ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ

- 645x344 maduro expels top us diplomat from venezuela accuses him of conspiring against government 1527012279058 - ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ
- Untitled design - ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ

ປະທານາທິບໍດີຂອງ​ເວ​ເນ​ຊູ​ເອລາ​ສັ່ງ​ຂັບ​ໄລ່​ອຸປະ​ທູດ ​ແລະ ນັກ​ການ​ທູດ​ລະດັບ​ສູງ​ຂອງ​ອາ​ເມ​ລິ​ກາ​ອອກ​ນອກ​ປະ​ເທດ​ພາຍ​ໃນ 48 ຊົ່ວ​ໂມງ ຕອບ​ໂຕ້​ທີ່​ຖືກ​ອາ​ເມ​ລິ​ກາ​ປະກາດ​ຂວ້ຳບາດ​ຮອບ​ໃໝ່ ຫລັງ​ການ​ເລືອກ​ຕັ້ງປະທານາທິບໍດີ ​ໃນ​ວັນ​ທີ 20 ພຶດສະພາ.

ປະທານາທິບໍດີ ມາ​ດູ​ໂຣ ກ່າວ​ຫາ​ທ່ານ ທອດ ​ໂຣບິນ​ສັນ ອຸປະ​ທູດ​ອາ​ເມ​ລິ​ກາ​ວ່າ: ພົວພັນ​ໃນ​ແຜນ​ຄົບ​ຄິດ​ທາງ​ທະຫານ, ຂະນະ​ທີ່​ສະຖານທູດ​ອາ​ເມ​ລິ​ກາ​ແຊກ​ແຊງ​ເລື່ອງ​ທະຫານ, ​ເສດຖະກິດ ​ແລະ ການ​ເມືອງ, ທ່ານ​ຈະ​ນຳ​ເອົາ​ຫລັກ​ຖານ​ມາ​ຢືນຢັນ​ໃນ​ມໍ່ໆ​ນີ້ ພ້ອມ​ກັບ​ປະກາດ​ວ່າ​ບໍ່​ວ່າ​ແຜນ​ຄົບ​ຄິດ ຫລື ການ​ຂວ້ຳບາດ​ກໍ​ບໍ່​ສາມາດ​ຖ່ວງ​ດຶງ​ເວ​ເນ​ຊູ​ເອລາ​ໄດ້. ສ່ວນ​ທ່ານ ​ໂຣບິນ​ສັນ ທີ່​ເຂົ້າຮັບ​ຕຳ​ແໜ່​ງ​ໃນ​ເດືອນ​ທັນວາ ຖະ​ແຫລ​ງຢູ່​ເມືອງ​ເມີຣິດາ ທາງ​ຕາ​ເວັນ​ຕົກ​ຂອງ​ເວ​ເນ​ຊູ​ເອລາ​ວ່າ: ຂໍ​ປະຕິ​ເສດ​ຂໍ້​ກ່າວ​ຫາ​ດັ່ງກ່າວ, ທ່ານ​ເດີນທາງ​ມາ​ເມືອງ​ນີ້​ເປັນ​ເທື່ອ​ທຳ​ອິດ ​ແລະ ຈະ​ບໍ່​ແມ່ນ​ຄັ້ງສຸດ​ທ້າຍ, ສ່ວນ​ໂຄສົກ​ກະຊວງ​ຕ່າງປະ​ເທດ​ອາ​ເມ​ລິ​ກາ​ປະຕິ​ເສດ​ຂໍ້​ກ່າວ​ຫາ​ຂອງ​ຜູ້ນຳ​ເວ​ເນ​ຊູ​ເອລາ​ວ່າ​ເປັນ​ຂໍ້​ກ່າວ​ຫາ​ປອມ.

