ວິທີແກ້ບັນຫາກ່ຽວກັບຫົວນົມບອດ ຫຼື ຫົວນົມສັ້ນ ເພື່ອບໍ່ໃຫ້ມີບັນຫາໃນການໃຫ້ນົມລູກ

ນອກຈາກການການເບິ່ງແຍງເຕົ້ານົມແລ້ວ ອີກສິ່ງໜ່ຶງທີ່ຄວນເຮັດແຕ່ດົນໆ ກໍຄືການແກ້ບັນຫາຫົວນົມທີ່ມີຄວາມຜິດປົກກະຕິນັ້ນເອງ ໂດຍມີຄໍາແນະນໍາດັ່ງຕໍ່ໄປນີ້:

1. ບັນຫາຫົວນົມບອດ: ແກ້ໄຂດ້ວຍການດຶງຫົວນົມດຸໆ ແຕ່ຫາກນົມບອດຫຼາຍເກີນໄປ ຈົນບໍ່ສາມາດດຶງຫົວນົມຂຶ້ນມາໄດ້ ກໍໃຫ້ໃຊ້ອຸປະກອນຊ່ວຍແທນ ແຕ່ຕ້ອງໃຊ້ໄລຍະເວລາດົນ ແລະ ມີຄວາມຂະຫຍັນພໍສົມຄວນຈຶ່ງຈະດຶງຫົວນົມຂຶ້ນມາໄດ້ສໍາເລັດ ທັງນີ້ເມື່ອລອງເຮັດຫຼາຍວິທີແລ້ວຍັງບໍ່ໄດ້ຜົນ ສາມາດປຶກສາແພດໝໍ ເພື່ອໃຊ້ວິທີການຜ່າຕັດແກ້ໄຂໄດ້.
2. ບັນຫາຫົວນົມສັ້ນ: ເປັນອີກໜຶ່ງບັນຫາທີ່ພົບຫຼາຍ ເພາະເຖິງວ່າຫົວນົມຈະບໍ່ເຖິງຂັ້ນບອດ ແຕ່ກໍເຮັດໃຫ້ມີບັນຫາໃນການໃຫ້ນົມລູກບໍ່ໜ້ອຍ ໂດຍບັນຫານີ້ໃຫ້ແກ້ໄຂດ້ວຍການດຶງຫົວນົມເປັນປະຈໍາ ໂດຍໃຊ້ນິ້ວຊີ້ ແລະ ນິ້ວໂປ້ວາງລົງດ້ານຂ້າງຂອງຫົວນົມ ຈາກນັ້ນດຶງແຍກອອກຈາກກັນ ເຮັດຊໍ້າແບບນີ້ມື້ລະ 2 ຄັ້ງ ກໍແກ້ໄຂບັນຫາໄດ້.

ຫົວນົມແມ່ນເປັນສິ່ງທີ່ສໍາຄັນ ທີ່ຄວນໃຫ້ຄວາມສົນໃຈ ແລະ ກຽມພ້ອມຕັ້ງແຕ່ຖືພາ ນັ້ນກໍເພື່ອໃຫ້ລູກນ້ອຍສາມາດດູດນົມແມ່ໄດ້ຢ່າງງ່າຍດາຍຫຼາຍຂຶ້ນ.