ຈະ​ສ້າງ​ໂຮງງານ​ແປ​ຮູບ​ຂີ້​ເຫຍື້ອຢູ່ເມືອງໄຊທານີ

- Recycle - ຈະ​ສ້າງ​ໂຮງງານ​ແປ​ຮູບ​ຂີ້​ເຫຍື້ອຢູ່ເມືອງໄຊທານີ
- kitchen vibe - ຈະ​ສ້າງ​ໂຮງງານ​ແປ​ຮູບ​ຂີ້​ເຫຍື້ອຢູ່ເມືອງໄຊທານີ

ບໍລິສັດ ຂວັນ​ເມືອງ​ກຣຸບ ຈຳກັດ, ຈະລົງທຶນສ້າງຕັ້ງໂຮງງານແປຮູບຂີ້ເຫຍື້ອຢູ່ບ້ານນາຜາສຸກເມືອງໄຊທານີໃນເນື້ອທີ່ 50 ເຮັກຕາ, ເພື່ອ​ຜະລິດ​ເປັນ​ພະລັງງານ​ທົດ​ແທນ ແລະ ເມື່ອບໍ່ດົນມານີ້, ກໍໄດ້ມີກອງປະຊຸມປະ​ເມີນ​ຜົນ​ກະທົບ​ຕໍ່​ສິ່ງ​ແວດ​ລ້ອມ​ ແລະ ສັງຄົມ ໃນການ​ສ້າງຕັ້ງ​ໂຮງງານດັ່ງກ່າວ, ໂດຍການເປັນປະທານຂອງທ່ານຮອງເຈົ້າຄອງນະຄອນຫລວງວຽງຈັນ ແກ້ວ​ພິລາ​ວັນ ອາ​ໄພ​ລາດ, ມີ​ຫົວໜ້າ​ກົມກ່ຽວຂ້ອງຈາກກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ພ້ອມດ້ວຍອໍານາດກາປົກຄອງ​ເມືອງ ແລະ ພາກສ່ວນ​ກ່ຽວຂ້ອງຕ່າງໆ​ເຂົ້າຮ່ວມນໍາດ້ວຍ.

​ກອງ​ປະຊຸມ, ​ໄດ້ລາຍງານ​ກ່ຽວ​ກັບຄວາມ​ເປັນ​ມາ​ຂອງ​ໂຄງການ, ການນໍາໃຊ້​ເຕັກ​ໂນ​ໂລ​ຊີທີ່ທັນສະໄໝ, ​ແຜນ​ດຳ​ເນີນ​ງານ​ໂຄງການ ​ແລະ ກິດຈະກຳຂອງ​ການ​ພັດທະນາ​ໂຄງການ, ​ແຜນການ​ຄຸ້ມ​ຄອງ ​ແລະ ຕິດຕາມ​ກວດກາ​ສິ່ງ​ແວດ​ລ້ອມ​-ສັງຄົມ ​ແລະ ທຳ​ມະ​ຊາດ​ຂອງ​ໂຄງການ, ​​ເພື່ອເປັນບ່ອນອິງໃຫ້ພາກລັດກ່ຽວຂ້ອງສາມາດ​ຕິດຕາມ​ກວດກາ​ການຈັດຕັ້ງປະຕິບັດ​ຂອງໂຄງການໃຫ້ຖືກຕ້ອງ ແລະ ມີປະສິດທິຜົນ.

- Visit Laos Visit SALANA BOUTIQUE HOTEL - ຈະ​ສ້າງ​ໂຮງງານ​ແປ​ຮູບ​ຂີ້​ເຫຍື້ອຢູ່ເມືອງໄຊທານີ

ທ່ານ ຄຳ​ຫລ້າ ນາກຄະ​ວົງ ປະທານ​ບໍລິສັດ ຂວັນ​ເມືອງ​ກຣຸບ ຈຳກັດ ​ໃຫ້ຮູ້​ວ່າ: ການ​ສ້າງຕັ້ງ​ໂຮງງານ​ແປ​ຮູບ​ຂີ້​ເຫຍື້ອ​ເພື່ອ​ຜະລິດ​ພະລັງງານ​ທົດ​ແທນ, ​ແມ່ນໜຶ່ງແຜນງານທີ່​ປະຕິບັດ​ຕາມ​ນະ​ໂຍບາຍ 6 ສ ຂອງ​ນະຄອນຫລວງ​ວຽງຈັນ​ວາງ​ອອກ​ໃຫ້​ປາກົດ​ຜົນ​ເປັນ​ຈິງ, ​ໂດຍຄາດວ່າຈະ​ໃຊ້​ເວລາ​ກໍ່ສ້າງ 18 ​ເດືອນຈຶ່ງສໍາເລັດ, ເປັນໂຮງງານທີ່ນໍາໃຊ້ເຕັກໂນໂລຊີທັນສະໄໝ, ຊຶ່ງສາມາດ​ວັດ​ແທກ​ປະລິມານຂີ້​ເຫຍື້ອ​ແບບອັດຕະໂນມັດ, ພ້ອມທັງ​ຜະລິດ ແລະ ແປຮູບ ​ຂີ້​ເຫຍື້ອ​ເປັນ​ປຸ໋ຍຊີວະ​ພາບ ​ແລະ ​ເປັນ​ພະລັງງານ​ໄຟຟ້າໄດ້.

 

 

 

- 4 - ຈະ​ສ້າງ​ໂຮງງານ​ແປ​ຮູບ​ຂີ້​ເຫຍື້ອຢູ່ເມືອງໄຊທານີ
error: <b>Alert:</b> ເນື້ອຫາຂ່າວມີລິຂະສິດ !!