ຂະນະ​ດຽວ​ກັນ, ລັດຖະມົນຕີ​ການ​ຄ້າ​ເວ​ເນ​ຊູ​ເອລາ ​ໃຫ້​ສຳພາດ​ວ່າ: ມາດ​ຕະການ​ຂວ້ຳບາດ​ຮອບ​ໃໝ່​ຂອງ​ອາ​ເມ​ລິ​ກາ​ຈະ​ກະທົບ​ລະບົບ​ການ​ເງິນ​ຂອງ​ເວ​ເນ​ຊູ​ເອລາ​ຢ່າງ​ຮ້າຍ​ແຮງ, ມາດ​ຕະການ​ຂວ້ຳບາດ​ຜ່ານ​ມາ​ຈຳກັດ​ສະ​ເພາະ​ຊັບ​ສິນ​ຂອງ​ສະມາຊິກ​ລັດຖະບານ, ​ແຕ່​ມາດ​ຕະການ​ທີ່​ປະທານາທິບໍດີ ​ໂດ​ນັນ ທຣຳ ປະກາດ​ຄຳ​ສັ່ງ​ບໍລິຫານ​ໃນ​ວັນ​ທີ 21 ພຶດສະພາ ​ເປັນ​ການ​ຈຳກັດ​ໂອກາດ​ທີ່​ເວ​ເນ​ຊູ​ເອລາ​ຈະ​ຈຳໜ່າຍ​ຊັບ​ສິນ​ຂອງ​ລັດ ​ເພາະ​ຫ້າມ​ພົນລະ​ເມືອງ​ອາ​ເມ​ລິ​ກາ​ກ່ຽວຂ້ອງ​ກັບ​ການຈຳໜ່າຍ​ນ້ຳມັນ ​ແລະ ສິນຄ້າ​ອື່ນໆ​ຂອງ​ເວ​ເນ​ຊູ​ເອລາ, ​ເຖິງ​ວ່າ​ເວ​ເນ​ຊູ​ເອລາ​ຍັງ​ສາມາດ​ສົ່ງ​ເຊື້ອ​ໄຟ ​ແລະ ນ້ຳມັນ​ດິບ​ໄປ​ອາ​ເມ​ລິ​ກາ​ໄດ້​ຄື​ເກົ່າ​ກໍ​ຕາມ. ​ເປົ້າໝາຍ​ຂອງ​ມາດ​ຕະການ​ໃໝ່​ຄື​ພີ​ດີ​ວີ​ເອສ​ເອ ບໍລິສັດ​ໂຮງ​ກັ່ນ​ນ້ຳມັນ​ຂອງ​ທາງ​ການ​ເວ​ເນ​ຊູ​ເອລາ​ທີ່​ຕັ້ງຢູ່​ໃນ​ອາ​ເມ​ລິ​ກາ ​ເພາະ​ຖ້າ​ບໍລິສັດ​ນີ້​ຈຳໜ່າຍ​ນ້ຳມັນ​ໄດ້​ຍາກ, ​ເວ​ເນ​ຊູ​ເອລາ​ຈະ​ຍິ່ງ​ມີ​ເງິນຕາ​ຕ່າງປະ​ເທດ​ຫລຸດ​ລົງ ​ເຮັດ​ໃຫ້​ວິ​ກິດ​ເສດຖະກິດ​ຍິ່ງ​ຮ້າຍ​ແຮງ ​ເພີ່ມ​ແຮງ​ກົດ​ດັນ​ຕໍ່​ປະທານາທິບໍດີ ມາ​ດູ​ໂຣ.

- Wave100S AD to Website 2020 0 - ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ
- WhatsApp Image 2020 05 27 at 5 - ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ
- WhatsApp Image 2020 05 27 at 5 - ເວເນຊູເອລາຂັບໄລ່ທູດອາເມລິກາ ເພາະຖືກຂວ້ຳບາດຮອບໃໝ່ຫລັງເລືອກຕັ້ງ
error: Alert: ເນື້ອຫາຂ່າວມີລິຂະສິດ !!