ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ

- AGL banner - ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ

ຄະນະ​ອັກສອນສາດ (ຄອສ) ມະຫາ​ວິ​ມະ​ຍາ​ໄລ​ແຫ່ງ​ຊາດ (ມຊ), ​ໄດ້​​ເປີດ​ໂອກາດ​ໃຫ້​ນັກ​ສຶກສາ ​​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນ​ທາງ​ດ້ານ​ສິລະ​ປະ, ຂຶ້ນໃນ​ວັນ​ທີ 24 ພຶດສະພາ ນີ້, ທີ່​​ມະຫາ​ວິ​ທະຍາ​ໄລ​ດັ່ງກ່າວ, ​ໂດຍການ​ເຂົ້າ​ຮ່ວມ​ຂອງທ່ານ ອຸດົມ ພອນ​ຄໍ​າເພັງ ຮອງ​ອະທິການ​ບໍດີ ມະຫາວິທະຍາ​ໄລ​​ແຫ່ງ​ຊາດ, ມີ​ຄະນະ​ບໍດີ, ພ້ອມພະນັກງານ, ຄູ-​ອາຈານ ​ແລະ ນັກ​ສຶກສາ​ເຂົ້າ​ຮ່ວມເປັນຈໍານວນຫຼາຍ.

​    ກິດ​ຈະ​ກໍາ​ຄັ້ງ​ນີ້, ​ຈັດ​ຂຶ້ນ​​ເພື່ອ​ແນ​ໃສ່​ເຮັດ​ໃຫ້​ຄູ-​ອາຈານ ​ແລະ ນັກ​ສຶກສາ​ທົ່ວ​ໃນ​ ມຊ ​ໄດ້​ຮັບຮູ້ ​ແລະ ​ເຂົ້າ​ໃຈ​ເຖິງ​ການ​ສຶກສາ​ຮຽນ​ຮ່ວມ ​ໂດຍ​ສະ​ເພາະ​ແມ່ນ​ນັກ​ສຶກສາ​ພິການ​ຕາ​ທີ່​ກໍາລັງ​ຮຽນ​ຢູ່​ຄະນະ​ວິຊາ​ຕ່າງໆ ​ໃນ​ ມຊ, ​ໄດ້​ຮັບ​ໂອກາດ​ທີ່​ດີ​ໃນ​ການ​ເຂົ້າ​ເຖິງ​ການ​ສຶກສາ, ພ້ອມ​ທັງ​ໄດ້​ຮັບ​ການ​ຊ່ວຍ​ເຫຼືອ​ຈາກ​ໝູ່​ເພື່ອນ ​ແລະ ອາຈານ​ຢ່າງ​ເໝາະ​ສົມ.

ສໍາລັບການສະ​ແດງ​​ຂອງ​ນັກ​ສຶກສາດັ່ງກ່າວ​ ປະ​ກອບ​ມີ 7 ລາຍການຄື: ຮ້ອງ​ເພງ “ຍັງ​ບໍ່​ສິ້ນ​ຫວັງ”, ​ເປົ່າ​ແຄນ ​ແລະ ຟ້ອນ​ປະກອບ “ດ່ຽວ​ແຄນ​ລາຍ​ລາວ​ເດີມ”, ​ເລົ່າ​ກ່ຽວ​ກັບ​ປະສົບ​ການ ການເດີນທາງ​ຢູ່​ຕ່າງ​ແດນ, ຕໍ່ກອນ​ຜະຫຍາ​, ຮ້ອງ​ເພງ​ລວມໝູ່ “ຄໍາ​ວ່າ​ຄູ”, ກິດ​ຈະ​ກໍາ​ຖາມ-​ຕອບ​ຄໍາ​ຖາມ ກ່ຽວ​ກັບ​ການ​ສຶກສາ​ຮຽນ​ຮ່ວມ ​ແລະ ການສະ​​ແດງ​ລະຄອນ​ກ່ຽວ​ກັບ​ການ​ຮຽນ​ຮ່ວມ​ໃນ​ຫ້ອງ​ຂອງ​ນັກ​ສຶກສາ​ພິການ​ຕາ​ກັບ​ນັກ​ສຶກສາ​ປົກກະຕິ.

ຫ້ອງ​ສົ່ງ​ເສີມ​ການ​ສຶກສາ​ຮຽນ​ຮ່ວມ​ ເປັນ​ໜ່ວຍ​ງານ​ໜຶ່ງ​ທີ່​ຂຶ້ນ​ກັບ ພາກ​ວິຊາ​ພາສາ​ອັງກິດ ຄະນະ​ອັກສອນສາດ ​ມະຫາວິທະຍາ​​ໄລ​ແຫ່ງ​ຊາດ ​ແລະ ​ໄດ້​ຮັບ​ການ​ສ້າງ​ຕັ້ງ​ຂຶ້ນສົກຮຽນ​ 2015-2016 ​ໂດຍ​ອີງ​ໃສ່​ນະ​ໂຍບາຍ​ການ​ສຶກສາ​ແຫ່ງ​ຊາດ​ວ່າ​ດ້ວຍ​ການ​ສຶກສາ​ຮຽນ​ຮ່ວມ, ​ເຊິ່ງໜ່ວຍງານ​ດັ່ງກ່າວ, ​ໄດ້​ຮັບ​ການ​ສະໜັບສະໜູນ​ຈາກ ມະຫາວິທະຍາ​ໄລ​ແຫ່ງ​ຊາດ ​ແລະ ສະພາ​ການ​ສຶກສາ ​ເພື່ອ​ຄົນ​ພິກ​ານຕາ​ໂລກ ຈໍານວນ​ໜຶ່ງ. ທັງ​ນີ້​, ກໍເພື່ອ​ເຮັດ​ໃຫ້​ເຂົາ​​ເຈົ້າ​ໄດ້​ມີ​ໂອກາດ​ໃນ​ການ​ພັດທະນາ​ຄວາມ​ຮູ້, ຄວາມ​ສາມາດ ​ແລະ ສະພາບ​ການ​ດໍາລົງ​ຊີວິດ​ທີ່​ດີ​ໃນ​ສັງ​ຄົມ​ຄື​ກັບ​ຄົນ​ທົ່ວ​ໄປ.

- Wave100S AD to Website 2020 0 - ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ
- lattana banner 1 - ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ
-    AD conten website - ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ
- lattana banner - ມຊ ​ເປີດ​ໂອກາດ​ໃຫ້​ນັກ​ສຶກສາ​ພິການ​ທາງ​ສາຍ​ຕາ ​ໄດ້​ສະ​ແດງ​ພອນ​ສະຫວັນດ້ານ​ສິລະ​ປະ
error: Alert: ເນື້ອຫາຂ່າວມີລິຂະສິດ !!