາປັດໄຈຫລາຍ ຢ່າງທີ່ເອື້ອອຳນວຍໃຫ້ການສ້າງສາພັດທະນາເສດຖະກິດ-ສັງຄົມພາຍໃນປະເທດ, ຕໍ່ ສາກົນອັນພົ້ນເດັ່ນກໍແມ່ນ ຂອບການຮ່ວມມືເປັນກຸ່ມ ເປັນກ້ອນ, ນັບທັງການ ເຊື່ອມໂຍງເຊື່ອມຈອດໃນ ພາກພື້ນ ແລະ ໃນໂລກ.
ໄປຄຽງຄູ່ກັບດ້ານດີ ແລະ ຕັ້ງໜ້າດັ່ງ ທີ່ກ່າວມາ ຂ້າງເທິງນັ້ນແລ້ວ, ກໍປະຕິ ເສດບໍ່ໄດ້ໃນບາງຢ່າງທີ່ພົວ ພັນເຖິງການກົດໜ່ວງຖ່ວງ ດຶງບາດກ້າວເດີນຂອງຊາດ ເປັນຕົ້ນຄື: ຜົນກະທົບຈາກ ໄພທຳມະຊາດ, ການກະທຳ ທີ່ຂັດຂວາງໃສ່ຮ້າຍປ້າຍສີ ແລະ ຕໍ່ຕ້ານຂອງອິດທິກຳ ລັງປໍລະປັກ, ການກະທຳທີ່ ອອກແລວຜິດເຂວໃນການ ຈັດຕັ້ງປະຕິບັດແນວທາງ ນະໂຍບາຍຂອງພັກ ແລະ ລັດຖະບານຂອງບັນດາສະ ຫາຍພະນັກງານ ແລະ ສະ ມາຊິກພັກຈຳນວນ ບໍ່ໜ້ອຍ, ອັນທີ່ພົ້ນເດັ່ນ ທີ່ສຸດກໍຄືການ ສໍ້ລາດບັງຫລວງ, ການສໍ້ໂກງ ຍັກຍອກຊັບສິນຂອງລັດ, ການສວຍໃຊ້ຖານະຕຳແໜ່ງ ເພື່ອຜົນປະໂຫຍດຂອງຕົນ ແລະ ພວກພ້ອງ, ນັບທັງບັນ ຫາຢາເສບຕິດ ແລະ ອື່ນໆ.

ແນວໃດກໍດີ, ສິ່ງທີ່ໄດ້ ເວົ້າມາຂ້າງເທິງນັ້ນ ກ່ອນອື່ນ ໝົດມັນກໍລ້ວນແລ້ວແຕ່ເກີດ ມາຈາກຄວາມຕື່ນຕົວ, ຄວາມ ຮັບຮູ້ທີ່ຜິດເຂວ ຫລື ຮູ້ແລ້ວ ຕ່າວພາໂລເຮັດແບບໝີກິນ ເຜິ້ງຈຶ່ງກ້າວໄປເຖິງການປະພືດ ແລະ ການກະທຳທີ່ຜິດ ເຂວແລ້ວມັນກໍໄປໃນທາງ ເພຕາມກົດເກນຂອງຂະບວນການທີ່ບໍ່ຍຸຕິທຳ, ເຊິ່ງໜຶ່ງໃນ ປະເດັນທີ່ໃຫຍ່ ໃນບັນດາ ປະກົດການຫຍໍ້ທໍ້ຢູ່ບ້ານເຮົາ ອັນໜຶ່ງກໍແມ່ນບັນຫາການ ຫັນຊັບເປັນທຶນໃນຫລາຍ ປີຜ່ານມາ, ເຫັນວ່າມີຜົນສະ ທ້ອນຫລາຍສົມຄວນ; ອັນໂຕ ທີ່ກ່ຽວຂ້ອງກວ່າໝູ່ແມ່ນ ເລື່ອງດິນກັບເຮືອນ ແລະ ສຳ ນັກງານອົງການຂອງລັດ, ຕົວ ຢ່າງວ່າ ແນວທາງຂອງພັກ ເພິ່ນ ໃຫ້ຫັນຊັບເປັນທຶນເພິ່ນ ພັດລັກເອົາໄປຂາຍ ຫລື ວ່າ ແລກປ່ຽນໂດຍທີ່ລັດບໍ່ໄດ້ຮັບຜົນປະໂຫຍດຫຍັງໃນເບຶ້ອງ ອະນາຄົດຍາວນານ, ຊ້ຳບໍ່ ໜຳບາງກົມກອງກໍມີຜົນ ສະທ້ອນຮອດພະນັກງານກັບ ໜ້າວຽກ.

ການໄປປຸກສ້າງສຳນັກງານອົງການທົດແທນຈຳ ນວນໜຶ່ງບໍ່ສອດຄ່ອງກັບ ເງື່ອນໄຂຍຸດທະສາດດ້ານວິ ຊາສະເພາະເຮັດໃຫ້ເບື້ອງລັດເສຍຜົນປະໂຫຍດດ້ານລົບ ຫລາຍກວ່າດ້ານບວກ; ບົດ ຮຽນໃນການຫັນຊັບເປັນທຶນຂອງປະເທດອື່ນເຂົາເຮັດນັ້ນ ແມ່ນທຸກຝ້າຍ, ທຸກຄົນບໍ່ວ່າ ເບື້ອງລັດ ແລະ ບຸກຄົນກໍພາ ກັນໄດ້ຮັບ ຜົນປະໂຫຍດ; ຕົວ ຢ່າງວ່າເຮົາມີດິນໃຫ້ນັກລົງ ທຶນມາລົງທຶນເຮັດທຸລະກິດ ດ້ານໃດດ້ານໜຶ່ງຜົນປະ ໂຫຍດກໍໄລ່ລຽງກັນລະຫວ່າງດິນກັບເຮືອນ; ຫລື ວ່າຂ້ອຍ ມີ ເຮືອນໃຫ້ໝູ່ມາເຊົ່າເຮົາກໍ ຕ້ອງຮັບຜົນປະໂຫຍດຄ່າເຊົ່າ ແລະ ອື່ນໆ.

ສະພາບຢູ່ບ້ານເຮົາໃນ ຫລາຍປີຜ່ານມາ, ບັນຫາການ ສໍ້ໂກງຂາຍຊັບສິນຂອງລັດ ເປັນປະກົດການຫຍໍ້ທໍ້ທີ່ພົ້ນ ເດັ່ນຈົນວ່າ ໄທເຮົາເຈົ້າຂ້ອຍ ທັງ ຫລາຍເກືອບຈະບໍ່ມີດິນຢູ່, ດິນລັດມອບໃຫ້ບ້ານ ຄຸ້ມຄອງ ນາຍບ້ານກໍລັກເອົາໄປຂາຍ ຈົນວ່າບໍ່ມີບ່ອນຈູດຄົນຕາຍ ສຸດທ້າຍກໍແຫ່ເວເຂົ້າວັດ, ປ່າ ສະຫງວນອະນຸລັກໄວ້ໃຫ້ເປັນປ່າແບບຍືນຍົງກໍພາກັນໄປ ລັກຕັດໄມ້, ສັດສາວາສິ່ງ ເຄື່ອງປ່າ ຂອງດົງມີຢູ່ໃສພາ ກັນໄປປາບໃຫ້ລຽບ, ມີດິນລັດ ດິນຫລວງຢູ່ບ່ອນໃດກໍໄປຫາວິທີຫັນເປັນກຳມະສິດສ່ວນ ຕົວແລ້ວກໍຂາຍເອົາເງິນເຂົ້າຖົງ, ປີນີ້ຂາຍຕອນນີ້ປີໜ້າ ຂາຍຕອນນັ້ນ ແລະ ຍັງຕອນ ຕໍ່ໆໄປ, ຊ້ຳບໍ່ໜຳບ່ອນເຄີຍຢູ່ ອູ່ເຄີຍນອນ, ບ່ອນເຮັດວຽກ ສະດວກສະບາຍ, ເປັນແຫລ່ງ ເສດຖະກິດຫາເງິນຫາຄຳ ລ້ຽງຊີບແຕ່ໜຸ່ມຈົນເຖົ້າສຸດ ທ້າຍກາຍເປັນຂອງຄົນອື່ນ ຖືກເຂົາໄລ່ໜີຕີສົ່ງປານ ໂຈນປ່າລະເໝາະ, ນີ້ລະເຂົາ ວ່າ ແນວຄິດທີ່ຜິດເຂວການ ກະທຳມັນກໍໄປໃນທາງເພ ຢະເອີຍ.

ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ - WhatsApp Image 2020 05 27 at 5 - ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ
ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ - WhatsApp Image 2020 05 27 at 5 - ຈາກແນວຄິດທີ່ຜິດເຂວການກະທຳມັນກໍໄປໃນທິດທາງເພ
error: Alert: ເນື້ອຫາຂ່າວມີລິຂະສິດ !!